Ezekiel 15

Abɛ nɛ kɔɔ wai tso he

1 Yawɛ kɛ mi tu munyu ekohu ke,

2 “Nɔmlɔ adesa, wai tso, loo wai tso kɔni nɛ ngɛ hue mi tso ɔmɛ a kpɛti ɔ, mɛni e kɛ pe tso kpa amɛ tsuo?

3 Anɛ a ngɔɔ wai tso, loo e kɔni kɛ tsuɔ nɔ́ ko; aloo a ngɔɔ eko kɛ peeɔ tso plɛɛko, konɛ a ngɔ ní slɔɔtoslɔɔtohi kɛ kpla he lo?

4 Dɛbi, a ngɔɔ kɛ woɔ la mi kaa lɛ́; nɛ ke e nya hiɛ kɛ hiɛ ngla a, anɛ e kpɛti ɔ nɛ la sã he bɔɔ ɔ, mɛni se nami pa ngɛ he?

5 Hyɛ kaa benɛ e ngɛ nɛ la sɛ he ɔ tete po a kɛ tsu we nɔ ko, nɛ jehanɛ lɛɛ nɛ la sã e nya nɛ e ngla a, a kɛ ma tsu nɔ́ ko lo?”

6 Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Bɔ nɛ i haa la sãã wai tso pɛsɛpɛsɛ ngɛ hue mi ɔ, ja ma ha la ma kpata Yerusalem bi ɔmɛ a hɛ mi.

7 Ja pɛpɛɛpɛ ma gbla Yerusalem bi ɔmɛ a tue. Ke a je haomi kake mi ɔ, a maa sɛ haomi kpa nɛ nya wa mi; nɛ a hɛ mi ma kpata pɛsɛpɛsɛ. Ke i gbla a tue wawɛɛ kikɛ ɔ, lɔ ɔ loko a ma na maa le kaa imi ji Yawɛ.

8 Ma ha zugba a nɔ tsuo ma plɛ pee nga kplanaa nɛ nɔ ko nɔ ko be nɔ; ejakaa nimli ɔmɛ yi mi anɔkuale.”