Introduction
Daniel
NYA TSƆƆMI A ngma womi nɛ ɔ be mi nɛ a ngɛ Yuda bi ɔmɛ haoe, nɛ a ngɛ mɛ yi mi wae wawɛɛ nitsɛ. Matsɛ nɛ ngɛ ma a nya jamɛ a be ɔ pee we Mawu suɔmi nya ní. Womi ngmalɔ ɔ wo Yuda bi ɔmɛ he wami ke a ngɔ a hɛ ngɔ fɔ Mawu nɔ; ejakaa Mawu maa ngɔ he wami ɔ ngɛ matsɛ yaya a dɛ kɛ ha Mawu ɔ nitsɛ e ma a ekohu. Womi ngmalɔ nɛ ɔ ngɔ sane tsɔwitsɔwihi kɛ ninahi kɛ tsɔɔ e munyu ɔ nya. Womi nɛ ɔ ngɛ mi dlami pɔtɛɛ enyɔ: (1) Sanehi nɛ kɔɔ Daniel kɛ e huɛmɛ nɛ a nuu mɛ kɛ ho ma se ya a a ti ni komɛ a he. Daniel kɛ e huɛmɛ nɛ ɔmɛ a hemi kɛ yemi ngɛ Mawu mi, kɛ Mawu tue nɛ a buu he je ɔ, a ye a he nyɛli ɔmɛ a nɔ kunimi. Sane nɛ ɔmɛ ba ngɛ Babilonia kɛ Persia bi ɔmɛ a matsɛ yemi be ɔmɛ a mi. (2) Daniel na nina munomunohi nɛ ji okadihi nɛ tsɔɔ bɔ nɛ matsɛ yemi slɔɔtoslɔɔtohi maa te si, kɛ bɔ nɛ a maa nɔ si kɛ nyɛɛ a sibi a se. Nɔ́ nɛ ɔ maa je sisi kɛ maa je Babilonia matsɛ yemi ɔ nɔ. Daniel gba kɛ to ke, mahi nɛ li Mawu, nɛ a waa nihi yi mi ɔ, a hɛ mi ma kpata; se Mawu ma a lɛɛ e maa ye kunimi. Bɔ nɛ a dla womi ɔ mi ha • Daniel kɛ e huɛmɛ ɔmɛ 1.1—6.28
• Ninahi nɛ Daniel na 7.1—12.13
a. Pu mi lohwe eywiɛ ɔmɛ 7.1-28
b. Agbosu ɔ kɛ to akpakpo ɔ 8.1—9.27
d. Mawu bɔfo ɔ nɛ je hiɔwe ɔ 10.1—11.45
e. Nyagbe be ɔ 12.1-13
• Ninahi nɛ Daniel na 7.1—12.13
a. Pu mi lohwe eywiɛ ɔmɛ 7.1-28
b. Agbosu ɔ kɛ to akpakpo ɔ 8.1—9.27
d. Mawu bɔfo ɔ nɛ je hiɔwe ɔ 10.1—11.45
e. Nyagbe be ɔ 12.1-13