Mose III, 15

Nyu yaya nɛ bee ngɛ nɔmlɔ he

1 Mlaahi nɛ Yawɛ wo Mose kɛ Aaron

2 kɛ ha Israel bi ɔmɛ ji nɛ ɔmɛ nɛ. Ke nyu ngɛ bee ngɛ nyumu ko he ɔ, nyu ɔ nɛ ngɛ bee ɔ ha nyumu ɔ he tsɔ we.

3 Ke nyu yaya a ngɛ bee jio, e ha e nyumu tso mi tsi jio, nɔ ɔ he tsɔ we.

4 Sa tsuaa sa nɛ nyumu nɛ nyu yaya ngɛ bee ngɛ e he ɔ maa hwɔ nɔ, loo nɔ́ tsuaa nɔ́ nɛ e maa hi nɔ ɔ, nɔ́ ɔ he tsɔ we.

5 Nɔ tsuaa nɔ nɛ maa ta sa a he ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

6 Nɔ tsuaa nɔ nɛ maa hi nɔ́ ko nɛ nɔ nɛ nyu yaya ngɛ bee ngɛ e he ɔ hi nɔ ɔ nɔ ɔ, é fɔ e tade ɔmɛ a he, nɛ é du e he. E he be tsɔe kɛ yaa si du ma bu.

7 Nɔ tsuaa nɔ nɛ maa ta nɔ nɛ nyu ngɛ bee ngɛ e nyumu tso mi ɔ he ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

8 Ke nɔ nɛ nyu ngɛ bee ngɛ e he ɔ la lada pue nɔ ko nɛ he tsɔ nɔ ɔ, nɔ ɔ nɛ fɔ e tade ɔmɛ a he, nɛ e du e he. E he tsɔ we kɛ yaa si du ma bu.

9 Lohwe se mi sɛ nɛ nɔ nɛ nyu yaya ngɛ bee ngɛ e he ɔ maa hi nɔ ɔ he be tsɔe.

10 Nɔ tsuaa nɔ nɛ maa ta nɔ́ ko nɛ nɔ ɔ hi nɔ he ɔ, e he be tsɔe kɛ yaa si du ma bu, nɛ nɔ tsuaa nɔ nɛ maa tloo jamɛ a nɔ́ ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

11 Ke nyu yaya ngɛ bee ngɛ nɔ ko he, nɛ e fɔ we e dɛ, nɛ e ta nɔ ko he ɔ, nɔ ɔ nɛ e ta e he ɔ nɛ fɔ e tade ɔmɛ a he, nɛ e du e he. E he be tsɔe kɛ yaa si du ma bu.

12 Zu buɛ saisaa nɛ nɔ nɛ nyu ngɛ bee ngɛ e he ɔ maa ta he ɔ, a ywia lɛ, se tso sowe nɛ e maa ta he lɛɛ a fɔ he.

13 Ke nɔ nɛ nyu yaya ngɛ bee ngɛ e he ɔ hiɔ ɔ ta a, e mlɛ ligbi kpaago loko e tsukɔ e he, nɛ e fɔ e tade ɔmɛ a he. Lɔ ɔ se ɔ, e ya du e he ngɛ pa mi, kɛkɛ e he ma tsɔ.

14 Ligbi nɛ ji kpaanyɔ ɔ, e ngɔ lahuɛ enyɔ, loo beleku lahuɛ enyɔ kɛ ba Yawɛ hɛ mi ngɛ kpe he bo tsu ɔ sinya a nya, nɛ e ngɔ mɛ kɛ ha osɔfo ɔ.

15 Osɔfo ɔ maa ngɔ kake kɛ sã yayami pami bɔ, nɛ e maa ngɔ kake hu kɛ sã sami bɔ kɛ kpata Yawɛ ha lɛ ngɛ nyu yaya nɛ be ngɛ e he ɔ he.

