Introduction
Korinto Bi II,
NYA TSƆƆMI Benɛ Paulo ngma womi enyɔne nɛ ɔ, jamɛ a be ɔ, e kɛ Korinto asafo ɔ a kpɛti be saminya. Asafo ɔ mi bi komɛ te si wo lɛ, nɛ a doo e nya wawɛɛ. Se Paulo tsɔɔ paa kaa e ngɛ e tsui nɔ kaa e kɛ mɛ nɛ kpata. Lɔ ɔ he ɔ, benɛ e kɛ mɛ ba kpata a, e na bua jɔmi saminya. Womi ɔ kekleekle fa a mi ɔ, Paulo tsɔɔ bɔmi nɛ ngɛ e kɛ Korinto asafo ɔ a kpɛti. Benɛ asafo ɔ mi bi komɛ te si wo lɛ, nɛ a ngɛ munyu yaya tue ngɛ e he ɔ, lɛ hu e hɛ dɔ wo mɛ, nɛ e ka a hɛ mi. Paulo kɛ bua jɔmi tsɔɔ nya kaa enɛ ɔ nɛ e pee ɔ ha nɛ ni ɔmɛ tsake a tsui, nɛ e kɛ mɛ ba kpata. Jehanɛ, Paulo ngɔ pɛɛ kpami ngɔ fɔ asafo ɔ hɛ mi, konɛ a je a tsui mi nɛ a bua nɔ́ ko nya kɛ ha ohiatsɛmɛ nɛ ngɛ nyɛmimɛ ɔmɛ a kpɛti ngɛ Yudea a. Nyagbe ɔ, Paulo fa lɛ nitsɛ e he kaa bɔfo ji lɛ niinɛ. Jamɛ a be ɔ, ni komɛ ngɛ Korinto nɛ mɛɛ a buu a he kaa bɔfo kpakpahi ji mɛ, nɛ a tuɔ munyu kɛ siɔ Paulo kaa lɛɛ lakpa bɔfo ji lɛ. Bɔ nɛ a dla womi ɔ mi ha • Sisije 1.1-11
• Paulo kɛ Korinto asafo ɔ 1.12—7.16
• Nike ní nɛ a kɛ mane nyɛmimɛ ɔmɛ ngɛ Yudea a 8.1—9.15
• Paulo fa e he ngɛ blɔ nya nɛ e hɛɛ kaa bɔfo ɔ he 10.1—13.10
• Nyagbe níhi 13.11-13
• Paulo kɛ Korinto asafo ɔ 1.12—7.16
• Nike ní nɛ a kɛ mane nyɛmimɛ ɔmɛ ngɛ Yudea a 8.1—9.15
• Paulo fa e he ngɛ blɔ nya nɛ e hɛɛ kaa bɔfo ɔ he 10.1—13.10
• Nyagbe níhi 13.11-13