Ko puɛ gba
1
2 konɛ o hyɛ o he nɔ saminya, nɛ o munyu tumi nɛ tsɔɔ kaa ní lelɔ ji mo.
3 Ke yo yaholɔ fiɔ o nya he ɔ, e lilɛ ngɔɔ pe hwo; e nya mi munyu hu ngɛ ngleinglei kaa nu.
4 Nɔ́ nɛ jeɔ mi kɛ baa a dooɔ pe agba, nɛ e puɛɔ nɔ́ pe klaate nya enyɔtsɛ.
5 Blɔ nɔ nɛ e ngɛ nyɛɛe ɔ kɛ nɔ yaa gbeje. E maa ngɔ mo kɛ ya tɔɔ.
6 Blɔ nɛ kɛ nɔ yaa wami mi ɔ, e susuu we he; e ya nyɛɛɔ blɔ gɔdɔgɔdɔhi a nɔ nɛ lɛ nitsɛ e li tete.
7
8 Hɛɛ mo kɛ je yo kaa kikɛ nɛ ɔ he; e tsu nya tete po koo ya.
9 Ke pi ja a, o hɛ mi nyami ɔ ma ba pee ni kpahi a nɔ, nɛ yiwutsotsɛmɛ ma kpata o hɛ mi ngɛ nihe mi.
10 Niinɛ, nibwɔhi ma ba ngɔ ní nɛ o na a tsuo, nɛ nɔ́ ko nɛ o gbo he dengme ɔ ma ba pee nɔ kpa nɔ́.
11 Nyagbe ɔ, be mi nɛ o hwɔɔ si ngɛ gbenɔ sa nɔ, nɛ o he lo, kɛ o nɔmlɔ tso ɔ tsuo hɛ mi ngɛ kpatae ɔ, o maa hi kɛmɛe,
12 nɛ o maa hi dee ke, “Mɛni he je i kplɛɛ we nɛ a tsɔse mi ɔ? Mɛni he je i ngmɛ́ blɔ nɛ a ka ye hɛ mi ɔ?
13 I bui ye tsɔɔli fɛɛ, nɛ ma de ke i ngɛ nihi nɛ tuɔ mi slɔmi munyuhi tue bue po.
14 Amlɔ nɛ ɔ, pe ye hɛ mi miɔ nɛ e ma pue si ngɛ ma hɛ mi ji nɛ ɔ nɛ.”
15
16 Anɛ e sa kaa o wo ngmɛdu ngɛ gbɛjegbɛ nɔ ngɛ je ɔ mi tsuo kɛ bɔle si lo?
17 Ha o bimɛ nɛ pee mo nɔ kake too o níhi, se pi o kɛ nibwɔhi a bimɛ.
18 Lɔ ɔ he ɔ, ha o yo bua jɔmi. O nihe mi yo kpeekpee ɔ, na e he bua jɔmi.
19 E he ngɛ fɛu saminyayoo kaa odabɔ. Ha e he nɛ pee mo akɔnɔ, nɛ e suɔmi ɔ nɛ fi mo kɛ mɛtɛ e he daa.
20 Ye bi, mɛni he je lɛ yo ajuama haa o yi mi plɛɔ kikɛ nɛ ɔ? Mɛni ha o fua nɔ kpa e yo kɛ wo o gugwe mi ɔ?
21 Nɔ́ tsuaa nɔ́ nɛ o ngɛ pee ɔ fɔɔ si paa ngɛ Yawɛ hɛ mi. He tsuaa he nɛ o gu ɔ, e ngɛ mo hyɛe.
22 Yiwutsotsɛ ɔ, lɛ nitsɛ e he yayamihi nɔuu lɛ maa du lɛ klama; e he yayami kpa amɛ nɔuu a kɛ maa fi lɛ.
23 Akɛnɛ e kplɛɛ we tsɔsemi he je ɔ, e ma gbo; e kuasia jemi ma kpata e hɛ mi.