A dla kɛ ha Hetsɔmi nyami ligbi ɔ
1
2
3
4 Blɔ nya tomi nɛ ɔ sa matsɛ ɔ, kɛ ma a tsuo a hɛ mi.
5 Lɔ ɔ he ɔ, a to kaa á ya kpee Israel bi ɔmɛ tsuo kɛ ba Yerusalem, konɛ a ba ye Hetsɔmi ɔ kaa bɔ nɛ mlaa a tsɔɔ ɔ. Á je Dan ngɛ omleyi je, kɛ Beersheba ngɛ leneyi je kɛ ba, nɛ a he nɛ hiɛ babauu pe bɔ nɛ a baa daa a.
6 Tsɔli ɔmɛ ngɔ matsɛ ɔ, kɛ ganɔ ɔmɛ a sɛ gbi ɔ kɛ ya kpa Israel kɛ Yuda tsuo, nɛ a de ke,
7 Nyɛ ko pee kaa nyɛ nɛmɛ ɔmɛ, kɛ nyɛ nyɛmimɛ ɔmɛ nɛ a pee yayami kɛ si Yawɛ, a Mawu ɔ. Kaa bɔ nɛ nyɛ na a, Mawu gbla a tue wawɛɛ nitsɛ.
8 Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.
9 Ke nyɛ kpale kɛ ba Yawɛ ngɔ ɔ, nyɛ nyɛmimɛ ɔmɛ, kɛ nyɛ bimɛ ɔmɛ a ní maa pee nihi nɛ ba nuu mɛ nyɔguɛ kɛ ho ɔ mɔbɔ. A maa ngmɛɛ a he, nɛ a maa kpale kɛ ba we ekohu. Yawɛ, nyɛ Mawu ɔ mi mi jɔ, nɛ e naa mɔbɔ. Ke nyɛ kpale kɛ ba e ngɔ ɔ, e ma he nyɛ atuu.”
10
11 Se kɛ̃ ɔ, Asher, Manase, kɛ Zebulun bi ɔmɛ a ti nihi bɔɔ ba a he si, nɛ a kplɛɛ kaa a maa ba Yerusalem.
12 Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.
A ye Hetsɔmi ɔ
13
14 A ya je bɔ sami la tɛhi tsuo nɛ ngɛ Yerusalem, nɛ a sãã bɔhi kɛ tsopa kɛ e he via ngɛ a nɔ ɔ, nɛ a muɔ mɛ kɛ ya pue Kidron pa a mi.
15 Nyɔhiɔ ɔ ligbi nɛ ji nyɔngma kɛ eywiɛ ɔ, a gbe jijɔ ɔmɛ nɛ a kɛ maa sã Hetsɔmi bɔ ɔ. Osɔfohi kɛ Levi bi nɛ a he tsɔ we ɔ, zo gbe mɛ kpɔtɔɔ. Lɔ ɔ he ɔ, a pee a he klɔuklɔu kɛ ha Yawɛ, nɛ a bɔni sami bɔ sami ngɛ Yawɛ we ɔ.
16 A ya da a blɔ he ɔmɛ ngɛ Yawɛ we ɔ mi kaa bɔ nɛ a ngma ngɛ Mawu nɔmlɔ Mose mlaa a mi ɔ. Levi bi ɔmɛ ngɔ lohwe ɔmɛ nɛ a kɛ ba sã bɔ ɔ a muɔ kɛ ha osɔfo ɔmɛ, nɛ osɔfo ɔmɛ kɛ muɔ ɔ fĩa bɔ sami la tɛ ɔ nɔ.
17 Akɛnɛ ni ɔmɛ babauu a he tsɔ we he je ɔ, a nyɛ we nɛ a gbe Hetsɔmi jijɔ ɔmɛ. Enɛ ɔ he je ɔ, Levi bi ɔmɛ gbe lohwe ɔmɛ ha mɛ, nɛ a pee lohwe ɔmɛ klɔuklɔu kɛ ha Yawɛ.
18 Ní nɛ ɔmɛ a se ɔ, nihi nɛ je Efraim, Manase, Isakar, kɛ Zebulun wɛtso ɔmɛ a mi kɛ ba a, a ti nihi babauu ji ni nɛmɛ nɛ na we nɛ a tsukɔ a he. Lɔ ɔ he ɔ, Hetsɔmi ɔ nɛ a ye ɔ, mɛɛ a yi lɛ kaa bɔ nɛ a to ke a ye ɔ. Hezekia sɔle kɛ ha jamɛatsɛmɛ ɔmɛ, nɛ e de ke,
19 “Yawɛ, wa nɛmɛ a Mawu nɛ o naa mɔbɔ lee! Nihi tsuo nɛ a ngɛ mo jae kɛ a tsui tsuo, se kɛ̃ ɔ a he tsɔ we ɔ, ngɔɔ a he yayami ɔmɛ kɛ pa mɛ.”
20 Yawɛ bu Hezekia kue fami ɔ tue; e ngɔ ni ɔmɛ a he yayami ɔmɛ kɛ pa mɛ, nɛ e gbla we a tue.
21 Israel bi nɛ bua a he nya ngɛ Yerusalem ɔ ye Abolokplolo nyami be ɔ ligbi kpaago sɔuu kɛ bua jɔmi nɛ nya wa. Daa ligbi ɔ, Levi bi ɔmɛ, kɛ osɔfo ɔmɛ fiaa kpa saku, nɛ a laa kɛ jeɔ Yawɛ yi kɛ a tsui tsuo.
22 Hezekia je Levi bi ɔmɛ a yi wawɛɛ nitsɛ, ejakaa a je a he kpo kaa nihi nɛ le Yawɛ sɔmɔmi ní tsumi ɔ saminya.
A ye Hetsɔmi ɔ si enyɔne
23 ma a tsuo kplɛɛ kaa a ma pa ye ligbi kpaago kɛ piɛ he. Nɛ a kɛ bua jɔmi nɛ nya wa ye ligbi kpaago kɛ piɛ he.
24 Matsɛ Hezekia ha ma a na ku akpe, kɛ jijɔ akpe kpaago ke a gbe nɛ a ye; nɛ ganɔ ɔmɛ hu ha mɛ na ku akpe, kɛ jijɔ akpe nyɔngma. Osɔfohi babauu pee a he klɔuklɔu.
25 Nɔ tsuaa nɔ bua jɔ e he; Yuda bi ɔmɛ, osɔfo ɔmɛ, Levi bi ɔmɛ, nihi nɛ je omleyi je kɛ ba a, kɛ nibwɔhi nɛ ngɛ Israel kɛ Yuda a.
26 Yerusalem ma a mi pee hoo kɛ nyami sɔuu, ejakaa kɛ je Matsɛ Salomo, David binyumu ɔ yi nɔ ɔ, nɔ́ ko kaa kikɛ nɛ ɔ bɛ hyɛ.
27 Nyagbe ɔ, osɔfo ɔmɛ, kɛ Levi bi ɔmɛ te si nɛ a ba Yawɛ gbaami kɛ pue ma a nɔ. Mawu nu a kue fami ɔmɛ ngɛ e hi he ɔ ngɛ hiɔwe, nɛ e bu mɛ tue.