Nile kɛ biɛmi
1
2 E gbe lohwe; e futu wai, nɛ e ngmɛ okplɔɔ.
3 E tsɔ e mawayi ɔmɛ ke a ya da ma a mi he nɛ ya hiɔwe pe kulaa a, nɛ a kpa ngmlaa ke,
4 “Nyɛ nihi tsuo nɛ nyɛ be juɛmi ɔ, nyɛ gba hiɛmɛ nɛ ɔ!” Nɔ́ nɛ e ngɛ kuasia hu dee ji,
5 “Ba nɛ o ba ye ye ní ɔ eko, nɛ o nu wai nɛ i futu ɔ hu eko!
6 Kpa bɔmi kɛ nihi nɛ be juɛmi, nɛ o yi nɛ na wami. Hla nile se blɔ!”
7
8 Ko ka he fɛu yelɔ hɛ mi, nɛ e ba nyɛ mo; ka ní lelɔ mohu hɛ mi nɛ e maa suɔ mo.
9 Tsɔɔ ní lelɔ ní, nɛ e nile ɔ mi ma blɛke kɛ ya nɔ; tsɔɔ dalɔ ní, nɛ e maa kase nɔ́ ko kɛ je mi kɛ piɛ nɔ́ nɛ e le momo ɔ he.
10
11 Ejakaa nile ma ha nɛ a fɔ o ligbi ɔmɛ a nɔ, nɛ o wami se maa kɛ.
12 Ke o le ní ɔ, o le ha o he. Nɛ ke o sake nile ngɔ fɔ he ɔ, mo nitsɛ lɛ o maa na nɔ́.
13
14 Daa nɛ ɔ, e hii si ngɛ e sinya nya, loo ma a mi he nɛ ya hiɔwe pe lɛ tsuo.
15 Ke nihi ngɛ a nyɛɛmi nɔ kɛ bee, nɛ a ngɛ yi mi kpakpa susue ɔ, e ma kpa ngmlaa ke,
16 “Nɔ tsuaa nɔ nɛ be juɛmi ɔ, e ba hiɛ ɔ!” Nyumu kuasia hu, nɔ́ nɛ e deɔ lɛ ji,
17 “Nyu jujui ngɔɔ. Niye ní nɛ a ye ngɛ laami mi ɔ, e ngɔɔ.”
18 Nihi nɛ yo nɛ ɔ naa a he blɔ ɔ, a li tete kaa ke o na ya sɛ e we ɔ mi pɛ o plɛ pee nɔ gbogboe. A li tete kaa nihi tsuo nɛ ya sɛ e we ɔ mi ɔ, a wuhi a he je momo ngɛ gbeje.