Níhi a nya buami kɛ ha he klɔuklɔu ɔ
(<x>20 35:4-9</x>)
1
2 “De Israel bi ɔmɛ ke a ba ke mi ní. Nɔ tsuaa nɔ nɛ e tsui ma gbo nɔ kaa e maa ke nɔ́ ko ɔ, nyɛ he.
3 Nike ní ɔmɛ nɛ a pee sika tsu, sika hiɔ kɛ akɔblee;
4 kpa bluu, kpa tsu, kpa nɛ hɛɛ alamua tu su, kpa hiɔ kpakpa nɛ a tslɔ, apletsi he bwɔmi,
5 agbosu he womi nɛ a wo lɛ kɔbɛi, lohwe he womi nɛ a je blɔ pee, tso nɛ a tsɛɛ ke akasia,
6 nu nɛ a kɛ woɔ kane mi, tsopa nɛ a kɛ peeɔ nɔ pɔmi nu kɛ tsopa kɛ e he via,
7 tɛ nɛ a tsɛɛ shoham, kɛ tɛhi nɛ a he jua wa nɛ a kɛ maa wo tade nɛ a tsɛɛ efɔd ɔ kɛ gugue tade ɔ a he.
8 Ha nɛ a ma he klɔuklɔu ko ha mi, konɛ ma hi a kpɛti.
9 A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.
Somi daka a
(<x>20 37:1-9</x>)
10
11 Ngɔɔ sika tsu ngmingmiingmi kɛ ha daka a mi, kɛ e he tsuo, nɛ o kɛ sika tsu ɔ eko nɛ wo zã kɛ bɔle e he ɔ kulaa.
12 Moo pee sika tsu ga eywiɛ, nɛ o ka kɛ wo daka a nane eywiɛ ɔmɛ a he; ga enyɔ nɛ hi kasa hiɛ, nɛ enyɔ hu nɛ hi kasa hiɛ.
13 Moo hlɔ akasia tsohi nɛ o ngɔ sika tsu kɛ ha a he.
14 Ngɔɔ tso ɔmɛ kɛ hɔ ga amɛ a mi ngɛ daka a he, nɛ́ a pɛtɛ a he kɛ hɛɛ daka a.
15 Tso ɔmɛ nɛ a hi ga amɛ a mi daa; a ko je mɛ ngɛ a mi.
16 Somi womi ɔ nɛ ma ngɔ ha mo ɔ, ngɔɔ kɛ wo daka a mi.
17
18 Ngɔɔ sika tsu nɛ a si nɔ tɛtlɛɛ kɛ pee bɔfohi nɛ a tsɛɛ kerub ɔ enyɔ kɛ ma nya nɔ́ ɔ nɔ ngɛ daka a kami mi hiɛ kɛ hiɛ.
19 Kerub kake nɛ hi hiɛ, nɛ kake hu nɛ hi hiɛ. Moo pee kerub enyɔ ɔmɛ nɛ a kɛ daka a nya nɔ́ ɔ nɛ tsa.
20 Kerub ɔmɛ nɛ a gbɛ a pɛlihi a mi kɛ ya hiɔwe nɛ a kɛ ha daka a nya nɔ́ ɔ he. A plɛ a hɛ mi ngɔ kpee a sibi, nɛ a hi nya nɔ́ ɔ nɔ hyɛe.
21 Ngɔɔ somi womi ɔ nɛ ma ha mo ɔ kɛ wo daka a mi, nɛ o ngɔ nya nɔ́ ɔ ngɔ bu nya.
22 Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.
Okplɔɔ ɔ nɛ Mawu we abolo klɛdɛɛ ɔ maa ma nɔ ɔ
(<x>20 37:10-16</x>)
23
24 Ngɔɔ sika tsu ngmingmiingmi kɛ ha he, nɛ o ngɔ sika tsu ɔ eko kɛ wo e nya amɛ kɛ kpe.
25 Moo pee kla maa pee dɛ mi blimi kake kɛ wo okplɔɔ ɔ he kɛ kpe. Ngɔɔ sika tsu kɛ wo zã dɛɛ kɛ bɔle kla a.
26 Moo pee sika tsu ga eywiɛ ngɔ mɛtɛ okplɔɔ ɔ nane eywiɛ ɔmɛ a he ngɛ kɔ nya eywiɛ ɔmɛ.
27 Ga amɛ nɛ a maa ngɔ tso ɔmɛ nɛ a kɛ maa hɛɛ okplɔɔ ɔ ngɔ hɔ a mi ɔ, a hi tso kla a kasa nya tutuutu.
28 Moo hlɔ akasia tsohi nɛ a kɛ maa hɛɛ okplɔɔ ɔ, nɛ o ngɔ sika tsu kɛ ha a he.
29 Ngɔɔ sika tsu ngmingmiingmi kɛ pee plɛɛtehi kɛ kahi nɛ a kɛ maa sã tsopa kɛ e he via, kɛ kpluhi, kɛ likɔkɔhi nɛ a kɛ maa sã wai bɔ.
30
Kane tso ɔ
(<x>20 37:17-24</x>)
31
32 Kɔni ekpa nɛ hi kane tso ɔ he; etɛ ngɛ kasa hiɛ, kɛ etɛ hu ngɛ kasa hiɛ.
33 Kane tso ɔ he kɔni ekpa amɛ ɔ, mɔmɔ etɛ kɛ a yi pɛɛ nɛ hi eko tsuaa eko nɔ.
34 Kpɛti kane tso ɔ lɛɛ mɔmɔ eywiɛ kɛ a yi pɛɛ nɛ hi nɔ.
35 Kane tso tso gblaa etɛ ɔmɛ ɔ, mɔmɔ kpɔ nɛ hi kɔni enyɔɔnyɔ ɔmɛ a kpe he ɔmɛ a sisi tutuutu.
36 Kpɔ ɔmɛ, tso gblaa amɛ, kɛ kpɛti kane tso ɔ tsuo nɛ tsa; a ngɔ sika tsu ngmingmiingmi nɛ a si nɔ tɛtlɛɛ kɛ pee lɛ tsuo.
37 Jehanɛ, moo pee kane kpaago kɛ ma kane tso ɔ nɔ, konɛ a la a nɛ kpɛ kɛ ya hlami.
38 Kane ɔ sumi kɛ e gbemi nɔ́ ɔ, kɛ nɔ́ nɛ a kɛ maa muɔ la zu ɔ hu a ngɔ sika tsu ngmingmiingmi kɛ pee.
39 A ngɔ sika tsu ngmingmiingmi nɛ e jiimi peeɔ kilo nyingmi etɛ kɛ enuɔ kɛ pee kane tso ɔ kɛ e he ní ɔmɛ tsuo.
40