Mose III, 11

Lohwehi nɛ á ye

(<x>50 14:3-21</x>)

1 Yawɛ wo mlaa nɛ ɔmɛ kɛ gu Mose kɛ Aaron nɔ kɛ ha

2 Israel bi ɔmɛ. Lohwe nane eywiɛɛywiɛtsɛmɛ nɛ nyɛ ma nyɛ maa ye ji nɛ ɔmɛ nɛ.

3 Lohwe tsuaa lohwe nɛ a gba e nane koklotohi a mi, nɛ e gɔleɔ nɔ́ nɛ e ye ɔ nɛ e kpaleɔ taa ekohu ɔ, nyɛ ma nyɛ maa ye.

4 Se nyɛ ko ye enɛ ɔmɛ: afukpɔngɔ, tɛ sa nɔ kpi, kɛ alɔngɔ, ejakaa a gɔleɔ nɔ́ nɛ a ye ɔ nɛ a kpaleɔ taa ekohu lɛɛ, se a gba we a nane kokloto mi, lɔ ɔ he ɔ, a he tsɔ we.

5

6

7 Nyɛ ko ye kpotoo, e he tsɔ we, ejakaa a gba e nane kokloto mi lɛɛ, se e gɔle we nɔ́ nɛ e ye ɔ nɛ e ta ekohu.

8 Nyɛ ko ye lohwe nɛ ɔmɛ, nɛ nyɛ ko ta a gbogboe he hulɔ; a he tsɔ we.

9 Nyɛ ma nyɛ maa ye lo nɛ ɔmɛ: lo tsuaa lo nɛ ngɛ se ngmo kɛ toto.

10 Se nɔ́ tsuaa nɔ́ nɛ wami ngɛ e mi ngɛ wo loo pa mi, nɛ e be se ngmo kɛ toto ɔ, nyɛ ko ye.

11 A he tsɔ we; lɔ ɔ he ɔ, nyɛ ko ye, nɛ nyɛ ko ta a gbogboe he hulɔ.

12 Nɔ́ tsuaa nɔ́ nɛ ngɛ nyu mi nɛ wami ngɛ e mi, se e be se ngmo kɛ toto ɔ, nyɛ ko ye; a he tsɔ we.

13 Nyɛ ko ye lohwe pɛlitsɛmɛ kɛ a henɔ nɛ ɔmɛ: kɔle, okpoku, pa nɔ kɔle, kayo, kɔɔkɔmite, duguma, anuma, nyɔ mi kayo, klomi, nga mi kpakpahe, pa nɔ kayo, omiɔhɔɔ, kpokukpoku, godo, kɔne, loo apani.

14

15

16

17

18

19

20 Nyɛ ko ye lohwe tsɔwi nane eywiɛtsɛmɛ nɛ tee,

21 ja ní nɛmɛ nɛ tuu ɔ.

22 Nyɛ ma nyɛ maa ye baalɛ, apã, adodo, kɛ a henɔ ɔmɛ.

23 Se lohwe tsɔwi nane eywiɛtsɛmɛ nɛ tee kpahi ɔ, nyɛ ko ye; a he tsɔ we.

24 Nɔ tsuaa nɔ nɛ maa ta lohwe nɛ ɔmɛ eko gbogboe he ɔ, e he be tsɔe kɛ yaa si du ma bu: lohwehi tsuo nɛ a gba we a nane kokloto mi, nɛ a gɔle we nɔ́ nɛ a ye ɔ nɛ a ta ekohu, kɛ lohwe nane eywiɛɛywiɛtsɛmɛ nɛ be kokloto, se a nyɛɛ ngɛ a nine a nɔ ɔ, mɛ tsuo a he tsɔ we. Nɔ tsuaa nɔ nɛ maa ta eko gbogboe he ɔ bleɔ e he. Ke nɔ ko ble e he ja a, é fɔ e tade ɔmɛ a he; se kɛ ɔ, e he be tsɔe kɛ yaa si du ma bu.

25

26

27

28

29 Lohwehi nɛ sãã si ngɛ zugba a nɔ nɛ a he tsɔ we ha nyɛ ji kɔkɔbo, kɔkue, ve, kɛ e henɔ ɔmɛ,

30 tsunyɛ, nyaka, akɔtɔku, angmlɔ, kɛ akpasi.

31 A he tsɔ we, lɔ ɔ he ɔ, nɔ tsuaa nɔ nɛ maa ta eko gbogboe he ɔ, e he be tsɔe kɛ yaa si du ma bu.

32 Nɔ́ tsuaa nɔ́ nɛ lohwe nɛ ɔmɛ eko gbogboe maa sa he ɔ, e he be tsɔe; tso a kɛ pee nɔ ɔ jio, bo jio, lohwe he womi jio, kotoku jio, nɔ́ saisaa jio. Á kɛ nyu nɛ fɔ he, se nɔ́ ɔ he be tsɔe kɛ yaa si du ma bu.

