Introduction
Mika
NYA TSƆƆMI Gbalɔ Mika je kɔpe ko mi ngɛ Yuda zugba a nɔ. E kɛ Yesaya ji be kake mi bimɛ. Mika he ye kaa amanehlu nɛ Amos gba ke e maa ba Israel zugba a nɔ ɔ, jamɛ a amanehlu ɔ eko nɔuu miɔ nɛ e maa ba Yuda zugba a hu nɔ. Mika he ye kaa Mawu maa gbla Yuda tue ngɛ dami sane nɛ a yi ɔ he, kaa bɔ nɛ e pee Israel ɔ. Se kɛ̃ ɔ, Mika sɛ gbi ɔ tsɔɔ paa kaa hɛ kɛ nɔ fɔmi ngɛ ha ma a hwɔɔ se ko. Sanehi titli nɛ ngɛ womi nɛ ɔ mi ji: (a) He jɔmi maa ba je ɔ mi, nɛ je ma amɛ tsuo ma ba nyɛɛ Mawu se (4.1-4). (b) A gba kaa matsɛ nguaa ko maa je David weku ɔ mi, nɛ e kɛ he jɔmi maa ba ma a mi (5.2-4). (c) Mika po Israel gbali ɔmɛ a sɛ gbi ɔmɛ tsuo kuku ke, “Nɔ́ nɛ Yawɛ ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ” (6.8). Bɔ nɛ a dla womi ɔ mi ha • Tue gblami nɛ maa ba Israel kɛ Yuda a nɔ 1.1—3.12
• A ma kpɔ ma a, nɛ tue mi jɔmi maa ba ekohu 4.1—5.15
• Kɔkɔ bɔmi, kɛ hɛ kɛ nɔ fɔmi 6.1—7.20
• A ma kpɔ ma a, nɛ tue mi jɔmi maa ba ekohu 4.1—5.15
• Kɔkɔ bɔmi, kɛ hɛ kɛ nɔ fɔmi 6.1—7.20