Bua jɔmi nɛ nɔmlɔ kpakpa naa
1 A je Yawɛ yi! A gbaa nɔ nɛ yeɔ Yawɛ gbeye, nɛ e naa e mlaa amɛ a he bua jɔmi saminya a.
2 E nina maa pee ni nguanguahi ngɛ zugba a nɔ. Nɔ nɛ peeɔ nɔ́ nɛ da a, a maa gbaa e ngmɛdu.
3 E we ɔ maa pee niatsɛ we he nɛ kplɔkɔtɔ ngɛ, nɛ e maa bɔ kɛ maa ya neneene.
4 La kpɛɔ ngɛ diblii mi kɛ haa nimli kpakpahi, nihi nɛ peeɔ nɔ nɛ da, nihi nɛ naa mɔbɔ, kɛ nihi nɛ a mi mi jɔ.
5 Nɔmlɔ nɛ e mi mi jɔ, nɔ nɛ paa nɔ nɔ́, nɛ e yeɔ anɔkuale ngɛ e ní tsumi mi ɔ, á gbaa lɛ.
6 Nɔ nɛ peeɔ nɔ́ nɛ da a, nɔ́ ko nɔ́ ko be lɛ pee; a ma kai lɛ daa.
7 E yi sane yobu ko nɛ maa ba a gbeye; nɔ́ ko nɔ́ ko pue we e tsui nɔ, ejakaa e ngɔ e hɛ kɛ fɔ Yawɛ nɔ.
8 E yi tsui, nɛ e yi gbeye hulɔ. E hɛ ngɛ nɔ kaa e maa ye e he nyɛli ɔmɛ a nɔ kunimi kɛ̃.
9 ⓗ E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.
10 Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.