Yoshua 21

Levi bi ɔmɛ a ma amɛ

1 Levi nikɔtɔma amɛ ba osɔfo Eleazar, Nun bi Yoshua, kɛ nikɔtɔmahi nɛ ngɛ Israel wɛtso kpa amɛ a mi ɔ a ngɔ

2 ⓜ ngɛ Shilo, ngɛ Kanaan zugba a nɔ. A kɛ hiami nɛ ɔ ba fɔ a hɛ mi ke, “Yawɛ fa kɛ gu Mose nɔ ke a ha wɔ mahi nɛ waa hi mi, kɛ a he lohwe lɛmi hehi kɛ ha wa we mi lohwehi.”

3 Lɔ ɔ he ɔ, kaa bɔ nɛ Yawɛ fa a, Israel bi ɔmɛ ha Levi bi ɔmɛ ma komɛ, kɛ lohwe lɛmi hehi ngɛ mɛ nitsɛmɛ a zugba amɛ a mi.

4 Jinɛ a ngɔ ma nɛ ɔmɛ nyɔngma kɛ etɛ kɛ ha Yuda, Simeon, kɛ Benyamin wɛtso ɔmɛ momo. Se a fɔ sɔ, nɛ a he ngɛ a dɛ kɛ ha osɔfo ɔmɛ ekomɛ nɛ je Kohat we puɔ nya ngɛ Levi wɛtso ɔ mi. Osɔfo Aaron nina ji nimli nɛ ɔmɛ.

5 A ha Kohat bi ɔmɛ nɛ piɛ ɔ ma nyɔngma ngɛ Efraim, Dan, kɛ Manase wɛtso fa a nɛ ngɛ bonyoku je ɔ a zugba amɛ a mi.

6 A ha Gershon we puɔ nya ma nyɔngma kɛ etɛ ngɛ Isakar, Asher Naftali, kɛ Manase wɛtso fa a nɛ ngɛ beleku je ɔ a zugba amɛ a mi.

7 A ha Merari bi ɔmɛ ma nyɔngma kɛ enyɔ ngɛ Ruben, Gad, kɛ Zebulun a zugba amɛ a mi.

8 Israel bi ɔmɛ fɔ sɔ kɛ dla ma nɛ ɔmɛ, kɛ a he lohwe lɛmi zugba amɛ ngɔ ha Levi bi ɔmɛ, kaa bɔ nɛ Yawɛ fa kɛ gu Mose nɔ ke a pee ɔ.

9 Yuda kɛ Simeon a zugba amɛ a mi ɔ, mahi nɛ a ha Aaron nina nɛ ji Kohat bi nɛ je Levi wɛtso ɔ mi ɔ ji nɛ ɔmɛ nɛ. Mɛ ji ni nɛmɛ nɛ kekleekle sɔ ɔ je.

10

11 A ha mɛ Arba kɛ e he lohwe lɛmi zugba. (Anak tsɛ ji Arba a nɛ). Ma nɛ ɔ biɛ kpa ji Hebron, nɛ e ngɛ Yuda yo ɔmɛ a nɔ.

12 Ma nɛ ɔ he zugba amɛ, kɛ e he kɔpe ɔmɛ lɛɛ a ngɔ kɛ ha Yefune binyumu Kaleb kaa e weto ní momo.

13 A ngɔ ma kpa komɛ hu ngɔ piɛ Hebron kɛ e he lohwe lɛmi zugba amɛ a he ngɔ ha osɔfo Aaron nina. (Hebron ji wesa he ma amɛ a kpɛti kake). Ma kpa amɛ ji Libna,

