Introduction
Kronika I,
NYA TSƆƆMI Sanehi nɛ a ngma ngɛ Samuel womi ɔmɛ, kɛ matsɛmɛ ɔmɛ a womi ɔmɛ a mi ɔ, jamɛ a sane ɔmɛ nɔuu lɛ a plɛ mi nɛ a kpale ngma ngɛ Kronika womi ɔmɛ a mi. Israel matsɛ yemi ɔ he sanehi nɛ a ngma ngɛ kronika womi ɔmɛ a mi ɔ, nɔ́ enyɔ pɔtɛɛ komɛ a he lɛ a ngma ngɛ. 1. Kekleekle nɔ́ ji kaa amanehlu babauu ba Israel kɛ Yuda matsɛ yemi ɔmɛ a nɔ mohu, se si ko nɛ Mawu wo ma a, e ngɛ jamɛ a siwo ɔ nɔ yee kɛ mwɔɔ. Yi mi nɛ Mawu to kɛ ha ma a, e ngɛ he ní tsue kɛ gu ni nɛmɛ nɛ ngɛ Yuda a a nɔ. Nɔ nɛ ngma womi nɛ ɔmɛ ɔ, níhi nɛ e kɛ yeɔ nɔ́ nɛ ɔ he odase ji ní tsumi nguanguahi nɛ Matsɛ David kɛ e bi Salomo tsu, tsakemihi nɛ Yehoshafat, Hezekia, kɛ Yosia ngɔ kɛ ba, kɛ nihi nɛ ye Mawu anɔkuale kɛ ya si nyagbe ɔ. 2. Enyɔne ɔ, womi ngmalɔ ɔ tsɔɔ bɔ nɛ Mawu jami je sisi ngɛ Mawu we ɔ ngɛ Yerusalem, titli ɔ, bɔ nɛ a to blɔ nya kɛ ha osɔfo ɔmɛ, kɛ Levi bi ɔmɛ ngɛ jami ɔ he. Womi ngmalɔ ɔ tsɔɔ kaa e ngɛ mi niinɛ kaa Salomo ji nɔ nɛ ma Mawu we ɔ, se ngɛ blɔ komɛ a nɔ ɔ, David mohu ji nɔ nɛ to we ɔ sisi. David ɔ nɔuu ji nɔ nɛ to blɔ nya kɛ ha kusumi tsumi ngɛ we ɔ mi. Bɔ nɛ a dla womi ɔ mi ha • Weku kpahi kɛ biɛhi 1.1—9.44
• Saul gbenɔ 10.1-14
• David matsɛ yemi 11.1—29.30
a. Haomihi nɛ ba David nɔ, kɛ níhi nɛ e tsu 11.1—22.1
b. David dla kɛ ha Mawu we ɔ mami 22.2—29.30
• Saul gbenɔ 10.1-14
• David matsɛ yemi 11.1—29.30
a. Haomihi nɛ ba David nɔ, kɛ níhi nɛ e tsu 11.1—22.1
b. David dla kɛ ha Mawu we ɔ mami 22.2—29.30