Introduction
Tito
NYA TSƆƆMI Tito ɔ, ma je no ji lɛ, nɛ e ba tsake e tsui nɛ e pee Kristo se nyɛɛlɔ. E piɛ Paulo he kɛ tsu ní, nɛ e nyɛɛ e se kɛ kpa si kɛ fiɛ Mawu munyu ɔ. Paulo ngma womi nɛ ɔ ya ha niheyo Tito, e he piɛlɔ nɛ ngɛ Kreta, he nɛ e si lɛ ngɛ konɛ e hyɛ asafo ɔ nɔ ɔ. Womi ɔ tuɔ nɔ́ etɛ titli komɛ a he munyu. Kekleekle ɔ, Paulo ngɛ Tito kaie bɔ nɛ sa kaa asafo nya dali nɛ a ba a je mi ha. Paulo hɛ ngɛ nɔ́ nɛ ɔ he wawɛɛ, ejakaa Kreta bi babauu be subai kulaa. Enyɔne ɔ, Paulo ngɛ Tito ga woe bɔ nɛ e ma plɛ kɛ tsɔɔ kuu slɔɔtohi nɛ ngɛ asafo ɔ mi ɔ ní, nyumu nikɔtɔmahi, kɛ yi nikɔtɔmahi, nihewi, kɛ nyɔguɛhi. (Yihewi ɔmɛ lɛɛ yi nikɔtɔma amɛ maa tsɔɔ mɛ ní). Nyagbe ɔ, Paulo ngɛ Tito ga woe ngɛ je mi bami nɛ sa Kristo se nyɛɛli he. Titli ɔ, e hia kaa a kɛ nihi nɛ hi si ngɛ tue mi jɔmi mi kaa huɛmɛ; a ko nyɛ nɔ, a kɛ nihi kó sã nya, nɛ a ko pee nɔ́ ko nɛ kɛ mi gbami maa ba asafo ɔ mi. Bɔ nɛ a dla womi ɔ mi ha • Sisije 1.1-4
• Asafo nya dali 1.5-16
• Kuu slɔɔtohi nɛ ngɛ asafo ɔ mi ɔ a ní tsumihi 2.1-15
• Yi jemi kɛ kɔkɔ bɔmi 3.1-11
• Nyagbe 3.12-15
• Asafo nya dali 1.5-16
• Kuu slɔɔtohi nɛ ngɛ asafo ɔ mi ɔ a ní tsumihi 2.1-15
• Yi jemi kɛ kɔkɔ bɔmi 3.1-11
• Nyagbe 3.12-15