1 Hɛ mi nyami sɛ kuasia, kaa snoo ngɛ latsa be mi, aloo hiɔmi ngɛ ní kpami be mi.
2 Gbiɛmi nɛ a gbiɛɛ nɔ yaka gu ɔ, e tsu we nɔ́ ko; e ngɛ kaa otoklii, aloo ngmlebitɛɛnyɛ nɛ ngɛ tee kɛ ngɛ yae kɛ ngɛ bae kɛkɛ nɛ si mami be mi.
3 Okpɔngɔ ɔ, kpa a fiaa lɛ; teji ɔ, a woɔ e nya mi dade, nɛ kuasia lɛɛ e nɔ́ ji tso.
4 Ke o ma ha kuasia e munyu heto ɔ, koo tu munyu kaa bɔ nɛ lɛɛ e tuɔ munyu ɔ. Ke o pee ja a, mo hu o maa je kuasia kaa lɛ nɔuu.
5 Ke kuasia tu biɛmi munyu ɔ, ha lɛ heto bɔ nɛ sa lɛ pɛ. Kɛkɛ ɔ, e maa na kaa mamoo e li nɔ́ ko nɔ́ ko fɛɛ.
6 Ke o tsɔ kuasia a, e ngɛ kaa nɔ́ nɛ o poo mo nitsɛ o nanehi ngɔ fɔ he, aloo o nu duɔ nɔ́ nɛ kpataa nɔ hɛ mi.
7 Kuasia nya mi abɛ he be se nami, kaa bɔ nɛ glɔtsɛ nanehi kplaa si gu ngɛ e he ɔ.
8 Nɔ nɛ ngɛ kuasia hɛ mi nyami woe ɔ, e ngɛ kaa nɔ ko nɛ ngɛ tɛ fie kɛ ngɛ amlami mi woe.
9 Ke kuasia ngɛ abɛ bue ɔ, e ngɛ kaa dã delɔ nɛ ngɛ mio hiae ngɛ e dɛ mi.
10 Nɔ nɛ bɔɔ dã delɔ, aloo kuasia nɛ bee kɛkɛ apaa a, e ngɛ kaa kɛ̃ɛ̃ tsɛ̃lɔ nɛ ngɛ nɔ tsuaa nɔ plaae.
11 Kuasia nɛ kpaleɔ ya jeɔ kuasia si enyɔne ɔ, e ngɛ kaa gbe nɛ kpaleɔ ya yeɔ lɛ nitsɛ e vie ekohu.
12 Ke nɔ ko buu e he ní lelɔ, nɛ pohu e li nɔ́ ko ɔ, hɛ nɔ kami ngɛ ha kuasia po pe lɛ.
13 Nɔ́ nɛ hejɔtsɛ deɔ ji, “Jata ngɛ blɔ mi! Jata ngɛ blɔ kpɛ!”
14 Hejɔtsɛ hii plɛe ngɛ sa mi kaa bɔ nɛ sinya plɛɔ e he ngɛ e se asahi a nɔ ɔ.
15 Hejɔtsɛ nine tlɔɔ ka mi; dengme loko e kpaleɔ e nine ɔ kɛ baa e nya he ekohu.
16 Hejɔtsɛ buu e he ní lelɔ kulaa pe juɛmitsɛmɛ kpaago.
17 Nɔ nɛ kɛ e he woɔ pɛ nɛ kɔ we e he mi ɔ, e ngɛ kaa nɔ ko nɛ na gbe nɛ bee nɛ e nu gbe ɔ tue.
18 Nɔmlɔ nɛ sisiɔ e nyɛmi, nɛ pee se ɔ, e deɔ lɛ ke, “Oo, pe i kɛ mo ngɛ fiɛe” ɔ, jamɛ a nɔ ɔ ngɛ kaa godotsɛ nɛ e kɛ la tso, loo kɛ̃ɛ̃, loo gbenɔ nitsɛ ngɛ fiɛe.
19
20 Ke lɛ́ be la tɛ mi ɔ, la gboɔ; he nɛ siekutsɛ be ɔ, pɛ se poɔ.
21 Pɛ wolɔ he sɔɔ kɛ woɔ pɛ kaa bɔ nɛ la haa nɛ hã tsɛ̃ɔ ɔ.
22 Siekutsɛ munyu ngɛ kaa niye ní ngɔngɔɛ nɛ ke o ye ɔ, e yaa nɔmlɔ tso ɔ mi he tsuaa he.
23 Ke nɔ ko nya mi munyu ngɔɔ, se e tsui mi lɛɛ e hí ɔ, e ngɛ kaa zu buɛ nɛ a kɛ sika hiɔ ha he.
24 Nɔmlɔ nɛ nyɛɔ nɔ ɔ, e kɛ mo maa tu munyu ngɔngɔɛ, se e tsui mi lɛɛ e sume mo saasaa.
25 Ke e kɛ mo tu munyu dɔkɔbii ɔ, ko he lɛ nɛ o ye, ejakaa e tsui mi hyi tɔ kɛ ninyɛ sɔuu.
26 Ke e ngɔ sisimi kɛ laa e ninyɛ ɔ nɔ kaa mɛni po, e yi wu tso ní peemi ɔmɛ maa je kpo kokooko ngɛ ma hɛ mi.
27 Nɔ nɛ tsuaa muɔ kɛ fɔɔ si ha nɔ ko ɔ, lɛ nɔuu lɛ e maa nɔ mi. Nɔ nɛ kpɛneɔ tɛ ɔ, lɛ nɔuu e nɔ tɛ ɔ maa nɔ.
28 Lakpatsɛ nyɛɔ nihi nɛ e ye a he lakpa a. Munyu dɔkɔbii tulɔ puɛɔ nɔ́.