Osɔfo ɔmɛ kɛ Levi bi ɔmɛ a ní tsumi
1
2 O nyɛmimɛ Levi bi ɔmɛ, nɛ ji o tsɛ weku li ɔmɛ ɔ, ha nɛ mɛ hu a ba piɛ o kɛ o bimɛ ɔmɛ a he, be mi nɛ nyɛ ngɛ sɔmɔe ngɛ bo tsu ɔ mi.
3 A ma sɔmɔ mo, nɛ a ma tsu bo tsu ɔ he ní tsumihi tsuo. Se mohu, á hyɛ nɛ a ko ta bɔ sami la tɛ ɔ, loo ní ɔmɛ nɛ ngɛ he klɔuklɔu ɔ a he, bɔ nɛ pee nɛ a kɛ nyɛ tsuo nyɛ ko gbo.
4 A maa piɛ nyɛ he kɛ tsu ní tsumi tsuaa ní tsumi ngɛ kpe he bo tsu ɔ mi; nɔ kpa ko nɛ ko ba nyɛ kasa nya.
5 He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.
6 Imi nitsɛ lɛ i hla nyɛ nyɛmimɛ Levi bi ɔmɛ kɛ je Israel bi ɔmɛ a kpɛti, nɛ i ngɔ mɛ kɛ ha nyɛ kaa nike ní. A hla mɛ ngɔ to ha mi, konɛ a nyɛ nɛ a tsu ní ngɛ kpe he bo tsu ɔ mi.
7 Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”
Osɔfo ɔmɛ a blɔ fa mi nɔ
8
9 Ní klɔuklɔu pe kulaa nɛ a sɛ̃ ngɛ bɔ sami la tɛ ɔ nɔ ɔ, a kpɛti enɛ ɔmɛ maa pee o níhi: niye ní bɔ, yayami pami bɔ, kɛ fɔ yemi bɔ. Nike ní klɔuklɔu tsuaa nike ní klɔuklɔu nɛ a kɛ ba ha mi ɔ maa pee o kɛ o bimɛ nyɛ nɔ.
10 Nyɛɛ ye ngɛ he ko nɛ ngɛ klɔuklɔu; nyumuhi pɛ lɛ a ye. E ji niye ní klɔuklɔu ha nyɛ.
11
12
13 Jã kɛ̃, nɔ́ tsuaa nɔ́ nɛ puɛɔ ngɛ a zugba a nɔ ɔ, a kekleekle yiblii nɛ a kɛ ba haa mi ɔ maa pee o nɔ. O we mi bimɛ tsuo nɛ a he tsɔ ɔ, a ye eko.
14
15
16 Níhi nɛ a ma kpɔ ɔ, ke a ye nyɔhiɔ kake pɛ a kpɔ mɛ. Jua nɛ a po fɔ si kɛ ha a kpɔmi ji sika hiɔ yi enuɔ, kaa bɔ nɛ he klɔuklɔu ɔ jua nɛ a po ɔ ngɛ ɔ.
17 Na, loo jijɔ, loo apletsi kekleekle bi lɛɛ a ko kpɔ; ejakaa mɛɛ a he tsɔ. Ngɔɔ a muɔ ɔ kɛ fĩa bɔ sami la tɛ ɔ nɔ, nɛ o sã a zɔ ɔ kaa bɔ nɛ jeɔ via ha Yawɛ.
18 A lo ɔ maa pee o nɔ, kaa bɔ nɛ bɔ nɛ a fɔɔ kɛ yaa kɛ baa a gugue ɔ, kɛ e hiɔ fiɔ ɔ peeɔ o nɔ ɔ.
19
20
Levi bi ɔmɛ a blɔ fa mi nɔ
21
22 Kɛ je mwɔnɛ ɔ kɛ yaa a, Israel bi kpa amɛ ko hɛ mɛ kɛ su kpe he bo tsu ɔ he hu, bɔ nɛ pee nɛ a ko ba pee yayami nɛ a ba gbo.
23 Levi bi ɔmɛ pɛ ji ni nɛmɛ nɛ ma tsu ní ngɛ kpe he ɔ; ke sane ko ba a, mɛ lɛ a ma bi. Enɛ ɔ ji mlaa nɛ fɔɔ si daa kɛ ha nyɛ bimɛ; se weto ní ko lɛɛ a be nae ngɛ Israel,
24 ejakaa Israel bi ɔmɛ a níhi a mi dlami nyɔngmanyɔngma mi kakaaka nɛ a kɛ ba haa Yawɛ ɔ, i ngɔ mɛ tsuo ngɔ ha Levi bi ɔmɛ kaa a weto ní. Enɛ ɔ he je nɛ i de mɛ ke a be weto ní kpa ko nae ngɛ Israel ɔ nɛ.”
Mi dlami nyɔngma mi kake
25
26 e de Levi bi ɔmɛ ke, “Ke nyɛ nine su Israel bi ɔmɛ a níhi a mi dlami nyɔngmanyɔngma mi kakaaka a nɛ Yawɛ kɛ ha nyɛ kaa nyɛ weto ní ɔ nɔ ɔ, nyɛ hu nyɛɛ ngɔ mi dlami nyɔngma mi kake nɛ ɔ hu mi dlami nyɔngma mi kake kɛ ba ha mi kaa nike ní klɛdɛɛ.
27 Yawɛ maa ngɔ nɔ́ nɛ ɔ kaa ngma nɛ je nyɛ nitsɛmɛ nyɛ ngma mi sami he, loo wai he nɛ je nyɛ nitsɛmɛ nyɛ wai muɔ mi.
28 Blɔ nɔ nɛ nyɛ maa gu nɛ nyɛ hu nyɛɛ kɛ nyɛ nike ni klɛdɛɛ ma ba ha Yawɛ ji nɛ ɔ nɛ. Níhi a mi dlami nyɔngmanyɔngma mi kakaaka nɛ nyɛ na kɛ je Israel bi ɔmɛ a dɛ mi, nɛ ji Yawɛ nike ní klɛdɛɛ ɔ, nyɛ maa ngɔ kɛ ha osɔfo Aaron.
29 Nike níhi tsuo pɛpɛɛpɛ nɛ nyɛ na a, nyɛɛ ngɔ e mi nɔ́ nɛ hi pe kulaa, nɛ ji nɔ́ klɔuklɔu ɔ kɛ ba ha Yawɛ.
30 Ke nyɛɛ kɛ nɔ́ nɛ hi pe kulaa a ba ha Yawɛ ɔ, nyɛɛ ngɔ nɔ́ nɛ piɛ ɔ kɛ to, kaa bɔ nɛ ke ngmɔ hulɔ ya sã bɔ nɛ e ngɔɔ nɔ́ nɛ piɛ ɔ kɛ toɔ ɔ.
31 Nyɛɛ kɛ nyɛ we mi bimɛ nɛ ye nɔ́ nɛ piɛ ɔ ngɛ he tsuaa he; ejakaa ní tsumi nɛ nyɛ tsuɔ ngɛ kpe he bo tsu ɔ mi ɔ, e he hiɔwo ji lɔ ɔ nɛ.
32 Ke nyɛ ngɔ nɔ́ nɛ hi pe lɛ tsuo ɔ kɛ ba ha Yawɛ ɔ, tue gblami ko be nyɛ nɔ bae. Se nyɛɛ hyɛ nɛ nyɛ ko ble Israel bi ɔmɛ a nike ní klɔuklɔu ɔmɛ, nɛ a ko gbe nyɛ.”