Kronika II, 3

1 ⓖ Jehanɛ, Salomo je Yawɛ we ɔ mami sisi ngɛ Yerusalem, ngɛ Moria yo ɔ nɔ, he nɛ Yawɛ je e he kpo ngɔ tsɔɔ e tsɛ David ngɛ ɔ. Lejɛ ɔ ji Yebus no ɔ nɛ a tsɛɛ lɛ Arauna a ngma mi sami he. Matsɛ David ji nɔ nɛ hla lejɛ ɔ kɛ to kɛ ha we ɔ pomi.

2 Benɛ Salomo ngɛ tsɛ yee ɔ, jeha eywiɛne ɔ we nyɔhiɔ nɛ ji enyɔ ɔ mi lɛ e bɔni we ɔ mami.

3 Yawɛ we ɔ nɛ Matsɛ Salomo ma a, e kami ji gugue nyɔngma kɛ enuɔ, nɛ e blimi ji gugue enuɔ.

4 Kue ɔ nɛ ngɛ Yawɛ we ɔ hɛ mi ɔ kami ji gugue enuɔ, kaa we ɔ mi blimi pɛpɛɛpɛ. E hiɔwe yami ji gugue nyingmi etɛ. A kɛ sika tsu ngmingmiingmi ha gbogbo ɔ he ngɛ tsu ɔ mi blɔ.

5 A ka seda tso kɛ wo gbogbo ɔmɛ a he ngɛ tsu nguaa a mi; a kɛ sika tsu ngmingmiingmi ha he, nɛ a tɛni tãhi kɛ kɔsɔkɔsɔhi kɛ wo mi.

6 Matsɛ ɔ kɛ tɛ saminyawiiwi nɛ he jua wa dla Yawɛ we ɔ he. Sika tsu ɔ lɛɛ Parvaim zugba a nɔ a ná kɛ je.

7 E kɛ sika tsu ha Yawɛ we ɔ gbogbo ɔmɛ, plai ɔmɛ, sinya tso ɔmɛ, kɛ sinya amɛ a he. Ní tsuli ɔmɛ tɛni bɔfohi nɛ a tsɛɛ kerub kɛ wo gbogbo ɔmɛ a he.

8 ⓗ Kpɛti tsu ɔ nɛ a tsɛɛ he klɔuklɔu pe kulaa a kami ji gugue enuɔ, nɛ e blimi ji gugue enuɔ, kaa bɔ nɛ we ɔ blimi ɔ ngɛ pɛpɛɛpɛ. A kɛ sika tsu ngmingmiingmi nɛ jiɔmi pe tɔn nyingmi enyɔ ha gbogbo ɔmɛ a he,

9 nɛ a ngmɛ sika tsu kilo fa kɛ se kɛ pee plɛɛko. Hiɔwe tsu ɔmɛ hu e kɛ sika tsu ha gbogbo ɔmɛ a he.

10 ⓘ Jehanɛ, matsɛ ɔ ha nɛ e ní tsuli ɔmɛ hlɔ kerub enyɔ nɛ e kɛ sika tsu ha a he, nɛ e ngɔ mɛ ya ma he klɔuklɔu pe kulaa a.

11 Kerub ɔmɛ daa si ngɛ a sibi a kasa nya, nɛ a plɛ a hɛ mi ngɔ kpee sinya a nya. Kerub kake ngɛ pɛli enyɔ; pɛli kake kami ji gugue kake kɛ bɔɔ ngɛ se. Kerub ɔmɛ gbɛ a pɛli ɔmɛ a mi. Kerub kake pɛli nya ya pi gbogbo ɔ ngɛ hiɛ, nɛ kake hu pɛli nya ya pi gbogbo ɔ ngɛ hiɛ, nɛ ní enyɔ ɔmɛ a pɛli ɔmɛ a nya ya kpe ngɛ tsu ɔ kpɛti tutuutu. Kerub enyɔ ɔmɛ a pɛli ɔmɛ nɛ a gbɛ a mi ɔ tsuo kami ji gugue enuɔ.

12

13

14 ⓙ A kɛ kpa bluu, kpa he jua wawɛ nɛ hɛɛ alamua tu su, kpa tsu, kɛ kploba kpɛ tsu mi pomi bo nɛ a lo kerubhi kɛ wo mi ha he klɔuklɔu pe kulaa a.

Akɔblee titima enyɔ ɔmɛ

(<x>110 7:15-22</x>)

15 Matsɛ ɔ pee titima enyɔ kɛ ma Yawɛ we ɔ hɛ mi; titima kake hiɔwe yami ji gugue kpaanyɔ kɛ fa. E pee akɔblee kpɔ enyɔ kɛ ma titima amɛ a yi mi; kake hiɔwe yami ji nine mi blimi nyɔngma.

16 E pee mɔmɔ jlasi nɛ a lo kaa kɔsɔkɔsɔ, kɛ akɔblee kpɔ kokloo lafa kɛ ma titima enyɔ ɔmɛ a yi mi.

17 A ngɔ akɔblee titima enyɔ ɔmɛ ya ma Yawɛ we ɔ agbo ɔ nya; a wo nɔ́ nɛ maa si ngɛ leneyi je ɔ biɛ ke Yakin, nɛ nɔ́ nɛ ngɛ omleyi je ɔ lɛɛ a wo lɛ biɛ ke Boaz.