Jeha kpaagone ɔ
(<x>50 15:1-11</x>)
1
2 ke e wo Israel bi ɔmɛ mlaa nɛ ɔmɛ. Ke nyɛ su zugba nɛ Yawɛ ma ha nyɛ ɔ nɔ ɔ, nyɛ ha nɛ zugba a nɛ jɔɔ e he kɛ wo Yawɛ hɛ mi nyami.
3 Jeha ekpa nyɛ du ní nɛ nyɛ sua wai tso ɔmɛ nɛ ngɛ nyɛ wai ngmɔ ɔmɛ a mi ɔ a he, nɛ nyɛ bua wai yiblii ɔmɛ a nya.
4 Se jeha kpaagone ɔ lɛɛ nyɛ ha nɛ zugba a nɛ jɔɔ e he kulaa; e pee jeha nɛ a kɛ maa wo Yawɛ hɛ mi nyami. Jamɛ a be ɔ mi ɔ, nyɛ ko du ní; nɛ nyɛ ko sua nyɛ wai tso ɔmɛ a he.
5 Blɛfo nɛ lɛ nitsɛ e puɛ ngɛ ní kpami se po, nyɛ ko kpɔ; nɛ wai yiblii nɛ wo ngɛ wai tso nɛ a sua we e he ɔ nɔ ɔ hu nyɛ ko bua nya; jamɛ a jeha kulaa a, zugba a maa jɔɔ e he.
6 E ngɛ mi kaa jamɛ a jeha a, a hu we zugba a lɛɛ, se kɛ̃ e maa ba ní ha nyɛ, nyɛ nyɔguɛ nyumuhi, nyɛ nyɔguɛ yihi, apaa yeli nɛ tsuɔ ní ha nyɛ, nibwɔhi nɛ ba to nyɛ ɔ,
7 nyɛ we mi lohwehi kɛ pu mi lohwehi tsuo. Zugba a mi niba ní tsuo maa pee niye ní ha nyɛ.
Ngwɔhe tomi jeha
8
9 Jehanɛ, nyɔhiɔ kpaago ɔ nɔ ligbi nyɔngma a nɛ ji kpatami ligbi ɔ, nyɛɛ tsɔ nɛ a ya kpa titimati wawɛɛ kɛ kpa zugba a tsuo nɔ.
10 Bɔ nɛ nyɛ maa pee jeha nɛ ji nyingmi enuɔ ɔ klɔuklɔu ji nɛ ɔ nɛ. Nyɛɛ fiɛ kɛ ha zugba a nɔ bi ɔmɛ tsuo ke Heyemi be ɔ su oo. E maa pee nyami jeha ha nyɛ. Jamɛ a jeha a, weto ní tsuaa weto ní nɛ nɔ ko kɛ to awaba a, a kpale kɛ ha nɔtsɛ ɔ, loo e nina. Nɔ tsuaa nɔ nɛ a kɛ lɛ ya to awaba a, e kpale e se kɛ ya e nɔ́ mi, kɛ e weku li a ngɔ ekohu.
11 Nyɛ ko du ní, nɛ nyɛ ko kpa ní; nɔ́ nɛ lɛ nitsɛ e puɛ hu nyɛ ko kpa. Jã kɛ̃ wai yiblii nɛ wo ngɛ wai tso nɛ nyɛ sua we e he ɔ nɔ ɔ, nyɛ ko bua nya.
12 Jeha a tsuo maa pee klɔuklɔu ha nyɛ. Nyɛɛ ye niba ní nɛ nyɛ ma na ngɛ zugba a nɔ ɔ pɛ.
13
14 Lɔ ɔ he ɔ, ke o jua zugba ko kɛ ha o nyɛmi Israel fɔfɔɛ, loo o he zugba ngɛ e dɛ ɔ, nyɛ ko sisi nyɛ sibi.
15 Ke o maa wo zugba ko he jua ha o nyɛmi ɔ, moo kane jeha abɔ nɛ piɛ nɛ a ma du ní ngɛ zugba a nɔ loko a maa ye Heyemi jeha a.
16 Ke jeha nɛ piɛ ɔ hiɛ fuu ɔ, lɛɛ jua a maa ya hiɔwe, se ke jeha nɛ piɛ ɔ pi ɔ, lɛɛ jua a maa ba si; ejakaa niba ní nɛ a ma na kɛ maa je ngmɔ ɔ mi ɔ, lɔ ɔ a ngɛ juae ɔ nɛ.
