Mose V, 1

1 Munyuhi nɛ Mose tu kɛ tsɔɔ Israel ma a ngɛ nga kplanaa a nɔ ngɛ Yordan pa a beleku je ji nɛ ɔmɛ nɛ. Jamɛ a be ɔ mi ɔ, Israel ma a ngɛ Yordan kɔ̃ ɔ mi, ngɛ Suf hanɔ ngɛ Paran, kɛ ma nɛ ɔmɛ, Tafel, Laban, Hazerat, kɛ Dizahab a kpɛti.

2 Kɛ je Sinai yo ɔ he kɛ gu Edom yo ɔ nɔ kɛ yaa Kadesh Barnea a peeɔ ligbi nyɔngma kɛ kake blɔ nyɛɛmi.

3 Se jeha nyingmi eywiɛne ɔ, nyɔhiɔ nɛ ji nyɔngma kɛ kake ɔ we kekleekle ligbi ɔ loko Mose tu munyuhi tsuo nɛ Yawɛ fa lɛ ke e de Israel ma a kɛ tsɔɔ mɛ.

4 ⓐ Jamɛ a be ɔ mi ɔ, Yawɛ gbe Amor bi ɔmɛ a matsɛ, Sihon nɛ hi Heshbon ɔ, kɛ Bashan matsɛ, Og nɛ hi Ashtarot ngɛ Edrei ɔ momo.

5 Benɛ ma a ba su Yordan pa a beleku je ngɛ Moab zugba a nɔ ɔ, Mose bɔni mɛ mlaa amɛ a sisi tsɔɔmi. Nɛ e de ke,

6 “Bɔ nɛ nyɛ hi yo nɛ ɔ he ɔ hiɛ;

7 nyɛɛ hia nɛ nyɛɛ ya nyɛ hɛ mi. Nyɛɛ ya Amor bi ɔmɛ a yo zugba amɛ, kɛ zugbahi nɛ bɔle mɛ ɔ tsuo a nɔ. Nyɛɛ ya Yordan kɔ̃ ɔ mi, yo nɔ zugba amɛ, zugba kpataa amɛ, kɛ leneyi je zugba a nɔ, kɛ ya su Mediterenia wo ɔ nya. Nyɛɛ ya Kanaan bi ɔmɛ a zugba a nɔ, kɛ Lebanon yo ɔmɛ a nɔ, kɛ ya su pa ngua a nɛ a tsɛɛ Yufrate ɔ nya.

8 Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose wo ma nya dali komɛ

(<x>20 18:13-27</x>)

9 Mose de Israel ma a ke, “Jamɛ a be ɔ mi, benɛ wa ngɛ Sinai yo ɔ he ɔ, i de nyɛ ke, ‘Imi nɔ kake, i be nyɛ nɔ nyɛe ma hyɛ hu;

10 Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

11 Yawɛ, nyɛ nɛmɛ a Mawu ɔ ma ha nyɛ maa hiɛ pe bɔ nɛ nyɛ ngɛ nɛ ɔ si akpe abɔ; nɛ e maa gbaa nyɛ kaa bɔ nɛ e wo si ɔ.

12 Kɛ ma pee kɛɛ nɛ imi nɔ kake too ma tloo ma tlomi nɛ jiɔ nɛ ɔ? Kɛ ma pee kɛɛ nɛ imi nɔ kake ma nyɛ hyɛ nyɛ munyu tsɔwitsɔwi ɔmɛ a mi ha nyɛ?

13 Nyɛɛ hla nyumuhi nɛ le ní, nɛ a ngɛ juɛmi, nɛ a ngɛ biɛ kpakpa hulɔ ngɛ nyɛ wɛtso ɔmɛ a nya, konɛ ma ngɔ mɛ kɛ to ma a nya.’

