Nile he se namihi
1
2 Bu nile munyu tue, nɛ o bɔ mɔde kaa o maa nu sisi lo.
3 Ee, moo fa kue nɛ a ha mo nile; kpa pɛɛ nɛ a ha mo nɔ́ sisi numi.
4 Hla e se blɔ kaa bɔ nɛ a hlaa sika hiɔ, loo juetli nɛ a ngɔ kɛ laa.
5 Ke o pee ja loko o maa nu Yawɛ gbeye yemi sisi, nɛ o maa kase Mawu he nile.
6 Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.
7 Nihi nɛ peeɔ nɔ́ nɛ da, nɛ a yeɔ anɔkuale ɔ, Yawɛ piɛɔ a he, nɛ e baa a yi.
8 Yawɛ buu dami sane yeli a he, nɛ e baa e ni klɔuklɔu ɔmɛ a yi.
9
10 O maa le ní, nɛ nile ɔ ma ha mo bua jɔmi.
11 O he nile, kɛ o nɔ́ sisi numi maa bu o he,
12 nɛ a be hae nɛ o pee nɔ́ nɛ dɛ. A ma je mo kɛ je nimli yayamihi a dɛ mi: nihi nɛ a kɛ a lilɛ puɛɔ nɔ,
13 nihi nɛ gba kɛ je blɔ nɛ da nɔ kɛ ya ngɛ diblii blɔhi a nɔ nyɛɛe,
14 nihi nɛ nyaa yayami peemi he, nɛ a naa bua jɔmi ke a ngɛ nɔ́ nɛ dɛ pee,
15 kɛ nihi nɛ a blɔhi dɛ, nɛ a kɛ hɛ fɔ we a nɔ.
16
17 yo nɛ kua e yihe mi huno, nɛ si nɛ e wo e Mawu ɔ hu e yi nɔ.
18 Ke o ya e we mi ɔ, gbenɔ blɔ nɔ o ngɛ nyɛɛe ɔ nɛ. Ke o ya lejɛ ɔ lɛɛ o su gbeje ta.
19 Nɔ ko ya slaa we lɛ, nɛ e kpale kɛ ba hyɛ. Ke nɔ ko ya su lejɛ ɔ, e kpale we e se kɛ bɛ wami blɔ ɔ nɔ hu.
20 Lɔ ɔ he ɔ, moo kase nimli kpakpahi a ní peepee, konɛ o pee nɔ́ nɛ da.
21 Dali, kɛ nimli kpakpahi ji ni nɛmɛ nɛ maa hi zugba nɛ ɔ nɔ.
22 Se yiwutsotsɛmɛ, kɛ yayami peeli lɛɛ Mawu ma kpata a hɛ mi kaa bɔ nɛ a hiaa tso ngɛ zu mi kɛ fɔɔ si ɔ.