17 Nyɛ ko sisi nyɛ sibi Israel fɔfɔɛhi, se mohu nyɛɛ ye Yawɛ, nyɛ Mawu ɔ gbeye.
Jeha kpaagone ɔ mi haomi komɛ
18
19 Zugba a maa ba ní, nɛ nyɛ maa ye ní nɛ nyɛ maa tɔ; nɛ nyɛ maa hi zugba a nɔ ngɛ he jɔmi mi.
20
21 Yawɛ maa gbaa zugba a, nɛ niye ní babauu maa ba ngɛ jeha ekpane ɔ mi, nɛ nyɛ ma na jeha etɛ nya niye ní jamɛ a jeha a.
22 Be nɛ nyɛ ngɛ ní due ngɛ jeha kpaanyɔne ɔ mi ɔ, nyɛ maa hi ngmɔ niba ní momo ɔ yee kɛ yaa si nyɛ ma kpa ní nɛ nyɛ du jamɛ a jeha a.
Weto ní se kpalemi
23
24
25 Ke e fi Israel fɔfɔɛ ko nɛ e jua e zugba ko ɔ, e nyɛmi tutuutu nɛ yeɔ e ní ɔ nɛ kpɔ zugba a.
26 Ke e be nɔ ko nɛ ma kpɔ zugba nɛ a jua nɛ ɔ, lɛɛ ke pee se nɛ níhi a mi hi ha lɛ ekohu ɔ, e ma nyɛ nɛ lɛ nitsɛ e kpɔ e ní.
27 Ke e ba mi ja a, e bu akɔtaa; jeha abɔ nɛ e jua zugba a, kɛ jeha nɛ piɛ loko jeha a nɛ a maa kpale weto ní se kɛ ha nɔtsɛmɛ ɔ maa su, konɛ e wo jeha abɔ nɛ piɛ ɔ he hiɔ nɛ e ya ngɔ e ní.
28 Se ke nɔ nɛ jua zugba a be nɔ́ ko nɛ e kɛ ma kpɔ e weto ní nɛ ɔ, lɛɛ nɔ nɛ he zugba a maa pee nɔtsɛ kɛ yaa si weto ní se kpalemi jeha kpa maa su. Jamɛ a jeha a loko a maa kpale zugba a kɛ ha zugbatsɛ ɔ.
29
30 Ke e nyɛ we nɛ e kpɔ ngɛ jeha kake mi ɔ, we ɔ maa pee nɔ nɛ he ɔ, kɛ e nina a nɔ́ kulaa. Weto ní se kpalemi jeha a mi ɔ, nɔ nɛ he we ɔ be he ngmɛɛe.
31 Se wehi nɛ ngɛ kɔpehi nɛ gbogbo be a he ɔ a mi ɔ lɛɛ a bu mɛ kaa ngmɔ kɛkɛ. A ma nyɛ ma kpɔ mɛ; ke weto ní se kpalemi jeha a su ɔ, nyɛɛ ngmɛɛ a he ha nitsɛmɛ ɔmɛ.
32 Levi bi ɔmɛ lɛɛ a wehi nɛ ngɛ a ma amɛ a mi ɔ, a ngɛ he blɔ nɛ a kpɔɔ mɛ be tsuaa be.
33 Ke Levi no ko jua e we ngɛ ma ko mi, nɛ e kpɔ we e we ɔ kɛ ya su weto ní se kpalemi jeha a mi po ɔ, a kpale e we ɔ kɛ ha lɛ; ejakaa Levi bi ɔmɛ a we ɔmɛ peeɔ mɛ nitsɛmɛ a weto ní kulaa ngɛ Israel bi ɔmɛ a kpɛti.
34 Lohwe lɛmi zugbahi nɛ bɔle Levi bi ɔmɛ a ma amɛ hu peeɔ Levi bi ɔmɛ a weto ní; a ko jua eko.
Sika nɛ a paa ha ohiatsɛmɛ
35
36 Ke o pa nɔ́ ko ha o nyɛmi ɔ, ko he nɔ́ ko kɛ bɔ he; ye o Mawu ɔ gbeye, konɛ o ha nɛ o nyɛmi ɔ nɛ hi o kasa nya.
37
38 Mlaa nɛ Yawɛ, nyɛ Mawu ɔ ngɛ nyɛ woe ji nɛ ɔ nɛ. Yawɛ, nyɛ Mawu ɔ je nyɛ kɛ je Egipt zugba a nɔ, konɛ e ngɔ Kanaan zugba a ngɔ ha nyɛ, nɛ e pee nyɛ Mawu.
