Introduction
Samuel I,
NYA TSƆƆMI Samuel Kekleekle Womi ɔ gbaa wɔ Israel blema sanehi, kɛ je Israel manyadali ɔmɛ a se kɛ ya si a bɔni matsɛ yemi ngɛ Israel. Kikɛmɛ a tsakemi nɛ ɔ nɛ ba ngɛ Israel ma a nɔ hyɛmi blɔ nya tomi he ɔ kɔɔ nyumuhi etɛ komɛ a he titli. Kekleekle nɔ ɔ ji Samuel nɛ ji Israel manyadali kpanaa komɛ nɛ hi si ɔ a nyagbe nɔ. Nɔ nɛ ji enyɔ ɔ ji Saul, Israel kekleekle matsɛ ɔ; nɛ etɛne ɔ ji David. Kã nɛ David pee kɛ sɛ hlami be mi nɛ a na we nɛ a wo lɛ matsɛ lolo ɔ, a naa ní tsumi nɛ ɔmɛ ngɛ Samuel kɛ Saul a he sane ɔmɛ a mi. Kaa bɔ nɛ blema sane womi kpa amɛ nɛ ngɛ Somi Momo ɔ mi ɔ ngɛ ɔ, womi nɛ ɔ hu oti nɛ ngɛ mi ji, “Mawu anɔkuale yemi haa ma yaa nɔ, se tue gbomi kɛ haomi baa ma nɔ.” Nɔ́ nɛ ɔ jeɔ kpo paa ngɛ munyu nɛ Yawɛ kɛ Eli tu ɔ mi, kaa bɔ nɛ a ngma ngɛ Samuel I, 2.30 ɔ ke, “Nihi nɛ woɔ ye hɛ mi nyami ɔ, ma wo a hɛ mi nyami; se ni nɛmɛ nɛ hiee mi ɔ, imi hu ma hie mɛ.” Gbaami, aloo haomi nɛ matsɛ yemi ɔ kɛ ba Israel ma a nɔ ɔ, wa naa ngɛ Samuel Kekleekle Womi ɔ mi. Jinɛ Yawɛ nitsɛ ji Israel matsɛ kɛ je teteete. Se akɛnɛ ma a bi ke a ha mɛ matsɛ he je ɔ, Yawɛ hla matsɛ ha mɛ. Israel ná matsɛ lɛɛ, se kɛ̃ matsɛ ɔ kɛ ma a tsuo le kaa Mawu ji a tsɛ kɛ a nɔ́ tsuaa nɔ́. Mawu mlaa amɛ a mi nɔ tsuaa nɔ naa dami sane yemi ngɛ, niatsɛmɛ kɛ ohiatsɛmɛ tsuo. Bɔ nɛ a dla womi ɔ mi ha • Samuel da Israel ma a nya 1.1—7.17
• A wo Saul matsɛ 8.1—10.27
• Saul tsɛ yemi kekleekle jeha amɛ 11.1—15.35
• David kɛ Saul 16.1—30.31
• Saul kɛ e binyumu ɔmɛ a gbenɔ 31.1-13
• A wo Saul matsɛ 8.1—10.27
• Saul tsɛ yemi kekleekle jeha amɛ 11.1—15.35
• David kɛ Saul 16.1—30.31
• Saul kɛ e binyumu ɔmɛ a gbenɔ 31.1-13