Yoshua 3

Israel ma a po Yordan pa a

1 Mɔtu mla a, Yoshua kɛ Israel ma a te si, nɛ a hia kɛ je Shitim kɛ ba Yordan pa a nya. A to si ngɛ lejɛ ɔ, nɛ a mlɛ loko a po pa a.

2 Ligbi etɛ se ɔ, ma nimeli ɔmɛ ya kpa ma a sito he ɔ,

3 nɛ a de ma a ke, “Ke nyɛ na Yawɛ, nyɛ Mawu ɔ somi daka a nɛ osɔfo ɔmɛ nɛ ji Levi bi ɔmɛ tloo ɔ, nyɛ hu nyɛɛ hia kɛ je he nɛ nyɛ ngɛ ɔ kɛ nyɛɛ e se.

4 Se kɛ̃ ɔ, blɔ maa pee gugue lafa enuɔ loo nɔ nɛ hi nyɛɛ kɛ daka a nyɛ kpɛti, konɛ nyɛɛ na he nɛ nyɛ maa gu; ejakaa nyɛ gui hiɛmɛ nɛ ɔ hyɛ.”

5 Yoshua de ma a ke, “Nyɛɛ tsukɔ nyɛ he; ejakaa hwɔɔ ɔ, Yawɛ maa pee nyakpɛ níhi ngɛ nyɛ kpɛti.”

6 Jehanɛ, e de osɔfo ɔmɛ ke a tloo somi daka a kɛ nyɛɛ ma a hɛ mi. A pee bɔ nɛ Yoshua de mɛ ɔ.

7 Enɛ ɔ se ɔ, Yawɛ de Yoshua ke, “Mwɔnɛ ligbi nɛ ɔ, ma bɔni o hɛ mi nyami womi ngɛ Israel ma a tsuo a hɛ mi, konɛ a na nɛ a le kaa bɔ nɛ i kɛ Mose hi si ɔ, jã kɛ̃ i kɛ mo hu maa hi si.

8 Mo fa osɔfo ɔmɛ nɛ tloo somi daka a ke, ke a su Yordan pa a nya a, a sɛ pa a mi nɛ a da si ngɛ lejɛ ɔ.”

9 Yoshua de Israel ma a ke, “Nyɛɛ hɛ nyɛ kɛ ba hiɛ ɔ, nɛ nyɛ ba bu Yawɛ, nyɛ Mawu ɔ munyu tue.

10 Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

11 Je ɔ tsuo pɛpɛɛpɛ Nyɔmtsɛ ɔ somi daka a maa sɛ nyɛ hɛ mi kɛ ya po Yordan pa a.

12 Lɔ ɔ he ɔ, nyɛɛ hla nyumuhi nyɔngma kɛ enyɔ kɛ je Israel wɛtso ɔmɛ a mi: wɛtso kake, nyumu kake.

13 Ke osɔfo ɔmɛ nɛ tloo Yawɛ, nɛ ji je ɔ tsuo Nyɔmtsɛ ɔ daka a sɛ Yordan pa a mi pɛ pa a ma kpa bemi, nɛ nyu nɛ je yiti je ɔ ma ti kɛ da si ngɛ he kake.”

14 (Ke ní kpami be su ɔ, Yordan pa a hyiɔ nɛ e ywiaa nga). Jehanɛ ɔ, ma a tsuo hia kɛ je a sito he ɔ, nɛ́ a ya po Yordan pa a. Osɔfo ɔmɛ nɛ tloo somi daka a nyɛɛ ma a hɛ mi. Benɛ osɔfo ɔmɛ a nane ma nyu ɔ mi pɛ kɛkɛ nɛ

15

16 nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

17 Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.