14 Nyɛ ha heto ke bɔ nɛ i de ɔ hi, nɛ nyɛ maa pee ja.

15 Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

16 “Jamɛ a be ɔ mi ɔ, i wo ma nya dali ɔmɛ mlaa ke, ‘Sanehi nɛ nyɛ nyɛmimɛ ɔmɛ kɛ maa ba nyɛ hɛ mi ɔ, nyɛɛ hyɛ a mi. Nyɛɛ kojo ngɛ blɔ nɛ da nɔ, nyɛ nyɛmimɛ Israel bi sɔuu a kpɛti sane jio, a ti nɔ ko kɛ nibwɔhi nɛ ngɛ nyɛ ngɔ a kpɛti sane jio.

17 Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’

18 Jamɛ a be ɔ mi nɔuu ɔ, i wo nyɛ níhi tsuo nɛ sa kaa nyɛɛ pee ɔ a he mlaa.

A tsɔ slaali kɛ je Kadesh Barnea

(<x>40 13:1-33</x>)

19 “Kaa bɔ nɛ Yawɛ, wa Mawu ɔ fa wɔ ɔ, wa hia kɛ je Sinai yo ɔ he, kɛ gu nga kplanaa nɛ nɔ ngɛ gbeye ɔ nɔ, kɛ ya be ngɛ Amor bi ɔmɛ a yo zugba amɛ a nɔ.

20 Benɛ wa ba su Kadesh Barnea a, i de nyɛ ke, ‘Jehanɛ lɛɛ nyɛ su Amor bi ɔmɛ a yo zugba nɛ Yawɛ, wa nɛmɛ a Mawu ɔ kɛ ngɛ wɔ hae ɔ nɔ. Nyɛɛ ya nɛ nyɛ ya ngɔ kaa bɔ nɛ Yawɛ fa wɔ ɔ. Nyɛ ko to tsle, nɛ nyɛ ko ye gbeye.’

21

22 “Se nyɛ tsuo nyɛ ba ye ngɔ, nɛ nyɛ ba de mi ke, ‘Waa tsɔ nyumuhi kɛ sɛ hlami kɛ ya slaa zugba a, nɛ́ a ba tsɔɔ wɔ blɔ nɛ wa maa gu nɔ ɔ, nɛ́ a de wɔ mahi nɛ ngɛ lejɛ ɔ a he nɔ́ ko.’

23 “Ga nɛ nyɛ wo ɔ, i na kaa e hi, lɔ ɔ he ɔ, i hla nyɛ kpɛti nihi nyɔngma kɛ enyɔ, nɔ kakaaka ngɛ nyɛ wɛtso ɔmɛ a nya.

24 I wo mɛ blɔ, nɛ a gu yo nɔ je kɛ ya su Eshkol kɔ̃ ɔ mi tɔɔ; nɛ a slaa lejɛ ɔ.

25 A ngɔ zugba a nɔ tso yiblii ɔ eko kɛ kple si kɛ ba bɔ wɔ amaniɛ ke, ‘Zugba nɛ Yawɛ, wa Mawu ɔ ngɛ wɔ hae nɛ ɔ, e ji zugba kpakpa.’

26 ⓑ “Se nyɛ tsɔ Yawɛ, nyɛ Mawu ɔ hɛ mi atuã; nyɛ bui e fami ɔ fɛɛ; nyɛ kua yo ɔ kuɔmi;

27 nɛ nyɛ tu munyu huitihuiti ke, ‘Akɛnɛ Yawɛ sume wa sane he je ɔ, e je wɔ kɛ je Egipt zugba a nɔ kɛ ba ha Amor bi ɔmɛ, konɛ a kpata wa hɛ mi.

28 Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

29 “Se i de nyɛ ke, ‘Nyɛ ko nu sawale, nɛ nyɛ ko ye mɛ gbeye.

30 Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

31 ⓒ kɛ nga kplanaa a nɔ nɛ nyɛ na kɛ nyɛ hɛngmɛ ɔ. Nyɛ na bɔ nɛ Yawɛ, nyɛ Mawu ɔ hɛɛ nyɛ fiafiaafia hluu kɛ ba hiɛmɛ nɛ ɔ, kaa bɔ nɛ tsɛ hɛɛɔ e bi ɔ.’

