1
2 “Jinɛ pi nɔ ko kulaa ji mo, nɛ i wo o nɔ, nɛ i pee mo ye ma, Israel nyatsɛ. Se o ya wo Yeroboam nane, nɛ o ha ye ma, Israel pee yayami nɛ a kɛ wo ye mi mi la.
3 Enɛ ɔ he je ɔ, ma kpata o kɛ o we ɔ hɛ mi kaa bɔ nɛ i pee Nebat binyumu Yeroboam ɔ.
4 Ke o he nɔ ko gbo ngɛ ma a mi ɔ, gbehi maa ye lɛ; nɛ ke o he nɔ ko gbo ngɛ nga a nɔ ɔ, lohwe pɛlitsɛmɛ maa ye lɛ.”
5
6 Baasha ba gbo, nɛ a pu lɛ ngɛ Tirza, nɛ e binyumu Ela ba ye tsɛ ngɛ e se.
7
Israel matsɛ, Ela
8
9 Ela tsɔli ɔmɛ a ti nɔ kake nɛ a tsɛɛ lɛ Zimri ɔ so e yi nɔ. Zimri nɛ ɔ ji Matsɛ Ela ta zugba lɛ ɔmɛ fa a nyatsɛ. Ligbi ko ɔ, Ela ya Tirza, nɛ e ya nu dã nɛ e de kpɔtɔɔ ngɛ e tsɔlɔ ɔ nɛ hyɛɛ matsɛ we ɔ nɔ ngɛ Tirza a we mi. Tsɔlɔ nɛ ɔ biɛ ji Arza.
10 Zimri ya sɛ we ɔ mi, nɛ e fia Ela nɔ́ nɛ e gbe, nɛ e bɔni matsɛ yemi ngɛ e nane mi. Sane nɛ ɔ ba ngɛ Yuda matsɛ, Asa yi nɔ jeha nɛ ji nyingmi enyɔ kɛ kpaago ɔ mi.
11
12 Lɔ ɔ he ɔ, kaa bɔ nɛ Yawɛ de to kɛ gu gbalɔ Yehu nɔ ɔ, Zimri kpata Baasha we ɔ tsuo hɛ mi.
13 Baasha, kɛ e binyumu Ela pee yayami kɛ si Yawɛ. A ha nɛ Israel ya ja amagahi, nɛ a kɛ nɔ́ nɛ ɔ wo Yawɛ, Israel Mawu ɔ mi mi la.
14 Ela he sane kpahi nɛ piɛ ɔ, a ngma ngɛ Israel Matsɛmɛ ɔmɛ a Blema Sanehi Womi ɔ mi.
Israel matsɛ, Zimri
15
16 nɛ benɛ a nu kaa Zimri so matsɛ ɔ yi nɔ nɛ e gbe lɛ ɔ, Israel tsuo wo Omri, nɛ ji tabo ɔ nyatsɛ ɔ matsɛ jamɛ a ligbi ɔ nɔuu ngɛ a sito he ɔ.
17 Kɛkɛ nɛ Omri kɛ e ta buli ɔmɛ je Gibeton kɛ ho nɛ a ya sa Tirza yi.
18 Benɛ Zimri na kaa a ngɔ ma a, e ho ya sɛ mɔ ɔ nɛ ngɛ matsɛ we ɔ mi. E mɛ matsɛ we ɔ he la, nɛ la a sã lɛ nɛ e gbo.
19 Nɔ́ nɛ kɛ nɔ́ nɛ ɔ ba ji kaa Zimri pee yayami kɛ si Yawɛ. Kaa bɔ nɛ e nɛ̃ Yeroboam pee ɔ, Zimri pee yayami, nɛ e ha Israel hu pee yayami; nɛ nɔ́ nɛ ɔ wo Yawɛ mi mi la.
20 Zimri he sane kpahi nɛ piɛ, kɛ Ela yi nɔ nɛ e so ɔ, a ngma ngɛ Israel Matsɛmɛ ɔmɛ a Blema Sanehi Womi ɔ mi.
Israel matsɛ, Omri
21
22 Se Omri se nyɛɛli ɔmɛ ye ni nɛmɛ nɛ ya nyɛɛ Ginat binyumu Tibni se ɔ a nɔ, nɛ benɛ Tibni gbo ɔ, Omri ba ye matsɛ.
23 Lɔ ɔ he ɔ, Yuda matsɛ, Asa yi nɔ jeha nɛ ji nyingmi etɛ kɛ kake ɔ, Omri ba bɔni tsɛ yemi ngɛ Israel. E ye matsɛ ɔ jeha nyɔngma kɛ enyɔ; e hi Tirza kɛ ye matsɛ jeha ekpa.
24 E he Samaria yoku ɔ ngɛ nyumu ko nɛ a tsɛɛ lɛ Shemer ɔ dɛ sika hiɔ yi akpe ekpa. Omri po ma ngɛ yoku ɔ nɔ, nɛ e fia gbogbo ngɔ wo he. E kɛ yoku ɔ tsɛ biɛ Shemer ɔ wo ma a, nɛ ma a biɛ ba pee Samaria.
25
26 E ya wo Nebat binyumu Yeroboam nane, nɛ e pee yayami. E ja amaga, nɛ e ha Israel hu ya pee yayami nɛ ɔ; nɛ a kɛ nɔ́ nɛ ɔ peemi wo Yawɛ, Israel Mawu ɔ mi mi la.
27 Omri he sane kpahi nɛ piɛ, kɛ kã nɛ e pee ɔ, a ngma ngɛ Israel Matsɛmɛ ɔmɛ a Blema Sanehi Womi ɔ mi.
28 Omri ba gbo, nɛ a pu lɛ ngɛ Samaria, nɛ e binyumu Ahab ba ye tsɛ ngɛ e se.
Israel matsɛ, Ahab
29
30 E pee yayami kɛ si Yawɛ pe ni nɛmɛ nɛ nyɛɛ e hɛ mi ɔ tsuo.
31 E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.
32 E po piɛ ha Baal ngɛ Samaria, nɛ e puɛ bɔ sami la tɛ ngɔ ma mi.
33 Jehanɛ, e puɛ amaga kɛ ha yo mawu ɔ nɛ a tsɛɛ Ashera a. Ahab pee yayami kɛ wo Yawɛ, Israel Mawu ɔ mi mi la pe Israel matsɛmɛ ɔmɛ tsuo nɛ nyɛɛ e hɛ mi ɔ.
34