Introduction
La
NYA TSƆƆMI Baiblo ɔ mi lahi, kɛ sɔlemihi lɛ ngɛ womi nɛ ɔ mi. Ni munomunohi lɛ a ngma la amɛ, kɛ sɔlemi ɔmɛ ngɛ be slɔɔtohi a mi. Israel bi ji ni nɛmɛ nɛ bua la amɛ, kɛ sɔlemi ɔmɛ a nya kɛ ha a Mawu jami. Pee se ɔ, a ngɔ la amɛ kɛ piɛ a ngmami ɔmɛ a he. Mawu jami asilɛ nɛ ɔmɛ kɔɔ ní munomunohi a he: Mawu yi jemi, kɛ Mawu jami lahi, kue fami kɛ ha yemi kɛ buami, yi baami, kɛ yi wami hemi. Ní komɛ hu nɛ asilɛ ɔmɛ kɔɔ a he ji yayami he pɛɛ kpami, sina ngɛ Mawu gbaami he, kɛ kue fami kɛ ha he nyɛli a tue gblami. Kue fami nɛ ɔmɛ ngɛ kɛ ha ni kakaaka, kɛ ma a tsuo. Ekomɛ jeɔ ni kakaaka a tsui mi sanehi kpo, nɛ ekomɛ hu daa si ha Mawu ma a tsuo a hiami níhi, kɛ a tsui mi sanehi. Yesu ngɔ la amɛ kɛ tsu ní. Somi He ɔ ngmali ɔmɛ ekomɛ hu wo la amɛ a ta. Nɛ kɛ je sisije ɔ, La Womi ɔ ba pee jami womi pɔtɛɛ kɛ ha Kristo asafo ɔ. Ngmami ɔ sisi tsɔɔmi komɛ ngma munyunyu “Sela” ngɛ La amɛ ekomɛ a mi. A li munyunyu nɛ ɔ sisi tutuutu. Se nya tsɔɔmi ko deɔ ke e maa pee kaa la gbi he blɔ nya tomi ko kɛ ha la tsɔɔlɔ ɔ. A tsu we munyunyu nɛ ɔ he ní ngɛ Dangme Baiblo ɔ mi. Bɔ nɛ a dla womi ɔ mi ha A dla la lafa kɛ nyingmi enuɔ nɛ ɔmɛ kɛ wo kuu, aloo womi enuɔ mi.
• La 1-41
• La 42-72
• La 73-89
• La 90-106
• La 107-150
• La 1-41
• La 42-72
• La 73-89
• La 90-106
• La 107-150