He womi nɔ hiɔ yaya numi se he tsukɔmi
1
2
3 Osɔfo ɔ nɛ ngɔ lɛ kɛ je ma sito he ɔ, nɛ e ya hyɛ lɛ. Ke e na kaa hiɔ ɔ ta ngɛ nɔ ɔ he ɔ,
4 e fa nɛ a kɛ lohwe pɛlitsɛmɛ nɛ a he tsɔ enyɔ, seda tso, kɔjai, kɛ nga nɛ a fi kɛ bla kaa bɛ nɛ ba.
5 Osɔfo ɔ nɛ fa nɛ a gbe lohwe pɛlitsɛ ɔ kake ngɛ zu buɛ nɛ nyu mua ngɛ mi nɔ,
6 konɛ e ngɔ lohwe pɛlitsɛ hɛngmengmletsɛ ɔ, seda tso ɔ, kɔjai ɔ, kɛ nga nɛ a fi kɛ bla kaa bɛ ɔ, nɛ e kɛ sɔ lohwe pɛlitsɛ nɛ a gbe ɔ ngɛ nyu mua nɔ ɔ muɔ ɔ mi.
7 Jehanɛ, é fĩa muɔ ɔ si kpaago kɛ pue nɔ nɛ nu he womi nɔ hiɔ yaya nɛ ma e he tsukɔmi ɔ nɔ, nɛ é ha nɛ e le kaa e he tsɔ. Lɔ ɔ se ɔ, é ngmɛɛ lohwe hɛngmengmletsɛ ɔ he nɛ é te kɛ ho nga mi ya.
8 Enɛ ɔ se ɔ, nɔ nɛ ma e he tsukɔmi ɔ nɛ fɔ e tade ɔmɛ a he, nɛ é sɛ e he bwɔmi tsuo, nɛ é du e he; kɛkɛ e he ma tsɔ. E ma nyɛ maa ba ma sito he ɔ, se e be e bo tsu ɔ mi hwɔe; e maa hi e bo tsu ɔ se ligbi kpaago.
9 Ligbi kpaagone ɔ, nɔ ɔ nɛ sɛ e yi kpalokpalo; é sɛ e kpɛni kɛ e hɛngmɛ se bwɔmi, kɛ e he bwɔmi tsuo kulaa. Enɛ ɔ se ɔ, é fɔ e tade ɔmɛ a he, nɛ é du e he, kɛkɛ e he ma tsɔ.
10
11 Osɔfo ɔ nɛ maa tsukɔ nɔ ɔ he ha lɛ ɔ nɛ ngɔ lɛ, kɛ e ní ɔmɛ tsuo kɛ ba Yawɛ hɛ mi ngɛ kpe he bo tsu ɔ sinya a nya.
12 Osɔfo ɔ nɛ ngɔ agbosu enyɔ ɔmɛ a ti kake kɛ piɛ nu lita fa a he kɛ ba kaa fɔ yemi bɔ, nɛ e ngɔ mɛ kɛ ba kaa bɔ nɛ a fɔɔ kɛ yaa kɛ baa ngɛ Yawɛ hɛ mi.
13 É gbe agbosu ɔ ngɛ he klɔuklɔu ɔ, he nɛ a gbee lohwe nɛ a kɛ sãã yayami pami bɔ, kɛ sami bɔ ngɛ ɔ. Ejakaa yayami pami bɔ ɔ, osɔfo ɔmɛ a nɔ́ kaa bɔ nɛ fɔ yemi bɔ ɔ ngɛ ɔ; e ngɛ klɔuklɔu saminya.
14 Osɔfo ɔ nɛ ngɔ lohwe nɛ a kɛ ba sã fɔ yemi bɔ ɔ e muɔ eko kɛ kpa nɔ nɛ ma e he tsukɔmi ɔ hiɔ nɔ tue nya lo, kɛ e hiɔ nine nguɛ gɔleku, kɛ e hiɔ nane nguɛ gɔleku he.
15 Jehanɛ, osɔfo ɔ nɛ plɛ nu ɔ eko kɛ wo lɛ nitsɛ e muɔ dɛ kɔkɔ mi.
16 É kɛ e hiɔ nine nguɛ kake nɛ sɔ nu ɔ mi, nɛ é fĩa si kpaago ngɛ Yawɛ hɛ mi.
17 É ngɔ nu ɔ nɛ ngɛ e dɛ mi ɔ eko nɛ e kɛ kpa nɔ nɛ ma e he tsukɔmi ɔ hiɔ nɔ tue nya lo, hiɔ nine nguɛ gɔleku, kɛ e hiɔ nane nguɛ gɔleku he. E ngɔ lohwe ɔ nɛ a kɛ ba sã fɔ yemi bɔ ɔ hu muɔ kɛ pee ja nɔuu.