14 Yatir, Eshtemoa,

15 Holon, Debir,

16 Ain, Yuta, Bet Shemesh, kɛ a he lohwe lɛmi zugbahi. E peeɔ ma nɛɛ ngɛ Yuda kɛ Simeon wɛtso ɔmɛ a mi.

17 Jehanɛ, a ha osɔfo Aaron nina a ma eywiɛ ngɛ Benyamin zugba a mi: Gibeon, Geba,

18 Anatot, kɛ Almon, kɛ a he lohwe lɛmi zugba amɛ.

19 Mahi, kɛ a he lohwe lɛmi zugbahi tsuo nɛ a ha osɔfo Aaron nina a peeɔ nyɔngma kɛ etɛ.

20 A ha Kohat bi ɔmɛ nɛ piɛ ngɛ Levi wɛtso ɔ mi ɔ ma komɛ ngɛ Efraim zugba a mi.

21 A ha mɛ ma eywiɛ: Shekem (nɛ ji wesa he ma) ngɛ Efraim yo ɔ nɔ, Gezer,

22 Kibzaim, Bet Horon, kɛ a he lohwe lɛmi zugbahi.

23 Jehanɛ, a ha mɛ ma eywiɛ ngɛ Dan zugba a mi. Ma amɛ ji Elteke, Gibeton,

24 Aiyalon, Gatrimon, kɛ a he lohwe lɛmi zugbahi.

25 A ha mɛ ma enyɔ ngɛ Manase fa a nɛ ngɛ bonyoku je ɔ a zugba a mi. Ma amɛ ji Taanak, Gatrimon, kɛ a he lohwe lɛmi zugbahi.

26 Mahi tsuo, kɛ a he lohwe lɛmi zugbahi nɛ Kohat bi nɛ piɛ ɔ na ji nyɔngma.

27 Levi bi ɔmɛ a we puɔ nya kake nɛ a tsɛɛ Gershon ɔ na ma enyɔ ngɛ Manase fa a nɛ ngɛ beleku je ɔ zugba a mi. Ma amɛ ji Golan ngɛ Bashan (wesa he ma amɛ a kpɛti kake), kɛ Beeshtera, kɛ a he lohwe lɛmi zugbahi.

28 A ná ma eywiɛ ngɛ Isakar zugba a mi. Ma amɛ ji Kishion, Daberat,

29 Yarmut, Enganim, kɛ a he lohwe lɛmi zugbahi.

30 A ná ma eywiɛ ngɛ Asher zugba a mi. Ma amɛ ji Mishal, Abdon,

31 Helkat, Rehob, kɛ a he lohwe lɛmi zugbahi.

32 A ná ma etɛ ngɛ Naftali zugba a mi. Ma amɛ ji wesa he ma Kedesh nɛ ngɛ Galilea a, Hamot Dor, Kartan, kɛ a he lohwe lɛmi zugbahi.

33 Mahi kɛ lohwe lɛmi zugbahi nɛ Gershon bi ɔmɛ na we puɔ nya we puɔ nya ji nyɔngma kɛ etɛ.

34 Levi bi ɔmɛ nɛ piɛ, nɛ ji Merari we puɔ nya a, ná ma eywiɛ ngɛ Zebulun zugba a mi. Ma amɛ ji Yokneam, Karta,

35 Dimna, Nahalal, kɛ a he lohwe lɛmi zugbahi.

36 A ná ma eywiɛ ngɛ Ruben bi ɔmɛ a zugba a mi. Ma amɛ ji Bezer, Yahaz,

37 Kedemot, Mefaat, kɛ a he lohwe lɛmi zugbahi.

38 Jehanɛ, a ná ma eywiɛ ngɛ Gad zugba a mi. Ma amɛ ji Ramot ngɛ Gilead (wesa he ma amɛ a kpɛti kake), Mahanaim,

39 Heshbon, Yazer, kɛ a he lohwe lɛmi zugbahi.

40 Lɔ ɔ he ɔ, mahi tsuo nɛ a ha Merari bi ɔmɛ ji nyɔngma kɛ enyɔ.

41 Zugba nɛ Israel ma a ná kaa a weto ní ɔ, nɔ́ nɛ a ha Levi bi ɔmɛ ji ma nyingmi eywiɛ kɛ kpaanyɔ, kɛ a he lohwe lɛmi hehi.

42

Israel ngɔ zugba a

43 Yawɛ ngɔ zugba a tsuo ngɔ ha Israel bi ɔmɛ kaa bɔ nɛ e ka a nɛmɛ ɔmɛ kita ke e ma ha mɛ ɔ. Benɛ a nine su zugba a nɔ ɔ, a hi lejɛ ɔ.

44 Yawɛ ha mɛ tue mi jɔmi ngɛ zugba a nɔ tsuo kaa bɔ nɛ e ka a nɛmɛ ɔmɛ kita ke e maa pee ɔ pɛpɛɛpɛ. A he nyɛli ɔmɛ a ti nɔ ko nɔ ko nyɛ we mɛ; ejakaa Yawɛ ha Israel bi ɔmɛ ye mɛ tsuo a nɔ.

45 Ní kpakpahi tsuo nɛ Yawɛ wo Israel ma a si ke e ma ha mɛ ɔ, ekoeko tlɔɛ si; a ná lɛ tsuo pɛpɛɛpɛ.