Nyɔguɛhi a he ngmɛɛmi
39
40 Ha nɛ e hi o ngɔ kaa apaa yelɔ, loo nubwɔ, nɛ e tsu ní ha mo kɛ yaa si Heyemi jeha a maa su.
41 Ke Heyemi jeha a su ɔ, lɛ, kɛ e bimɛ tsuo nɛ a ngɛ o ngɔ ɔ ma nyɛ ma si mo kɛ ho mɛ nitsɛmɛ a weku li a ngɔ ya ngɛ a nɛmɛ a nɔ́ mi.
42 Israel bi ɔmɛ ɔ, Yawɛ tsɔli ji mɛ. Lɛ nitsɛ nɛ e je mɛ kɛ je Egipt zugba a nɔ. Enɛ ɔ he je ɔ, a ko jua mɛ kaa nyɔguɛhi.
43 Nyɛ ko wa mɛ yi mi, se mohu nyɛɛ ye nyɛ Mawu ɔ gbeye.
44 Ke nyɛ ngɛ nyɔguɛ nyumuhi kɛ nyɔguɛ yihi hlae ɔ, nyɛ ma nyɛ ma he mɛ kɛ je mahi nɛ bɔle nyɛ ɔ a mi.
45 Jehanɛ hu, nyɛ ma nyɛ ma he nibwɔhi nɛ ba to nyɛ ngɛ zugba a nɔ ɔ a bimɛ nɛ a fɔ ngɔ wo nyɛ kpɛti ɔ, nɛ a maa pee nyɛ weto ní.
46 Nyɛ ma nyɛ ma si mɛ kaa gbosi ní ha nyɛ bimɛ, nɛ a ma sɔmɔ mɛ a wami be ɔ tsuo. Se nyɛ sɔuu nyɛ kpɛti kaa Israel fɔfɔɛhi ɔ, nyɛ ko wa nyɛ sibi yi mi.
47
48 Ke e jua e he se ɔ, he blɔ ngɛ kaa e kpɔ e he ekohu. E nyɛminyumu ko,
49 loo e tsɛ nyɛminyumu, loo e tsɛ nyɛminyumu bi, loo e weku no pɔtɛɛ ko ma nyɛ ma kpɔ lɛ. Ke lɛ nitsɛ po e he ba hi ekohu ɔ, e ma nyɛ ma kpɔ e he.
50 E kɛ nɔ nɛ he lɛ ɔ nɛ bu akɔtaa kɛ je be nɛ e jua e he ngɔ ha lɛ ɔ, kɛ ya si be nɛ Heyemi jeha a maa su, konɛ e na jeha abɔ nɛ ngɛ mi, nɛ e da nɔ nɛ e kɛ na sika nɛ e kɛ ma kpɔ e he ɔ. Á bu nɔ́ nɛ ɔ kaa bɔ nɛ a buu apaa yelɔ hiɔwo.
51 Ke jeha nɛ piɛ loko Heyemi jeha a maa su ɔ hiɛ ɔ, sika nɛ a kɛ ma kpɔ lɛ ɔ maa hiɛ jã kɛ̃,
52 se ke jeha nɛ piɛ loko Heyemi jeha maa su ɔ pi ɔ, e kɛ nɔ nɛ he lɛ ɔ nɛ bu akɔtaa. Á hyɛ jeha abɔ nɛ e kɛ ma tsu ní ha e nyɔmtsɛ ɔ, konɛ a je hiɔwo ɔ kɛ je sika nɛ a ma ha lɛ ɔ mi, nɛ e wo hiɔ nɛ maa piɛ ɔ.
53 E kɛ hiɔ̃tsɛ ɔ si himi ɔ nɛ pee kaa nyɔmtsɛ kɛ apaa yelɔ si himi; nɛ e wo lɛ hiɔ daa jeha. Nyɔmtsɛ ɔ nɛ ko wa lɛ yi mi.
54 Ke a nyɛ we nɛ a kpɔ lɛ kɛ gu blɔ nɛ ɔmɛ eko nɔ ɔ, lɛɛ ja Heyemi jeha kpa su loko a maa ngmɛɛ e kɛ e bimɛ ɔmɛ a he.
55 Israel fɔfɔɛ be nyɛe maa pee nɔ ko nyɔguɛ daa, ejakaa Israel bi ɔmɛ ɔ, Yawɛ nitsɛ nyɔguɛhi ji mɛ. Lɛ nitsɛ nɛ e je mɛ kɛ je Egipt zugba a nɔ. Lɛ ji Yawɛ, a Mawu ɔ nɛ.