Ezekiel 10

Yawɛ hɛ mi nyami ɔ je e we ɔ

1 ⓡ Benɛ ma hyɛ ɔ, nɔ́ ko kaa matsɛ sɛ ba je kpo ngɛ nɔ́ mluguduu ɔ nɔ ngɛ kerub ɔmɛ a yi mi. Sɛ ɔ ngɛ kaa tɛ kpakpa nɛ hɛɛ bluu su.

2 ⓢ Kɛkɛ nɛ Mawu de nyumu ɔ nɛ ha kploba a ke, “Yaa sɛ tlɔɔke nane ɔmɛ a kpɛ ngɛ kerub ɔmɛ a sisi. Ngɔɔ o nine enyɔ ɔmɛ kɛ ya muɔ la ngu hɛuu ɔ eko nɛ o fĩa ngɔ pue ma a nɔ.” I na nɛ́ nyumu ɔ pee ja niinɛ.

3 Jamɛ a be ɔ, kerub ɔmɛ daa si ngɛ Yawɛ we ɔ leneyi je. Kɛkɛ nɛ bɔku ba hyi kue ɔ nɛ ngɛ Yawɛ we ɔ kpɛti ɔ tɔ.

4 Yawɛ hɛ mi nyami ɔ wo e he nɔ kɛ je kerub ɔmɛ a nɔ kɛ ba da we ɔ agbo ɔ nya. Bɔku ɔ hyi we ɔ mi tɔ, nɛ kue ɔ mi tsuo ngɛ kpɛe hleii kɛ Yawɛ hɛ mi nyami ɔ.

5 A nu kerub ɔmɛ a pɛli ɔmɛ a he ngɛ agbo nya kue ɔ mi tɔɔ kaa Mawu Ope ɔ nitsɛ nɛ ngɛ munyu tue.

6 Benɛ Yawɛ fã nyumu ɔ nɛ ha kploba a ke e ya muɔ la ngɛ tlɔɔke ɔ nane ɔmɛ a kpɛ ngɛ kerub ɔmɛ a sisi kɛ ba a, nyumu ɔ ya nɛ e ya da si ngɛ tlɔɔke nane kake kasa nya.

7 Kɛkɛ nɛ kerub ɔ kake je e nine kpo kɛ ya su la a he ngɛ kerub ɔmɛ a kpɛti, nɛ e muɔ la a eko kɛ wo nɔ nɛ ha kploba a dɛ mi. Nyumu ɔ hɛɛ la a kɛ je kpo.

8 I na kaa kerub ɔmɛ eko tsuaa eko ngɛ nɔ́ ko kaa nɔmlɔ nine ngɛ e pɛli ɔmɛ a sisi.

9 ⓣ I na tlɔɔke nane eywiɛ nɛ je a sibi ngɛ kerub ɔmɛ a he kakaaka. Tlɔɔke nane ɔmɛ ngɛ kpɛe saminya kaa tɛ nɛ hɛɛ sika tsu su. Bɔ nɛ a pee mɛ ɔ, nane kpa bɛle si ngɛ eko tsuaa eko mi; kpo nɔ je nɔ́ ɔ yaa hɛ mi kɛ se; nɛ mi mi je nɔ́ ɔ hu yaa hiɔ nɔ kɛ muɔ nɔ.

10

11 Enɛ ɔ he je ɔ, kerub ɔmɛ nyɛɔ nyɛɛɔ kɛ yaa he tsuaa he nɛ a plɛ we a he. Mɛ tsuo a nyɛɛɔ fiee kɛ yaa he tsuaa he nɛ a hɛ mi nane ɔ yaa a tɛɛ.

12 ⓤ Tlɔɔke ɔmɛ a he, a se mi, a nine he, a pɛli ɔmɛ a he, kɛ tlɔɔke nane eywiɛ ɔmɛ a he tsuo hyi tɔ kɛ hɛngmɛhi.

13 I nu nɛ a tsɛ tlɔɔke nane ɔmɛ ke “Tlɔɔke nanehi nɛ poo a he.”

14 ⓥ Kerub ɔmɛ eko tsuaa eko ngɛ hɛ mi eywiɛ. Kekleekle hɛ mi ɔ, na ku hɛ mi; enyɔne ɔ, nɔmlɔ hɛ mi; etɛne ɔ, jata hɛ mi; nɛ eywiɛne ɔ, kɔle hɛ mi.

15 Lohwe nɛ ɔmɛ nɔuu nɛ i na ngɛ nina mi ngɛ Kebar pa a nya a nɛ. Ke kerub ɔmɛ wo a he nɔ

16 nɛ a bɔni nyɛɛmi ɔ, tlɔɔke nane ɔmɛ hu nyɛɛɔ a kasa nya; nɛ ke kerub ɔmɛ gbɛ a pɛlihi a mi, konɛ a kɛ maa te ɔ, tlɔɔke nane ɔmɛ plɛ we a he kɛ ji kerub ɔmɛ a kasa nya.

17 Ke kerub ɔ da si, kɛkɛ tlɔɔke nane ɔmɛ hu da si; ke a te si ɔ, kɛkɛ tlɔɔke nane ɔmɛ pee ja; ejakaa kerub ɔmɛ lɛ a hɛɛ mɛ.

18 Jehanɛ, Yawɛ hɛ mi nyami ɔ je we ɔ agbo ɔ nya kɛ ba da kerub ɔmɛ a nɔ.

19 Kerub ɔmɛ gbɛ a pɛlihi a mi, nɛ a te kɛ je zugba; kɛkɛ nɛ tlɔɔke nane ɔmɛ hu pee ja. Lɔ ɔ se ɔ, a ba da si ngɛ Yawɛ we ɔ beleku je agbo ɔ nya, nɛ Israel Mawu ɔ hɛ mi nyami ɔ ngɛ a yi nɔ.

20 Kerub ɔmɛ nɛ i na ngɛ nina mi ngɛ Kebar pa a nya a, mɛ tutuutu ji Israel Mawu ɔ kerub nɛ ɔmɛ.

21 Kerub tsuaa kerub ngɛ hɛ mi eywiɛ kɛ pɛli eywiɛ, kɛ nɔ́ ko kaa nɔmlɔ nine ngɛ pɛli tsuaa pɛli sisi.

22 A hɛ mi ngɛ kaa ní nɛmɛ nɛ i na ngɛ Kebar pa a nya a pɛpɛɛpɛ. A ti nɔ tsuaa nɔ nyɛɛ kɛ ya e hɛ mi tɛɛ.