Kue fami kɛ ha yemi kɛ buami (<x>230 40:13-17</x>) 1 Mawu, mo he ye yi wami koo! Yawɛ, ba piɛ ye he esɔ! 2 Nihi nɛ hlaa kaa a maa gbe mi ɔ, ha nɛ zo nɛ gbe mɛ nɛ a hɛ mi nɛ pee mɛ yaa. Ni nɛmɛ nɛ nyaa be mi nɛ i ngɛ nɔ́ nae ɔ, ha nɛ a kpale a se kɛ zo. 3 Nihi hu nɛ yeɔ ye he fɛu nɛ a deɔ ke, “Yiɛ Yiɛ!” ɔ, ha nɛ zo nɛ gbe mɛ, nɛ a hɛ mi nɛ pee mɛ yaa. 4 Se nihi tsuo nɛ hlaa o se blɔ ɔ, ha nɛ a nya, nɛ a na bua jɔmi. Ni nɛmɛ nɛ suɔ kaa o he a yi wami ɔ, ha nɛ a de daa ke, “Mawu kle!” 5 Ye yi fi nɛ ye ní ngɛ mɔbɔ. Mawu, moo ba ye ngɔ esɔ! Yawɛ, mo ji ye he piɛlɔ; mo ji ye kpɔlɔ. Koo to tsle!