Zakaria 2

Nɔ́ susumi kpa he nina

1 I na nina kpa ko hulɔ. I na nɛ nyumu ko hɛɛ nɔ́ susumi kpa ngɛ e dɛ mi.

2 I bi lɛ ke, “Jije o yaa?” E he nɔ ke, “I yaa susu Yerusalem, nɛ ma na e kami kɛ e blimi.”

3 Jehanɛ, i na nɛ Mawu bɔfo nɛ kɛ mi ba tu munyu ɔ hɛ lɛ kɛ ba hɛ mi, nɛ Mawu bɔfo kpa kɛ lɛ ba kpe.

4 Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

5 Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

A ke ni nɛmɛ nɛ ho ma se ya a nɛ a kpale kɛ ba we

6 Yawɛ de e ma a ke, “I gbɛ nyɛ fĩa je kɔ nya eywiɛ ɔmɛ tsuo. Se jehanɛ lɛɛ nyɛ nihi nɛ a nuu kɛ ho ma se ya, esɔ nɛ nyɛɛ tu fo kɛ je Babilonia kɛ ba Yerusalem.

7

8 Nyɛ he jua wa ha mi saminya; lɔ ɔ he ɔ, nɔ nɛ maa ta nyɛ he ɔ, i be lɛ kplɛɛe.” Enɛ ɔ he je ɔ, Yawɛ Tabohiatsɛ ɔ tsɔ mi ke ma ba de je ma amɛ nɛ ba ha e ma a ní ɔ ke,

9 “Yawɛ nitsɛ kɛ nyɛ maa to ní, nɛ nyɛ ni tsɛmɛ nyɛ nyɔguɛ ɔmɛ maa ha nyɛ ní.” Ke nɔ nɛ ɔ ba mi pɛ nɔ tsuaa nɔ maa le kaa Yawɛ Tabohiatsɛ ɔ lɛ tsɔ mi.

10 Yawɛ ke, “Yerusalem bi, nyɛ la nɛ nyɛ bua nɛ jɔ; ejakaa i ma nɛ i kɛ nyɛ ba hi si.”

11 Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

12 Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

13 Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.