Kronika I, 2

Yuda nina

1 Yakob binyumu ɔmɛ a biɛhi ji Ruben, Simeon, Levi, Yuda, Isakar, Zebulun, Dan, Yosef, Benyamin, Naftali, Gad, kɛ Asher.

2

3 Yuda bimɛ ɔmɛ tsuo ɔ, mɛ ni enuɔ. E kɛ e yo Batshua, Kanaan no ɔ fɔ binyumuhi etɛ. Mɛ ji Er, Onan, kɛ Shela. Er bitɛte ɔ, nɔmlɔ yayami ji lɛ; enɛ ɔ he je ɔ, Yawɛ gbe lɛ.

4 Yuda kɛ e nganyɛ Tamar hu fɔ binyumuhi enyɔ, Perez, kɛ Zera.

5 Perez bimɛ ji Hezron, kɛ Hamul.

6 E nyɛminyumu Zera ngɛ bimɛ enuɔ. Mɛ ji Zimri, Etan, Heman, Kalkol, kɛ Darda.

7 ⓐ Karmi bi Akan, Zera nina a kake ya ngɔ níhi nɛ a tsu he ngɔ ha Mawu ɔ eko; nɛ nɔ́ nɛ ɔ kɛ amanehlu ba Israel ma a nɔ.

8 Etan ngɛ binyumu nɛ a tsɛɛ lɛ Azaria.

Matsɛ David weku kpa

9 Hezron bimɛ ji Yerameel, Ram, kɛ Kaleb.

10 Bɔ nɛ weku kpa a ngɛ ha kɛ je Ram nɔ kɛ ya si Ishai nɔ ji nɛ ɔ nɛ: Ram, Aminadab, Nashon (Nashon nɛ ɔ, ganɔ ji lɛ ngɛ Yuda wɛtso ɔ mi)

11 Salmon, Boaz,

12 Obed, kɛ Ishai.

13 Ishai ngɛ binyumuhi kpaago. A biɛhi ngɛ a wami nya ji Eliab, Abinadab, Shama, Netanel, Radai, Ozem, kɛ David.

14

15

16 A nyɛmimɛ yihi ji Zeruya, kɛ Abigail. Ishai biyo Zeruya ngɛ binyumuhi etɛ: Abishai, Yoab, kɛ Asahel.

17 Abigail gba Yeter nɛ ji Ishmael nina a, nɛ e kɛ lɛ fɔ binyumu nɛ a tsɛɛ lɛ Amasa.

Hezron nina

18 Hezron binyumu Kaleb ngɔ Azuba. E kɛ lɛ fɔ biyo, nɛ a wo lɛ biɛ ke Yeriot. Binyumuhi nɛ Azuba fɔ ji Yesher, Shobab, kɛ Ardon.

19 Benɛ Azuba gbo ɔ, Kaleb ngɔ Efrat, nɛ e kɛ lɛ fɔ binyumu nɛ a tsɛɛ lɛ Hur.

20 Hur bi ji Uri, nɛ e bibi ji Bezalel.

21 Benɛ Hezron ye jeha nyingmi ekpa a, e ngɔ Makir biyo ɔ nɛ ji Gilead nyɛmiyo ɔ. E kɛ lɛ fɔ binyumu, nɛ a wo lɛ biɛ ke Segub.

22 Segub bi ji Yair. Yair ngɛ ma nyingmi enyɔ kɛ etɛ ngɛ Gilead zugba a nɔ.

23 Se Geshur kɛ Aram ya ngɔ ma nyingmi ekpa ngɛ lejɛ ɔ; Yair kɛ Kenat kɔpe ɔmɛ, kɛ mahi nɛ bɔle mɛ ɔ hu piɛ he. Nihi tsuo nɛ ngɛ lejɛ ɔ, Makir nina ji mɛ. Makir ji nɔ nɛ po Gilead ma a.

24 Benɛ Hezron gbo ɔ, e binyumu Kaleb ngɔ e tsɛ Hezron yalɔyo ɔ nɛ a tsɛɛ lɛ Efrat ɔ. E kɛ lɛ fɔ binyumu, nɛ a wo lɛ biɛ ke Ashur. Ashur ji nɔ nɛ po Tekoa ma a.

Yerameel nina

25 Yerameel, Hezron bitɛte ɔ ngɛ binyumuhi nɛ a tsɛɛ mɛ Ram, e kekleekle bi ɔ, Buna, Oren, Ozem, kɛ Ahiya.

26 Ram binyumuhi ji Maaz, Yamin, kɛ Eker. Yerameel ngɛ yo kpa nɛ a tsɛɛ lɛ Atara. E kɛ lɛ fɔ binyumu, nɛ a wo lɛ biɛ ke Onam.

