Mumi mi dloomi nike níhi
1
2 Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.
3 I ngɛ hae nɛ nyɛɛ le kaa nɔ nɛ Mawu mumi ɔ ngɛ e mi ɔ, e de we ke, “A gbiɛ Yesu.” Jã kɛ̃ nɔ ko be nyɛe ma de ke, “Yesu ji Nyɔmtsɛ” hulɔ kaa ja Mumi Klɔuklɔu ɔ tsɔɔ lɛ blɔ.
4
5 Blɔ slɔɔtohi a nɔ a guɔ kɛ sɔmɔɔ, se Nyɔmtsɛ kake ɔ nɔuu a sɔmɔɔ.
6 Ní tsumi slɔɔtohi ngɛ, se Mawu kake ɔ nɔuu lɛ haa nɔ tsuaa nɔ he wami nɛ hia lɛ nɛ e kɛ tsuɔ ní.
7 Mawu haa nɔ tsuaa nɔ okadi ko kɛ̃ nɛ tsɔɔ kaa e mumi ɔ ngɛ nɔ ɔ mi, konɛ nɔ ɔ kɛ tsu ní ha asafo ɔ tsuo.
8 Mawu mumi ɔ haa nɔ ko he wami nɛ e kɛ tuɔ munyu nɛ juɛmi ngɛ mi. Jamɛ a mumi ɔ nɔuu haa nɔ kpa hu he wami nɛ e kɛ tuɔ munyu nɛ sisi numi ngɛ mi.
9 Mumi kake too ɔ haa nɔ ko hemi kɛ yemi, nɛ e haa nɔ kpa he wami nɛ e kɛ tsaa hiɔ.
10 Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.
11 Se mumi kake ɔ nɔuu lɛ tsuɔ ní nɛ ɔmɛ tsuo; e haa nɔ tsuaa nɔ nike ní pɔtɛɛ ko kaa bɔ nɛ lɛɛ e suɔ.
Nɔmlɔ tso kake kɛ e he ní slɔɔtohi
12
13 Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.
14
15 Ke nane ma de ke, “Akɛnɛ i pi nine he je ɔ, pi nɔmlɔ tso ɔ he nɔ́ ko ji mi” ɔ, lɔ ɔ tsa tsɔɔ we kaa pi nɔmlɔ tso ɔ he ní ɔmɛ eko ji lɛ niinɛ.
16 Nɛ ke tue hu ma de ke, “Akɛnɛ i pi hɛngmɛ he je ɔ, pi nɔmlɔ tso ɔ he nɔ́ ko ji mi” ɔ, lɔ ɔ tsa tsɔɔ we kaa pi nɔmlɔ tso ɔ he ní ɔmɛ eko ji lɛ niinɛ.
17 Ke nɔmlɔ tso ɔ tsuo ji hɛngmɛ ɔ, kɛ e maa pee kɛ nu nɔ́ kɛɛ? Nɛ ke lɛ tsuo ji tue ɔ, kɛ e maa pee kɛ nu nɔ́ he fu kɛɛ?
18 Se kaa bɔ nɛ wa le ɔ, Mawu to nɔmlɔ tso he ní ɔmɛ tsuo kakaaka ngɔ ma nɔmlɔ tso ɔ he kaa bɔ nɛ e to nɛ a hi ɔ.
19 Ke he ní ɔmɛ tsuo peeɔ he nɔ́ kake too ɔ, lɔ ɔ lɛɛ nɔmlɔ tso ko tsa be si hie!
20 Se kaa bɔ nɛ wa le ɔ, he níhi babauu lɛ ngɛ, se nɔmlɔ tso ɔ lɛɛ kake too.
21
22 Dɛbi! Nɔmlɔ tso ɔ he níhi nɛ peeɔ wɔ kaa a he wɛ pe kulaa a, mɛ mohu a he hia wɔ titli.
23 Nɔmlɔ tso ɔ he níhi nɛ wa bui kpakpa ko ɔ, mɛ mohu a nɔ wa hyɛɛ saminya. Nɔmlɔ tso ɔ he níhi nɛ sɛ nɛ a jeɔ kpo ngɛ ma hɛ mi ɔ, lɔ ɔmɛ lɛ wa jeɔ blɔ haa a he saminya.
24 Ní nɛmɛ nɛ wa naa daa nɛ ɔ lɛɛ e hia we kaa a pee mɛ jã. Nɛ́ Mawu pee nɔmlɔ tso ɔ, e he ní komɛ nɛ wa susuɔ kaa a he be se nami tsɔ ko ɔ, lɔ ɔmɛ mohu a hɛ mi nyami nɛ e wo pe kulaa.
25 Mawu pee enɛ ɔ, konɛ mi gbami nɛ ko ba nɔmlɔ tso ɔ mi, se mohu nɔmlɔ tso ɔ he ní slɔɔto ɔmɛ tsuo suɔ a he, nɛ a nuɔ nɔ he ha a sibi.
26 Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.
27
28
29 Pi ni ɔmɛ tsuo ji bɔfohi, loo Mawu sɛ gbi fiɛli, loo tsɔɔli. Pi nɔ tsuaa nɔ nɛ ngɛ he wami nɛ a kɛ peeɔ nyakpɛ ní.
30 Pi nɔ tsuaa nɔ nɛ ngɛ he wami nɛ a kɛ tsaa hiɔ, loo a kɛ tuɔ gbi slɔɔtohi. Pi nɔ tsuaa nɔ ko hu nɛ ngɛ he wami nɛ a kɛ tsɔɔ gbi sisi.
31 Lɔ ɔ he ɔ, nyɛɛ bɔ nike níhi nɛ a he jua wa a a he mɔde.