18 Nu ɔ nɛ maa piɛ ngɛ osɔfo ɔ dɛ mi ɔ, e kɛ pue nɔ nɛ ma e he tsukɔmi ɔ yi mi. Ke nɔ ko nu he womi nɔ hiɔ yaya a, kusumi nɛ osɔfo ɔ maa pee kɛ kpata Yawɛ ha lɛ ji nɛ ɔ nɛ.
19
20 Osɔfo ɔ nɛ ngɔ sami bɔ ɔ, kɛ niye ní bɔ ɔ, nɛ e sã mɛ ngɛ bɔ sami la tɛ ɔ nɔ. Kusumi nɛ osɔfo ɔ maa pee kɛ kpata Yawɛ ha lɛ ji nɛ ɔ nɛ, kɛkɛ ɔ, e he ma tsɔ.
21
22 kɛ lahuɛ enyɔ, aloo beleku lahuɛ enyɔ. Kake maa pee yayami pami bɔ, nɛ kake hu maa pee sami bɔ.
23 E he tsukɔmi be ɔ, ligbi kpaanyɔne ɔ nɔ ɔ, e ngɔ ní nɛ ɔmɛ kɛ ba ha osɔfo ɔ ngɛ Yawɛ hɛ mi ngɛ kpe he bo tsu ɔ sinya a nya.
24 Osɔfo ɔ nɛ ngɔ agbosu ɔ nɛ a kɛ maa sã fɔ yemi bɔ ɔ, kɛ nu ɔ kɛ ba kaa bɔ nɛ a fɔɔ kɛ yaa kɛ baa ngɛ Yawɛ hɛ mi.
25 Jehanɛ, é gbe agbosu ɔ, nɛ é ngɔ e muɔ ɔ eko kɛ kpa nɔ nɛ ma e he tsukɔmi ɔ hiɔ nɔ tue nya lo, kɛ e hiɔ nine nguɛ gɔleku, kɛ e hiɔ nane nguɛ gɔleku he.
26 Enɛ ɔ se ɔ, osɔfo ɔ nɛ plɛ nu ɔ eko kɛ wo lɛ nitsɛ e muɔ nine dɛ kɔkɔ mi,
27 nɛ e ngɔ e hiɔ nine nguɛ kake kɛ sɔ nu ɔ mi nɛ e fĩa si kpaago ngɛ Yawɛ hɛ mi.
28 Osɔfo ɔ nɛ ngɔ nu nɛ ngɛ e dɛ mi ɔ eko kɛ kpa nɔ nɛ ma e he tsukɔmi ɔ hiɔ nɔ tue nya lo, e hiɔ nine nguɛ gɔleku, kɛ e hiɔ nane nguɛ gɔleku ɔmɛ a he kaa bɔ nɛ e kɛ muɔ ɔ pee ɔ.
29 Nu nɛ maa piɛ ngɛ osɔfo ɔ dɛ mi ɔ, e kɛ pue nɔ ɔ nɛ a ngɛ e he tsukɔe ɔ yi mi. Kusumi nɛ osɔfo ɔ maa pee kɛ kpata Yawɛ ha lɛ ji nɛ ɔ nɛ.
30 Jehanɛ e ngɔ lahuɛ ɔ kake, loo beleku lahuɛ ɔ kake
31 kɛ ba sã yayami pami bɔ, nɛ a kɛ kake ɔ hu nɛ sã sami bɔ kɛ piɛ niye ní bɔ ɔ he. Kusumi nɛ osɔfo ɔ maa pee kɛ kpata Yawɛ ha nɔ nɛ ma e he tsukɔmi ɔ ji nɛ ɔ nɛ.
32 Nɔ nɛ ngɛ he womi nɔ hiɔ yaya nue, nɛ be nyɛe ma ha ní ɔmɛ tsuo nɛ a kɛ maa pee kusumi kɛ tsukɔ e he ɔ, mlaa nɛ fɔɔ si ha lɛ ji nɛ ɔ nɛ.
Wehi nɛ a he fu ja
33
34 mlaa nɛ ɔmɛ nɛ kɔɔ wehi nɛ a he fu ja a he. Ke Israel bi ɔmɛ ya su zugba a nɛ Yawɛ ngɔ ha mɛ kaa a weto ní ɔ nɔ ɔ, mlaa nɛ sa kaa a ye nɔ ji nɛ ɔ nɛ.