27

28 Onam binyumuhi ji Shamai, kɛ Yuda. Shamai hu ngɛ binyumuhi nɛ a tsɛɛ mɛ Nadab kɛ Abishur.

29 Abishur ngɔ yo ko nɛ a tsɛɛ lɛ Abihail, nɛ e kɛ lɛ fɔ binyumuhi nɛ a tsɛɛ mɛ Aban, kɛ Molid.

30 Abishur nyɛminyumu Nadab ngɛ binyumuhi nɛ a tsɛɛ mɛ Seled, kɛ Apaim; se Seled na we bi nɛ e kɛ gbo.

31 Apaim bi ji Ishi, Ishi bi ji Sheshan, nɛ Sheshan bi ji Ahlai.

32 Yada, Shamai nyɛminyumu ɔ, e binyumuhi ji Yeter, kɛ Yonatan; se Yeter na we bi nɛ e kɛ gbo.

33 Yonatan ngɛ binyumuhi enyɔ, Pelet kɛ Zaza. Yerameel nina ji ni nɛ ɔmɛ tsuo.

34 Sheshan be binyumu; biyihi pɛ lɛ ngɛ e dɛ. E ngɛ tsɔlɔ ko nɛ je Egipt, nɛ a tsɛɛ lɛ Yarha;

35 nɛ e kɛ e biyo kake ha lɛ. Yarha kɛ Sheshan biyo nɛ ɔ fɔ binyumu, nɛ a wo lɛ biɛ ke Atai.

36 Bɔ nɛ weku kpa a ngɛ ha kɛ je Atai nɔ kɛ ya si Elishama nɔ ji nɛ ɔ nɛ: Atai, Natan, Zabad,

37 Eflal, Obed,

38 Yehu, Azaria,

39 Helez, Eleasa,

40 Sismai, Shalum,

41 Yekamia, kɛ Elishama.

Kaleb nina kpahi

42 Yerameel nyɛminyumu Kaleb bitɛte ji Mesha. Mesha bi ji Zif, Zif bi ji Maresha, nɛ Maresha bi ji Hebron.

43 Hebron ngɛ binyumuhi nɛ a tsɛɛ mɛ Kora, Tapua, Rekem, kɛ Shema.

44 Shema bi ji Raham, nɛ Raham bi ji Yorkeam. Shema nyɛminyumu Rekem bi ji Shamai.

45 Shamai bi ji Maon, nɛ Maon bi ji Betzur.

46 Kaleb ngɛ plã ko nɛ a tsɛɛ lɛ Efa. Binyumuhi nɛ Efa fɔ ha lɛ ji Haran, Moza, kɛ Gazez. Haran hu ngɛ binyumu nɛ a tsɛɛ lɛ Gazez.

47 (Nyumu ko nɛ a tsɛɛ lɛ Yadai ɔ hu ngɛ binyumuhi. A biɛhi ji Regem, Yotam, Geshan, Pelet, Efa, kɛ Shaaf.)

48 Kaleb ngɛ plã kpa ko hu nɛ a tsɛɛ lɛ Maaka. Binyumuhi nɛ e kɛ lɛ hu fɔ ɔ, a biɛhi ji Sheber kɛ Tirhana.

49 Pee se ɔ, Maaka fɔ binyumu nɛ ɔmɛ kɛ piɛ a he: Shaaf kɛ Sheva. Shaaf ji nɔ nɛ to Madmana ma a sisi, nɛ Sheva hu to Makbena kɛ Gibea ma amɛ sisi. Kaleb ngɛ biyo hulɔ; a tsɛɛ lɛ Aksa.

50 Ni nɛ ɔmɛ hu Kaleb nina ji mɛ. Kaleb kɛ e yo Efrat ɔ, a bitɛte ji Hur. Hur bi Shobal ji nɔ nɛ to Kiriat Yearim ma a sisi.

51 E bi Salma ji nɔ nɛ to Betlehem ma a sisi. E bi hu ji Haref, nɔ nɛ to Betgader ma a sisi ɔ.

52 Shobal nɛ to Kiriat Yearim ma a sisi ɔ, e nina ji Haroe bi, kɛ Menuhot ma a fa.

53 E nina hu ji Kiriat Yearim weku nɛ ɔmɛ: Itri, Put, Shumat, kɛ Mishrait. (Zora kɛ Eshtaol weku ɔmɛ piɛ ni nɛ ɔmɛ a he.)

54 Salma nɛ to Betlehem ma a sisi ɔ, e nina ji Netofat bi, Atrot Bet Yoab bi, kɛ Zori bi. Zori bi nɛ ɔmɛ ji Manahat weku ɔ fa.

55 Womi ngmali a nina nɛ hi Yabez ji nɛ ɔmɛ nɛ: Tirat bi, Shimeat bi, kɛ Sukat bi. Mɛ ji Ken bi nɛ a kɛ Rekab bi ha a sibi gba.