16 Ke nyumu ko he nyu be ngɛ e he ɔ, e du e nɔmlɔ tso ɔ kulaa he. E he be tsɔe kɛ yaa si du ma bu.

17 Sa nɔ bo, loo nɔ́ ko nɛ a kɛ lohwe he womi pee, nɛ nyumu ɔ he nyu nɛ ɔ ma pue nɔ ɔ, á fɔ he. E he be tsɔe kɛ yaa si du ma bu.

18 Ke nyumu kɛ yo na bɔmi nɛ nyumu ɔ he nyu be ɔ, mɛ ni enyɔ ɔmɛ tsuo a du a he. A he be tsɔe kɛ yaa si du ma bu.

19 Ke yo ko ku nine ɔ, e he be tsɔe ligbi kpaago; nɛ nɔ tsuaa nɔ nɛ maa ta e he ɔ, e he be tsɔe kɛ yaa si du ma bu.

20 Nɔ́ tsuaa nɔ́ nɛ e maa hi nɔ, loo e maa hwɔ nɔ be mi nɛ e ku nine ɔ, nɔ́ ɔ he be tsɔe.

21 Nɔ tsuaa nɔ nɛ maa ta sa, loo nɔ́ ko nɛ yo nɛ ɔ hi nɔ ɔ he ɔ, é fɔ e tade ɔmɛ a he, nɛ é du e he. E he be tsɔe kɛ yaa si du ma bu.

22

23

24 Ke nyumu ko kɛ yo nɛ ɔ na bɔmi be mi nɛ e ku nine ɔ, jamɛ a nyumu ɔ ble e he, nɛ e he be tsɔe ligbi kpaago. Sa tsuaa sa nɛ e maa hwɔ nɔ ɔ hu he be tsɔe.

25 Ke muɔ be ngɛ yo ko he be saii, be mi nɛ e nine kumi be sui lolo, aloo ke e be ɔ su, nɛ muɔ ɔ be kɛ be nɔ ɔ, e he be tsɔe ligbi ɔmɛ tsuo nɛ muɔ ɔ ngɛ bee ɔ, kaa bɔ nɛ e he be tsɔe, be mi nɛ e ku nine ɔ.

26 Sa tsuaa sa nɛ e maa hwɔ nɔ, kɛ nɔ́ tsuaa nɔ́ nɛ e maa hi nɔ be nɛ ɔ mi ɔ he be tsɔe.

27 Nɔ tsuaa nɔ nɛ maa ta ní nɛ ɔmɛ a he ɔ, e he be tsɔe. Nɔ ɔ nɛ fɔ e tade ɔmɛ a he, nɛ e du e he. E he be tsɔe kɛ yaa si du ma bu.

28 Ke muɔ ɔ nɛ ngɛ bee ngɛ yo nɛ ɔ he ɔ se po ɔ, e maa hi si ligbi kpaago loko e he ma tsɔ.

29 Ligbi kpaanyɔne ɔ, yo ɔ nɛ ngɔ lahuɛ enyɔ, loo beleku lahuɛ enyɔ kɛ ba ha osɔfo ɔ ngɛ kpe he bo tsu ɔ sinya a nya.

30 Osɔfo ɔ maa ngɔ kake kɛ sã yayami pami bɔ, nɛ e maa ngɔ kake ɔ hu kɛ sã sami bɔ. Kusumi nɛ osɔfo ɔ maa pee kɛ kpata Yawɛ ha yo ɔ ji nɛ ɔ nɛ.

31 Yawɛ de Mose ke e slɔ Israel bi ɔmɛ ngɛ a he nɛ tsɔ we ɔ he, konɛ a ko ble Yawɛ kpe he bo tsu ɔ ngɛ ma a sito he ɔ. Ke pi ja a, a ma gbo.

32 Enɛ ɔmɛ ji mlaahi nɛ fɔɔ si kɛ ha nyumu nɛ nyu yaya, loo nyumu he nyu ngɛ bee ngɛ e he, nɛ haa e he tsɔ we ɔ,

33 kɛ yo hu nɛ ku nine, loo nyumu nɛ e kɛ yo na bɔmi be mi nɛ yo ɔ ku nine, nɛ e he tsɔ we ɔ.