Nyɛ je Mawu, yi wami helɔ ɔ yi
1 Nyɛ je Yawɛ yi! Imi hu ma je Yawɛ yi!
2 Be abɔ nɛ ye hɛ ngɛ nɛ ɔ, ma je Yawɛ yi! Ligbi abɔ nɛ i ngɛ wami mi nɛ ɔ, ma la kɛ je ye Mawu ɔ yi!
3 Nyɛ ko ngɔ nyɛ hɛ kɛ fɔ ganɔ ko, loo nɔmlɔ adesa ko nɔ, ejakaa e be he wami nɛ e ma he nyɛ yi wami.
4 Ke nɔmlɔ gbo ɔ, e kpaleɔ kɛ yaa zu mi ekohu, jamɛ a ligbi ɔ nɔuu e yi mi tomi ɔmɛ tsuo a se poɔ.
5 Nɔ nɛ Yakob Mawu ɔ ji e he piɛlɔ, nɛ e ngɔɔ e hɛ kɛ fɔɔ Yawɛ e Mawu ɔ nɔ ɔ, a gbaa lɛ.
6 ⓠ Mawu nɛ pee hiɔwe, zugba, wo, kɛ a mi níhi tsuo, nɛ e yeɔ e siwo nɔ daa.
7 Nihi nɛ a waa mɛ yi mi ɔ, e yeɔ a sane kɛ haa mɛ. Nihi nɛ hwɔ ngɛ mɛ yee ɔ, e haa mɛ niye ní. Nihi nɛ a wo mɛ tsu ɔ, e jeɔ mɛ.
8 Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.
9 Yawɛ baa nibwɔhi a yi; e yeɔ yalɔyihi, kɛ awusahi a sane kɛ haa mɛ; se yiwutsotsɛmɛ lɛɛ e haa a yi mi tomi peeɔ yaka.
10 Yawɛ maa ye tsɛ daa. Zion, o Mawu ɔ maa ye matsɛ kɛ maa ya neneene. Nyɛ je Yawɛ yi!