Yesaya 2

Tue mi jɔmi nɛ maa hi si daa

(<x>400 4:1-3</x>)

1 Sɛ gbi nɛ Mawu ngɔ ha Yesaya, Amoz bi ɔ, nɛ kɔɔ Yuda kɛ Yerusalem a he ji nɛ ɔ nɛ:

2 Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

3 nɛ a ma de ke, “Nyɛ ha wa ya kuɔ Yawɛ yo ɔ[3] kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

4 ⓓ Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

5 Jehanɛ, nyɛ Yakob nina, nyɛ ha waa nyɛɛ ngɛ la nɛ Yawɛ ha wɔ ɔ mi!

A ma kpata he nɔ woli a hɛ mi

6 Mawu lee, o kua o ma, Yakob nina a, ejakaa klaali babauu nɛ je beleku je kɛ Filistia ba futu mɛ. Ma se bi a kusumi níhi o ma a ngɛ pee.

7 A zugba a nɔ hyi kɛ sika hiɔ kɛ sika tsu; a li a juetli ɔ nya. A we okpɔngɔ ɔmɛ hu hiɛ babauu, nɛ a ta zugba lɛ ɔmɛ hu a li nya.

8 Amagahi hyi a zugba a nɔ; nɛ níhi nɛ mɛ nitsɛmɛ a ngɔ a nine kɛ pee ɔ, lɔ ɔmɛ a jaa.

9 Lɔ ɔ he ɔ, moo ba a ti nɔ tsuaa nɔ si, nɛ zo nɛ gbe mɛ. Yawɛ koo ngɔ kɛ pa mɛ!

10 ⓔ A ma ya laa a he ngɛ tɛ puɔhi a mi, aloo a maa tsua muɔhi, konɛ a laa a he kɛ je Yawɛ we abofu nɛ he wa a, kɛ e hɛ mi nyami ɔ nya!

11 Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

12 Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

13 E ma kpata Lebanon seda tso gagaa amɛ, kɛ Bashan tso ngua amɛ tsuo a hɛ mi.

14 E maa ba yo gagaa amɛ, kɛ yoku tsɔwi ɔmɛ tsuo si;

15 jã kɛ̃ mɔ tsuaa mɔ, kɛ gbogbo tsuaa gbogbo nɛ ngɛ mɔ ɔmɛ a he ɔ, e maa ba mɛ si.

16 Spania lɛ nguaa amɛ kɛ a he fɛu ɔ tsuo e ma ha a ma mu.

17 Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

18

19 Nihi ma ya laa a he ngɛ tɛ puɔhi a mi ngɛ yo ɔmɛ a nɔ, aloo a maa tsua muɔhi, konɛ a laa a he ngɛ mi kɛ je Yawɛ we abofu nɛ he wa a, kɛ e hɛ mi nyami ɔ nya, ke e ba nɛ e ba mimiɛ zugba a.

20 Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

21 Ke Yawɛ ba nɛ e ba mimiɛ je ɔ, nimli maa laa a he ngɛ tɛ puɔhi kɛ muɔhi a mi ngɛ yo ɔmɛ a nɔ kɛ je e abofu nɛ he wa a, kɛ e hɛ mi nyami ɔ nya.

22 Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.