Matsɛ ɔ nɛ Mawu hla a
1 ⓑ Mɛni ba nɛ je ma amɛ ngɛ basabasa pee? Mɛni he je lɛ a ngɛ soe yaka gu kikɛ nɛ ɔ?
2 Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.
3 A ke, “Nyɛ ha wa kpɔ wa he kɛ je a dɛ mi nɛ waa ye wa he.”
4 Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.
5 Jehanɛ, Yawɛ kɛ abofu ma kple a nɔ. E hɛ maa dɔ;
6 nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”
7 ⓒ Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.
8 Bi mi, nɛ ma ha mo je ma amɛ tsuo; zugba a tsuo ma ba pee o weto ní.
9 ⓓ O kɛ dade tso maa gbla a tue. O maa ywia mɛ wɔtsɔwɔtsɔ kaa a ywiaa buɛ?’ ”
10 Lɔ ɔ he ɔ, nyɛ matsɛmɛ, nyɛɛ kase ní; nyɛ, zugba a nɔ yeli, nyɛɛ bu ga womi tue.
11 Nyɛ sɔmɔ Yawɛ kɛ gbeye yemi.
12 Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.