Introduction
Korinto Bi I,
NYA TSƆƆMI Paulo Kekleekle Womi Kɛ Ha Korinto Bi tsɔɔ kaa nyagba komɛ nɛ kɔɔ Kristo we bi a je mi bami, kɛ hemi kɛ yemi he ba te si ngɛ asafo ɔ mi. Paulo nɛ to Korinto asafo ɔ sisi, nɛ e ngma womi nɛ ɔ konɛ e kɛ tsɔɔ mɛ níhi a nya. Jamɛ a be ɔ, Hela bi a ma nguaa Korinto kɛ e mi nimli munomunohi ɔ ji Akaya zugba a nɛ Roma bi ɔmɛ ngɛ nɔ yee ɔ e matsɛ ma. Korinto ma a he biɛ wawɛɛ ngɛ jua yemi, kusumi peemi, yo kɛ nyumu yakayaka fiɛmi, kɛ jami slɔɔtohi a mi. Níhi titli nɛ bɔfo ɔ tu he munyu ngɛ womi nɛ ɔ mi ji mi gbami, yo kɛ nyumu yakayaka fiɛmi, nyumu kɛ yo bɔmi ngɛ gba si himi mi, níhi nɛ kɔɔ he níle he, asafo blɔ nya tomi kpakpa, Mumi Klɔuklɔu nike níhi, kɛ ni gbogboehi a si temi. Paulo ngɔ juɛmi nɛ mi kuɔ kɛ tsɔɔ bɔ nɛ sane kpakpa a tuɔ ní nɛ ɔmɛ a he munyu ha. Yi 13 ɔ tsɔɔ kaa nike ní nɛ he jua wa pe nike ní ɔmɛ tsuo nɛ Mawu kɛ haa e we bi ɔ ji suɔmi; nɛ e peeɔ kaa yi nɛ ɔ ji munyu nɛ nihi le pe kulaa ngɛ womi ɔ mi. Bɔ nɛ a dla womi ɔ mi ha • Sisije 1.1-9
• Mi gbamihi ngɛ asafo ɔ mi 1.10—4.21
• Yo kɛ nyumu a bɔmi, kɛ gba si himi 5.1—7.40
• Kristo we bi, kɛ wɔ jali 8.1—11.1
• Asafo ɔ mi si himi, kɛ Mawu jami 11.2—14.40
• Kristo, kɛ nihi nɛ heɔ lɛ yeɔ ɔ a si temi 15.1-58
• Nike ní nɛ a kɛ ya ha nyɛmimɛ ɔmɛ ngɛ Yudea 16.1-4
• Paulo nitsɛ e he sane komɛ, kɛ nyagbe níhi 16.5-24
• Mi gbamihi ngɛ asafo ɔ mi 1.10—4.21
• Yo kɛ nyumu a bɔmi, kɛ gba si himi 5.1—7.40
• Kristo we bi, kɛ wɔ jali 8.1—11.1
• Asafo ɔ mi si himi, kɛ Mawu jami 11.2—14.40
• Kristo, kɛ nihi nɛ heɔ lɛ yeɔ ɔ a si temi 15.1-58
• Nike ní nɛ a kɛ ya ha nyɛmimɛ ɔmɛ ngɛ Yudea 16.1-4
• Paulo nitsɛ e he sane komɛ, kɛ nyagbe níhi 16.5-24