Gba si himi kaa nɔhyɛ nɔ́
1
2 Waa ngɔ gba si himi kaa nɔ hyɛmi nɔ́; yogbayo ɔ, mlaa fiɔ lɛ kɛ mɛtɛɛ e huno he be mi nɛ nyumu ɔ ngɛ je mi; se ke nyumu ɔ gbo ɔ, gba sihi mi mlaa ko be nɛ fiɔ yo ɔ kɛ mɛtɛɔ nyumu ɔ he hu.
3 Lɔ ɔ he ɔ, ke e huno ɔ ngɛ je mi kɛ mwɔɔ, nɛ e ya gba nɔ kpa a, e puɛ gba. Se ke e huno ɔ gbo ɔ, lɛɛ mlaa fi we lɛ; nɛ ke e ya gba nyumu kpa a, e puɛ we gba.
4 Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.
5 Ejakaa be nɛ wa hi si ngɛ he lo nya a, waa kɛ wa nɔmlɔ tso ɔ tsu akɔnɔ ní yayamihi nɛ mlaa a tleɔ si ngɛ wa mi ɔ, nɛ waa kɛ wo yiblii ha gbenɔ.
6 Se jehanɛ lɛɛ wa ye wa he kɛ je mlaa a dɛ mi. Wa ngɛ kaa nihi nɛ gbo, nɛ mlaa nɛ fiɔ wɔ ɔ be wa nɔ he wami hu. Wa tsu we mlaa momo ɔ nɛ a ngma a nya ní hu. Se mohu blɔ he nɛ Mawu mumi ɔ tsɔɔ wɔ ɔ, lɔ ɔ nya wa sɔmɔɔ ngɛ.
Mlaa kɛ nɔ woɔ yayami peemi mi
7
8 Se mlaa a nɛ a wo ɔ na he blɔ gu yayami nɔ nɛ e kɛ tle akɔnɔ ní yayamihi si ngɛ ye mi. Ejakaa ke mlaa a be ɔ, yayami hu gbo.
9 Imi nitsɛ hu, i hi si hyɛ nɛ i li mlaa; se benɛ mlaa a ba a, e tle yayami si wawɛɛ ngɛ ye mi, nɛ e ba pee gbenɔ ha mi.
10 Mlaa a nɛ jinɛ e sa kaa e ko ngɔ wami kɛ ba a, e ba pee gbenɔ mohu ha mi.
11
12
13 Lɛɛ nɔ́ kpakpa a plɛ pee gbenɔ ha mi lo? Dɛbi! Yayami lɛ kɛ enɛ ɔ ba; e gu nɔ́ kpakpa a nɔ ha gbenɔ ba na mi, konɛ bɔ nɛ yayami su ngɛ nitsɛnitsɛ ɔ nɛ je kpo paa nɛ a na. Lɔ ɔ he ɔ, mlaa a haa yayami jeɔ kpo paa kaa nɔ́ ko nɛ hí kulaa.
Adesa su enyɔ
14
15
16 Ke nɔ́ nɛ i sume ɔ nɔuu mohu i peeɔ ɔ, lɛɛ e tsɔɔ kaa imi hu i kplɛɛ kaa mlaa a hi.
17 Ke jã a, lɛɛ pi imi nitsɛ nɛ i tsuɔ kikɛmɛ a ní nɛ ɔmɛ hu, se mohu yayami su nɛ ngɛ ye mi ɔ lɛ ngɛ ní tsue.
18 I le kaa nɔ́ kpakpa ko be ye he lo su ɔ mi. Ejakaa nɔ́ kpakpa jloɔ mi nɛ ma pee, se i nyɛ we.
19 Kpakpa nɛ i suɔ kaa ma pee ɔ, i pee we; se yayami nɛ i sume ɔ, lɔ ɔ mohu i peeɔ.
20 Ke nɔ́ nɛ imi nitsɛ i sume ɔ nɔuu i peeɔ ɔ, lɛɛ pi imi nitsɛ nɛ i ngɛ yayami ɔ pee mɔ, se yayami su nɛ ngɛ ye mi ɔ mohu lɛ haa nɛ i peeɔ yayami ɔ.
21
22 Ngɛ ye tsui mi ɔ, i suɔ Mawu mlaa a saminya.
23 Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.
24 Hyɛ kaa ye ní ngɛ mɔbɔ! Ye nɔmlɔ tso ɔ miɔ nɛ e ma kpata ye hɛ mi. Mɛnɔ ma he ye yi wami kɛ je nɔmlɔ tso nɛ kɛ nɔ yaa gbenɔ mi nɛ ɔ dɛ mi?
25 Sina ha Mawu kaa e he wa yi wami kɛ gu wa Nyɔmtsɛ Yesu Kristo nɔ!