A je Yawɛ yi
1 A je Yawɛ yi! Ma na Yawɛ si kɛ ye tsui tsuo ngɛ nihi nɛ peeɔ nɔ nɛ da a gua a mi.
2 Yawɛ tsuɔ ní nguanguahi. Nihi nɛ nyaa ní nɛ ɔmɛ a he ɔ hlaa kaa a maa nu a sisi saminya.
3 E tsuɔ ní kɛ hɛ mi nyami kɛ agboje. E yeɔ dami sane daa.
4 Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.
5 Nihi nɛ yeɔ lɛ gbeye ɔ, e lɛɔ mɛ. E hɛ ngɛ e somi ɔ nɔ kɛ yaa neneene.
6 E ngɔ ma je li a zugba a kɛ ha e ma a kɛ tsɔɔ e ma a kaa e ngɛ he wami.
7 E yeɔ anɔkuale kɛ dami sane ngɛ níhi tsuo a mi; nɛ e mlaa amɛ ɔ, anɔkuale sɔuu.
8 Mlaa amɛ ngɛ kɛ yaa neneene; anɔkuale kɛ dami mi a pee mɛ ngɛ.
9 E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!
10 ⓖ Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!