Yawɛ, wa hyɛlɔ 1 Yawɛ ji ye hyɛlɔ; nɔ́ ko nɔ́ ko he hia we mi. 2 ⓩ E haa nɛ i jɔɔ ye he ngɛ nga mumu nɔ, nɛ e ngɔɔ mi kɛ yaa takuhi kɛ a mi nyu jɔjɔɛ he. 3 E haa nɛ i naa he wami he. E ngɔɔ mi kɛ guu blɔhi nɛ da a nɔ kaa bɔ nɛ e wo si ke e maa pee ɔ. 4 Ke i nyɛɛ diblii kpii[1] mi po, i yi gbeye; ejakaa mo Yawɛ, o ngɛ ye kasa nya haa. O to tsɔ̃mi tso ɔ, kɛ o dɛma tso ɔ ji níhi nɛ woɔ mi he wami. 5 O ngmɛɔ mi okplɔɔ ngɛ he nɛ ye he nyɛli tsuo maa na mi. O pɔɔ ye yi mi nu, nɛ o woɔ ye kplu ɔ nɛ e hyiɔ banebane. 6 Niinɛ, i le kaa ye wami be ɔ tsuo o maa na mi mɔbɔ, nɛ o maa pee mi kpakpa sɔuu. Nɛ mo Yawɛ, o we ɔ ji he nɛ ma hi daa.