Introduction
Tesalonika Bi I,
NYA TSƆƆMI Roma nɔ yemi he nɛ a tsɛɛ Makedonia a ma nguaa ji Tesalonika. Benɛ Paulo je Filipi ɔ, e ya to asafo sisi ngɛ lejɛ ɔ. Se e kɛ we kulaa nɛ Yuda bi komɛ ba te si wo lɛ. A je Paulo ní tsumi nɛ ngɛ nɔ yae ɔ he hunga, ejakaa benɛ e ba Tesalonika a, ni komɛ nɛ pi Yuda bi ji mɛ nɛ jinɛ a ba ngɔ a he kɛ wo Yuda jami ɔ mi ɔ nya Kristo sɛ gbi ɔ nɛ Paulo fiɛ ɔ he saminya. Nɛ e ba mi kaa Paulo nɛ je lejɛ ɔ kɛ ho Berea ya. Pee se benɛ Paulo ya su Korinto ɔ, e ná sɛ gbi kɛ je e huɛ Timoteo nɛ e kɛ lɛ ngɛ ní tsue ɔ ngɔ. Níhi nɛ ngɛ nɔ yae ngɛ Tesalonika asafo ɔ mi ɔ, lɔ ɔmɛ a he sɛ gbi ɔ kɔɔ. Paulo ngma Tesalonika bi ɔmɛ kekleekle womi nɛ ɔ, konɛ e kɛ wo Kristo se nyɛɛli nɛ ngɛ lejɛ ɔ he wami. E na Mawu si ngɛ munyu nɛ e nu nɛ kɔɔ a hemi kɛ yemi, kɛ suɔmi nɛ a ngɛ ɔ he, nɛ e kai mɛ bɔ nɛ e ba e je mi be mi nɛ e kɛ mɛ ba hi si ɔ. Sane komɛ hu ba te si ngɛ asafo ɔ mi ngɛ Kristo kpalemi kɛ bami ekohu ɔ he. Enɛ ɔmɛ hu Paulo tu a he munyu ngɛ womi nɛ ɔ mi. Sane bimi ɔmɛ ji nɛ ɔmɛ nɛ: Ke nɔ ko ba le Kristo, nɛ e gbo loko Kristo kpale kɛ ba a, neneene wami ɔ nɛ Kristo kɛ maa ba a, anɛ lɛ hu e ma ná lo? Mɛni be Kristo maa kpale kɛ ba? Paulo wo mɛ ga kaa mɛɛ lɛɛ a ya nɔ nɛ a tsu a ní ngɛ tue mi jɔmi mi, konɛ a ngɔ a hɛ ngɔ fɔ Mawu nɔ, nɛ a kɛ hyɛ Kristo bami ɔ blɔ. Bɔ nɛ a dla womi ɔ mi ha • Sisije 1.1
• Sina kɛ yi jemi 1.2—3.13
• Kristo se nyɛɛli a je mi bami 4.1-12
• Kristo maa ba 4.13—5.11
• Nyagbe sɛ gbi 5.12-22
• Nyagbe 5.23-28
• Sina kɛ yi jemi 1.2—3.13
• Kristo se nyɛɛli a je mi bami 4.1-12
• Kristo maa ba 4.13—5.11
• Nyagbe sɛ gbi 5.12-22
• Nyagbe 5.23-28