Matsɛ ngua
1 ⓐ Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.
2 Lɛ nɛ bɔ je ɔ kɛ fɔ wo ɔ nɔ; lɛ nɛ to je ɔ sisi ngɛ pahi a nɔ.
3 Mɛnɔ lɛ ngɛ he blɔ nɛ e kuɔɔ Yawɛ yoku[2] ɔ? Mɛnɔ maa ya e we klɔuklɔu ɔ?
4 ⓑ Nɔ nɛ pee we yayami, nɛ e tsui mi tsɔ. Nɔ nɛ ja we yakayaka níhi, nɛ e ka we kita kɛ sisi nɔ.
5 Yawɛ maa gbaa kikɛmɛ a nɔmlɔ ɔ. Mawu maa wo lɛ nguɔ, nɛ e ma he e yi wami.
6 Nihi kaa kikɛ nɛ ɔ ji ni nɛmɛ nɛ hlaa Mawu se blɔ ɔ nɛ; mɛ lɛ a baa Yakob Mawu ɔ hɛ mi.
7 Nyɛ bli agbo ɔmɛ ngɔ fɔ si gbajaa. Nyɛ bli blema agbo ɔmɛ ngɔ fɔ si, konɛ matsɛ ngua a nɛ ba.
8 Mɛnɔ ji matsɛ ngua nɛ ɔ? Lɛ ji Yawɛ; e ngɛ he wami. Katsɛ kɛ tatsɛ kpanaa ji lɛ.
9 Nyɛ bli agbo ɔmɛ ngɔ fɔ si gbajaa. Nyɛ bli blema agbo ɔmɛ ngɔ fɔ si, konɛ matsɛ ngua a nɛ ba.
10 Mɛnɔ ji kikɛmɛ a matsɛ ngua nɛ ɔ? Yawɛ Tabohiatsɛ ɔ, lɛ tutuutu ji matsɛ ngua a nɛ!