Ga ní tsuli ɔmɛ
(<x>20 35:30-36:1</x>)
1
2 “Hyɛ, i je blɔ hla Uri binyumu Bezalel, Hur bibi ɔ kɛ je Yuda wɛtso ɔ mi,
3 nɛ i ngɔ mumi mi nike ní babauu ngɔ ha lɛ. I dloo lɛ ga ní tsumi he juɛmi, kɛ nile ha ga ní tsumi slɔɔtohi tsuo,
4 bɔ nɛ e nyɛɔ nɛ e ngɔɔ sika tsu, sika hiɔ, kɛ akɔblee kɛ peeɔ ga níhi;
5 nɛ e nine nya da kɛ tɛhi nɛ a he jua wa a he ní tsumi, tso hlɔmi, kɛ ga ní tsumi slɔɔtohi tsuo pɛpɛɛpɛ a tsumi.
6 Nɛ hyɛ, i hla Ahisamak bi Oholiab kɛ je Dan wɛtso ɔ mi, konɛ e piɛ e he kɛ tsu ní ɔ. Jehanɛ, gali kpa amɛ hu i dloo mɛ ga ní tsumi he juɛmi klɛdɛɛ, konɛ ní nɛ ɔmɛ tsuo nɛ i fa mo ke o pee ɔ, a nyɛ nɛ a pee:
7 kpe he bo tsu ɔ, daka a nɛ a kɛ somi womi ɔ maa wo mi ɔ kɛ e nya nɔ́ ɔ, bo tsu ɔ he ní ɔmɛ tsuo,
8 okplɔɔ ɔ kɛ e he ní ɔmɛ, kane tso ɔ nɛ a kɛ sika tsu ngmingmiingmi pee ɔ kɛ e he ní ɔmɛ tsuo, tsopa kɛ e he via sami la tɛ ɔ,
9 bɔ sami la tɛ ɔ kɛ e he ní ɔmɛ tsuo, nyu kã a kɛ e sisi kla a,
10 osɔfo tade saminyawiiwi ɔmɛ nɛ Aaron kɛ e binyumu ɔmɛ maa wo be mi nɛ a ngɛ osɔfo ní tsumi tsue ɔ,
11 nɔ pɔmi nu ɔ, kɛ tsopa kɛ e he via kɛ ha he klɔuklɔu ɔ. A pee nɔ́ tsuaa nɔ́ pɛpɛɛpɛ kaa bɔ nɛ i fa mo ɔ.”
Hejɔɔmi ligbi ɔ he mlaahi
12
13 nɛ e fa lɛ nɛ e de Israel bi ɔmɛ ke, “Nyɛɛ ye ye Hejɔɔmi ligbi ɔ; ejakaa Hejɔɔmi ligbi ɔ ji neneene somi nɛ ngɛ i kɛ nyɛ wa kpɛti ɔ he okadi, konɛ nyɛ na nɛ nyɛɛ le kaa imi Yawɛ, lɛ i hla nyɛ kɛ pee ye ma.
14 Lɔ ɔ he ɔ, nyɛɛ ye Hejɔɔmi ligbi ɔ, ejakaa e ji ligbi klɔuklɔu. Nɔ tsuaa nɔ nɛ ma ble Hejɔɔmi ligbi ɔ, a gbe lɛ; nɛ nɔ tsuaa nɔ nɛ ma tsu ní Hejɔɔmi ligbi ɔ, a je jamɛ a nɔ ɔ we, nɛ a ko bu lɛ ngɔ si ye ma mi bi ɔmɛ a nɔ hu.
15
16 Enɛ ɔ he ɔ, Israel bi ɔmɛ nɛ a ye Hejɔɔmi ligbi nɛ ɔ kɛ a nina tsuo kaa somi ɔ he okadi.
17
18