35 Nɔ tsuaa nɔ nɛ maa na nɔ́ ko nɛ fu ja ngɛ e we he ɔ, e ha nɛ osɔfo nɛ le.
36 Osɔfo ɔ nɛ fa nɛ a je nɔ́ tsuaa nɔ́ kpo, loko e ya hyɛ he nɛ fu ja a, bɔ nɛ pee nɛ a ko bu nɔ́ tsuaa nɔ́ nɛ ngɛ we ɔ mi ɔ kaa e he tsɔ we. Ke a je ní ɔmɛ kpo ta a, osɔfo ɔ nɛ ya we ɔ mi
37 nɛ e ya hyɛ he nɛ fu ja a. Ke e na nɔ́ tsu, loo nɔ́ nɛ hɛɛ ba mumu su nɛ ha si ngɛ gli ɔ he ɔ,
38 osɔfo ɔ nɛ je lejɛ ɔ, nɛ e ha nɛ a nga we ɔ nya ligbi kpaago.
39 Ligbi kpaagone ɔ, osɔfo ɔ nɛ kpale ya hyɛ ekohu. Ke e na kaa nɔ́ ɔ ha si ngɛ gli ɔ he ɔ,
40 e fa nɛ a je tɛhi nɛ nɔ́ ɔ ngɛ a he ɔ kɛ je gli ɔ mi, nɛ a ya sake mɛ ngɔ pue kuku nɔ ngɛ ma a se.
41 Lɔ ɔ se ɔ, osɔfo ɔ nɛ ha nɛ a ngmla gli ɔ tsuo he ngɛ tsu ɔmɛ a mi, nɛ a bua zu ɔ nya kɛ ya pue he ngɛ kuku nɔ ngɛ ma a se.
42 Jehanɛ, á ngɔ tɛ kpahi kɛ tsi puɔ ɔmɛ, nɛ́ a ngɔ zu kpa kɛ kã gli ɔmɛ a he.
43
44 osɔfo ɔ nɛ kpale ya hyɛ ekohu. Ke e na kaa nɔ́ ɔ ha si ngɛ gli ɔ he ɔ, lɛɛ e ji nɔ́ yaya nɛ maa ye awi; we ɔ he tsɔ we.
45 Osɔfo ɔ nɛ ha nɛ a ku we ɔ kɛ pue si nɛ a muɔ tɛ ɔmɛ, tso ɔmɛ, kɛ zu ɔ kɛ je ma a mi kɛ ya pue kuku nɔ.
46 Nɔ tsuaa nɔ nɛ maa sɛ we ɔ mi, be mi nɛ a nga we ɔ nya a, e he be tsɔe kɛ yaa si du ma bu.
47 Nɔ tsuaa nɔ nɛ maa hwɔ we ɔ mi, loo e maa ye ní ngɛ we ɔ mi ɔ, é fɔ e tade ɔmɛ a he.
48
49 Osɔfo ɔ nɛ ngɔ lohwe pɛlitsɛ enyɔ, seda tso, kɔjai, kɛ nga nɛ a fi kɛ bla kaa bɛ kɛ ba, konɛ a kɛ julaa we ɔ.
50 É gbe lohwe pɛlitsɛ ɔmɛ a ti kake ngɛ zu buɛ nɛ nyu mua ngɛ mi nɔ.
51 Jehanɛ, é ngɔ seda tso ɔ, nga nɛ a fi kɛ bla kaa bɛ ɔ, kɔjai ɔ, kɛ lohwe pɛlitsɛ hɛngmengmletsɛ ɔ, nɛ e kɛ sɔ lohwe pɛlitsɛ nɛ a gbe ɔ muɔ ɔ, kɛ nyu mua a mi, nɛ e kɛ fĩa we ɔ he si kpaago.
52 Bɔ nɛ e kɛ lohwe pɛlitsɛ ɔ muɔ, nyu mua a, lohwe pɛlitsɛ hɛngmengmletsɛ ɔ, seda tso ɔ, nga nɛ a fi kɛ bla kaa bɛ ɔ, kɛ kɔjai ɔ maa julaa we ɔ ji nɛ ɔ nɛ.
53 Lɔ ɔ se ɔ, osɔfo ɔ nɛ ngmɛɛ lohwe pɛlitsɛ hɛngmengmletsɛ ɔ he nɛ e te kɛ ya nga mi. Kusumi nɛ e maa pee kɛ julaa we ɔ ji nɛ ɔ nɛ. Kɛkɛ ɔ, we ɔ he ma tsɔ.
54
55 sakpa, loo nɔfu nɔ́, loo tslɔɔ, he hami nɔ́ nɛ fu ja, loo we nɛ hiɔ yaya nɛ ɔ sɛ gli ɔ mi.
56
57 Mlaa nɛ ɔmɛ tsɔɔ be mi nɛ nɔ́ ko he tsɔ we kɛ be mi nɛ nɔ́ ɔ he tsɔ.