Manyadali 14

Samson kɛ Timna yiheyo ɔ

1 Ligbi ko ɔ, Samson ya Timna, nɛ e ya na Filisti yiheyo ko ngɛ lejɛ ɔ.

2 Benɛ e kpale e se kɛ ba a, e ba de e tsɛ kɛ e nyɛ ke, “I ya na Filisti yiheyo ko ngɛ Timna; lɔ ɔ he ɔ, nyɛ ya bi e si ha mi nɛ ma ngɔ lɛ.”

3 Se e tsɛ kɛ e nyɛ bi lɛ ke, “Anɛ yo ko yo ko be o nyɛmimɛ ɔmɛ a biyi ɔmɛ, kɛ wa ma mi bi ɔmɛ tsuo a kpɛti, loko o yaa ngɔ yo ngɛ Filisti bi mɔmlɔtɔtsɛmɛ nɛ ɔmɛ a kpɛti ɔ?” Samson de e tsɛ ɔ ke, “Yaa nɛ o ya bi e si ha mi, ejakaa i suɔ lɛ.”

4 E tsɛ kɛ e nyɛ li tete kaa Yawɛ nitsɛ yi mi tomi ji kaa Samson nɛ gu yo nɛ ɔ nɔ kɛ ná Filisti bi ɔmɛ a he blɔ. Jamɛ a be ɔ mi ɔ, Filisti bi nɛ a ngɛ Israel nɔ yee.

5 Samson kɛ e tsɛ kɛ e nyɛ pue nɔ kɛ ho Timna ya. Benɛ a su Timna wai ngmɔ ɔmɛ a mi ɔ, Samson na jata bɔbɔyoo ko nɛ ngɛ huãe kɛ ma e ngɔ.

6 Si kake too ɔ, Yawɛ mumi ɔ ba e nɔ; nɛ e kɛ e nine gu tsɔtslɔɔ jata a mi kaa a tsɔtslɔɔ apletsi bɔbɔyoo mi. Se e de we e tsɛ kɛ e nyɛ nɔ́ nɛ e pee ɔ.

7 Lɔ ɔ se ɔ, e ho nɛ e kɛ e yo ɔ ya sɛɛ ní; Samson ná yo ɔ he bua jɔmi saminya.

8 Pee se ɔ, Samson kpale kɛ ho nɛ e ya ngɔ yo ɔ. Benɛ e yaa a, e gba ya hyɛ jata gbogboe ɔ; nɛ e na hwo bihi a kuu nɛ a to hwo ngɛ jata a muklii mi.

9 Samson nyla hwo ɔ kɛ wo e dɛ mi, nɛ e ngɛ yee kɛ ngɛ nyɛɛe. Benɛ e ya na e tsɛ kɛ e nyɛ ɔ, e ha mɛ eko nɛ a ye; se e de we mɛ ke jata gbogboe ɔ mi mi nɛ e je hwo ɔ kɛ je.

10 E tsɛ ɔ pue nɔ kɛ ho yo ɔ ngɔ ya, nɛ Samson ya ngmɛ okplɔɔ ngɛ lejɛ ɔ; ejakaa ja ji kusumi nɛ nihewi ɔmɛ pɔɔ peemi.

11 Benɛ Filisti bi ɔmɛ na lɛ ɔ, a ya ngɔ a huɛmɛ nyingmi etɛ kɛ ba okplɔɔ ɔ he.

12 Samson de mɛ ke, “Ma sia nyɛ ajo ko. Ke nyɛ tsɔɔ mi sisi ngɛ okplɔɔ ngmɛmi ligbi kpaago nɛ ɔmɛ a mi ɔ, ma ha nyɛ bo nyingmi etɛ, kɛ he dlami tade nyingmi etɛ.

13 Se ke nyɛ nyɛ we nɛ nyɛɛ tsɔɔ mi sisi ɔ, lɛɛ nyɛ mohu nyɛ ma ha mi bo nyingmi etɛ, kɛ he dlami tade nyingmi etɛ.” A de lɛ ke, “Ajo ɔ nɛ ba nɛ waa nu.”

14 Nɛ e de mɛ ke, “Nɔ́ ko nɛ a yeɔ je nɔ́ yelɔ ɔ mi; nɔ́ ko nɛ ngɔɔ je nɔ́ nɛ he wa a mi.” Se ligbi etɛ sɔuu be, nɛ a nyɛ we ajo ɔ sisi nɛ a tsɔɔ.

15 Ligbi nɛ ji eywiɛ ɔ, a ya nɛ a ya de Samson yo ɔ ke, “Moo gbe o huno ɔ yi mi nɛ e tsɔɔ wɔ ajo ɔ sisi; ke pi ja a, wa maa mɛ o tsɛ we ɔ he la, nɛ wa maa sã mo, kɛ o we ɔ tsuo. Pe nyɛ je blɔ kpee wɔ kɛ ba hiɛ ɔ nɛ nyɛ ba pee wɔ posoposo?”

16 Samson yo ɔ hia ya kɛ ya na e huno ɔ, nɛ e de lɛ ke, “Mamoo o sume mi, nɛ o buá peeɔ o ní kaa o suɔ mi! O sia ye ma mi bi ɔmɛ ajo, se o tsɔɔ we mi sisi!” Samson de lɛ ke, “Hyɛ, tsaatsɛ kɛ maa po i de we mɛ, nɛ moo lɛɛ ma de mo?”

17 Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.

18 Ligbi nɛ ji kpaago ɔ, loko pu nɔ si ɔ, ma a mi nyumu ɔmɛ ba de Samson ke, “Ajo ɔ sisi ji nɛ ɔ nɛ: ‘Mɛni ngɔɔ pe hwo? Nɛ mɛni he wa pe jata?’ ” Samson de mɛ ke, “Kaa nyɛ ya ngɔɛ ye na zangmayo ɔ kɛ hu we jinɛ nyɛ ko li ye ajo ɔ sisi.”

19 Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

20 Lɔ ɔ he ɔ, a kɛ Samson yo ɔ ha Samson huɛ ɔ nɛ ya sɛ lɛ yo kpeemi ɔ.