Nile he se namihi
1
2 Nɔ́ kpakpa lɛ i ngɛ nyɛ tsɔɔe ɔ nɛ; nyɛ ko ngmɛɛ he.
3 Tsaatsɛ kɛ maa a bi kake too ji mi. Benɛ jokuɛyo bɔbɔyoo kɛkɛ ji mi ɔ,
4 tsaatsɛ tsɔɔ mi ní. Nɔ́ nɛ e pɔɔ mi demi ji, “Mo kai níhi nɛ i de mo ɔ, nɛ o hɛ ko je a nɔ gblegbleegble. Moo ye mlaa nɛ i wo mo ɔ nɔ, konɛ o yi nɛ na wami.
5 Moo le ní, nɛ o nu ní a sisi. Níhi nɛ i de mo ɔ, o hɛ ko je a nɔ.
6 Ko si nile se kɔkɔɔkɔ. Suɔ nile, konɛ e baa o yi, nɛ e bu o he.
7 Nile ji nɔ́ nɛ he hia pe kulaa. Lɔ ɔ he ɔ, hla nile se blɔ. Nɔ́ tsuaa nɔ́ nɛ o ma ná a, kɛ hla ní a sisi numi.
8 Bu nile, nɛ e maa pee mo nɔmlɔ ngua; fua lɛ atuu, nɛ e maa wo o hɛ mi nyami.
9 E maa pee kunimi yemi jlasi nɛ a kɛ fi o yi.”
10
11 I tsɔɔ mo nile, kɛ blɔ nɛ da nɛ sa nɛ o nyɛɛ nɔ.
12 Ke o ngɛ nyɛɛe ɔ, o be nɔ́ tɛe; ke o ngɛ fo tue ɔ, o be si nɔe.
13 Kai slɔmi gbi nɛ a ha mo ɔ daa; koo ngmɛɛ he. Lɔ ɔ ji o wami.
14 Koo ya he nɛ yayami peeli ngɛ. Ko ya nyɛɛ yiwutsotsɛmɛ a se.
15 Ee, moo yu o he; koo ya lejɛ ɔ! Gba blɔ nɛ o be kɛ ho.
16 Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.
17 Yayami peemi ji abolo nɛ a yeɔ, nɛ basabasa ji wai nɛ a nuɔ.
18
19 Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.
20
21 O hɛ ko je munyu ɔmɛ a nɔ. Ngɔɔ kɛ to o tsui mi tɔɔ.
22 Nɔ nɛ nuɔ munyu nɛ ɔmɛ a sisi ɔ, e naa wami nɛ e hii nɔmlɔ tso he wami saminya be tsuaa be.
23 Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.
24 Nɔ́ ko nɛ pi anɔkuale ɔ, ko de. Lakpa munyu, kɛ níhi nɛ ngɛ kaa ja kó je o nya mi.
25 Hyɛ o hɛ mi tɛɛ. Ko plɛ o yi kɛ ya hiɛ, loo hiɛ.
26
27 Koo pee yayami. Ko gba kɛ je blɔ nɛ da nɔ; yaa o hɛ mi tɛɛ.