La 137

Israel bi ɔmɛ ye kɔmɔ ngɛ ma se.

1 Babilon pa amɛ a tue wa hi si ngɛ nɛ wa wo yana, benɛ wa kai Zion ɔ.

2 Wa ngɔ wa kpa saku ɔmɛ ngɔ kpla tsohi a he ngɛ pa a tue.

3 Ejakaa nihi nɛ nuu wɔ kɛ ho ma se ya a de wɔ ke wa la ha mɛ. Nihi nɛ ngɛ wɔ haoe ɔ suɔ kaa wa je a hɛja; a de wɔ ke, “Nyɛ la Zion la amɛ eko ha wɔ!”

4 Mɛni he je wa ma la Yawɛ la ngɛ ma se?

5 Ke ye hɛ je mo Yerusalem, o nɔ ɔ, lɛɛ ye hiɔ nine nɛ gbo.

6 Ke i kaii we mo Yerusalem, nɛ ke i bui mo kaa nɔ nɛ haa mi bua jɔmi pe kulaa a, lɛɛ ye lilɛ nɛ mɛtɛ ye nya mi.

7 Yawɛ, mo kai nɔ́ nɛ Edom bi ɔmɛ pee Yerusalem ligbi ko ɔ. Edom bi ɔmɛ de ke, “Nyɛɛ ku ma a kɛ pue si; nyɛɛ ku lɛ pue si kɛ ya su e sisi tomi ɔmɛ tɔɔ!”

8 ⓚ Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

9 A gbaa nɔ nɛ maa ngɔ o bimɛ tsɔwitsɔwi ɔmɛ kɛ fiaa tɛ sa.