KEKLEEKLE WOMI (<x>230 1-41</x>) Bua jɔmi kpakpa 1 A gbaa nɔ nɛ bui nimli yayamihi a ga womi tue, nɔ nɛ kɛ yayami peeli bɔɛ, nɛ e hí he fɛu yeli a hi he; 2 se mohu e bua jɔɔ Yawɛ mlaa a he, nɛ e susuɔ he nyɔ kɛ pia. 3 ⓐ E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi. 4 Se yayami peeli lɛɛ pi ja nɛ a ngɛ; mɛɛ a ngɛ kaa jakati nɛ kɔɔhiɔ muɔɔ kɛ yaa. 5 Lɔ ɔ he ɔ, a maa gbla yayami peeli a tue, nɛ a kɛ mɛ be dali futue. 6 Ejakaa Yawɛ buu dali a he, se yayami peeli lɛɛ a hɛ mi ma kpata.