32 ⓓ Se nɛ i de nyɛ nɔ́ nɛ ɔ se po, nyɛ he we Yawɛ, nyɛ Mawu ɔ yi,

33 be mi nɛ lɛɛ daa nɛ ɔ e nyɛɛ nyɛ hɛ mi kɛ ngɛ sito he hlae ha nyɛ. Nyɔ mi ɔ, e nyɛɛ nyɛ hɛ mi kɛ la titima, nɛ piani ɔ, e nyɛɛ nyɛ hɛ mi ngɛ bɔku titima mi kɛ tsɔɔ nyɛ blɔ.

Yawɛ gbla Israel tue

(<x>40 14:20-45</x>)

34 ⓔ “Benɛ Yawɛ nu nyɛ munyu ɔmɛ ɔ, e mi mi wo la, nɛ e ka kita ke,

35 ‘Ke kikɛmɛ a yi nɔ yaya bi nɛ ɔmɛ a ti nɔ ko na zugba kpakpa nɛ i ka he kita ke ma ngɔ ha nyɛ nɛmɛ ɔmɛ ɔ fii!

36 Yefune bi Kaleb pɛ lɛ maa na zugba a. Lɛɛ e ye mi anɔkuale, lɔ ɔ he ɔ, ma ngɔ zugba nɛ e ya slaa a ngɔ ha lɛ kɛ e nina.’

37 Nyɛ he ɔ, Yawɛ mi mi fu imi hulɔ, nɛ e de ke, ‘Mo Mose po, o be lejɛ ɔ sue.

38 Nun bi Yoshua, o sɔmɔlɔ ɔ lɛɛ e ma ya su lejɛ ɔ. Wo lɛ he wami, ejakaa lɛ nɛ e maa nyɛɛ Israel ma a hɛ mi kɛ ya ngɔ zugba a.’

39 “Jehanɛ Yawɛ de wɔ tsuo ke, ‘Nyɛ bimɛ tsɔwi ɔmɛ nɛ na we nɛ a le slɔɔto nɛ ngɛ kpakpa kɛ yayami a kpɛti lolo, nɛ́ nyɛ de ngɛ a he ke he nyɛli ma ba nuu mɛ ɔ, mɛ ma ngɔ zugba a kɛ ha nɛ a hi nɔ.

40 Se nyɛɛ lɛɛ nyɛɛ kpale nyɛ se kɛ gu nga kplanaa a nɔ kɛ ho Wo Tsu ɔ he ya.’

41 “Nyɛ he nɔ ke, ‘Wa tɔ̃ Yawɛ nɔ. Jehanɛ lɛɛ wa maa ya nɛ wa ya hwu ta a kaa bɔ nɛ Yawɛ, wa Mawu ɔ fa wɔ ɔ.’ Kɛkɛ nɛ nɔ tsuaa nɔ wo e ta hwumi ní; nyɛ ngɔ lɛ kaa plasee nɔ́ ko kaa nyɛ ma ya tua yo nɔ ma a.

42 “Se Yawɛ de mi ke, ‘De mɛ ke a ko hia ta, nɛ a ko hwu ta; ejakaa i be a he piɛe. Ke a hia ta a, a he nyɛli ɔmɛ maa ye a nɔ.’

43 Bɔ nɛ i de nyɛ ji nɛ ɔ nɛ; se nyɛ bui tue. Nyɛ tsɔ Yawɛ hɛ mi atuã; nyɛ si nyɛ gugue, nɛ nyɛ kuɔ kɛ ho yo ɔ nɔ ya.

44 Kɛkɛ nɛ Amor bi ɔmɛ nɛ ngɛ Edom yo ɔmɛ a nɔ ɔ je kpo kɛ ba kaa hwo bihi, nɛ a kɛ nyɛ ba kpe. A fie nyɛ hluu kɛ ya su Horma, nɛ a ye nyɛ nɔ ngɛ lejɛ ɔ, ngɛ Edom yo zugba a nɔ.

45 Nyɛ kpale kɛ ba nɛ nyɛ ba wo yana ngɛ Yawɛ hɛ mi; se Yawɛ bui nyɛ tue, nɛ e he we nyɛ nɔ hulɔ.

Jehahi nɛ a ye ngɛ nga kplanaa a nɔ

46 “Lɔ ɔ he ɔ, wa hi Kadesh be babauu.