33 Ke lohwe nɛ ɔmɛ eko gbogboe ko ya nɔ buɛ mi ɔ, e bleɔ nɔ́ tsuaa nɔ́ nɛ ngɛ buɛ ɔ mi ɔ; lɔ ɔ he ɔ, á ywia buɛ ɔ.

34 Ke buɛ nɛ ɔ mi nyu ɔ eko pue niye ní ko nɔ ɔ, niye ní ɔ he be tsɔe. Nɔ́ tsuaa nɔ́ nɛ a nuu nɛ ngɛ kikɛmɛ a buɛ ɔ mi ɔ he be tsɔe.

35 Jehanɛ, nɔ́ tsuaa nɔ́ nɛ kikɛmɛ a lohwe nɛ ɔmɛ eko gbogboe maa nɔ nɔ ɔ, nɔ́ ɔ he be tsɔe, la tɛ jio, flɔɔnɔɔ jio, á ywia nɔ́ ɔ wɔtsɔwɔtsɔ.

36 Ke lohwe nɛ ɔmɛ eko gbogboe ya nɔ nyu hɛngmɛ, loo nyu nɔ́ ko mi ɔ, nyu ɔ he tsɔ; se nɔ́ tsuaa nɔ́ nɛ maa sa a gbogboe he ɔ he tsɔ we.

37 Ke lohwe gbogboe ɔ he ko nɔ wu nɛ a yaa du nɔ ɔ, e be wu ɔ blee,

38 se ke a wo wu ɔ nyu nɛ lohwe gbogboe nɔ nɔ ɔ, e bleɔ lɛ.

39 Jehanɛ, ke lohwehi nɛ a yeɔ ɔ eko gbo ɔ, nɔ nɛ maa ta e gbogboe ɔ he ɔ, e he be tsɔe kɛ yaa si du ma bu.

40 Ke nɔ ko ye lo nɛ ɔ eko ɔ, é fɔ e tade ɔmɛ a he. Se lɛ nitsɛ lɛɛ e he be tsɔe kɛ yaa si du ma bu. Nɔ tsuaa nɔ nɛ maa kɛ̃ e gbogboe ɔ bleɔ e he; ke nɔ ko ble e he ja a, nɔ ɔ nɛ fɔ e tade ɔmɛ a he, se e he be tsɔe kɛ yaa si du ma bu.

41 Lohwehi nɛ sãã si ɔ, a he tsɔ we; nyɛ ko ye.

42 Ke a sãã si ngɛ a mi nɔ jio, a nane eywiɛ nɔ jio, a nane babauu nɔ jio, nyɛ ko ye; a he tsɔ we.

43 Nyɛ ko ta lohwehi nɛ sãã si ɔ eko he. Ke nyɛ pee ja a, nyɛ bleɔ nyɛ he, nɛ nyɛ he tsɔ we.

44 ⓙ Imi ji Yawɛ, nyɛ Mawu ɔ nɛ. Nyɛɛ pee nyɛ he klɔuklɔu; ejakaa Nɔ Klɔuklɔu ji mi. Lɔ ɔ he ɔ, lohwehi nɛ sãã si ɔ, nyɛ ko ngɔ ekoeko kɛ ble nyɛ he.

45 Imi ji Yawɛ. Imi nɛ I je nyɛ kɛ je Egipt zugba a nɔ, konɛ ma ba pee nyɛ Mawu. Lɔ ɔ he ɔ, nyɛɛ pee nyɛ he klɔuklɔu; ejakaa Nɔ Klɔuklɔu ji mi.

46 Lɔ ɔ he ɔ, lohwe nane eywiɛɛywiɛtsɛmɛ, lohwe pɛlitsɛmɛ, kɛ adebɔ níhi tsuo nɛ ngɛ nyu mi, kɛ adebɔ níhi tsuo nɛ sãã si ngɛ zugba a nɔ ɔ, mlaa nɛ kɔɔ a he ji nɛ ɔmɛ nɛ.

47 Mlaa nɛ ɔ tsɔɔ slɔɔto nɛ ngɛ lohwehi nɛ a he tsɔ, kɛ lohwehi nɛ a he tsɔ we a kpɛti, kɛ slɔɔto nɛ ngɛ lohwehi nɛ a yeɔ, kɛ lohwehi nɛ a yi a kpɛti.