Manyadali - Introduction

NYA TSƆƆMI

Womi nɛ ɔ gbaa wɔ Israel blema sane komɛ, kɛ je be nɛ Israel bi ɔmɛ ya ngɔ Kanaan zugba a kɛ ya si be nɛ a to matsɛ yemi sisi. Jamɛ a be ɔ mi ɔ, blɔ nya tomi kpakpa ko be, nɛ nɔ tsuaa nɔ peeɔ nɔ́ nɛ e suɔ. Manyadali nɛ ɔmɛ ji ni komɛ nɛ Mawu mumi ɔ je mɛ, nɛ a ba da Israel ma a nya, nɛ a tsu ní tsumi pɔtɛɛ komɛ kɛ he ma a yi wami. A ti nihi fuu tsu ní kaa tatsɛmɛ, se pi sane kojoli. Nimli nɛ ɔmɛ a ti nɔ kake nɛ a le e he sane wawɛɛ ji Samson nɛ wa naa e he sane ngɛ yi 13-16 ɔ.

Ní kasemi nɛ ngɛ womi nɛ ɔ mi ji kaa Israel ɔ, Mawu nitsɛ e ma ji lɛ. Ke Israel kua Mawu ɔ, Mawu ngɔɔ ma a kɛ woɔ a he nyɛli a dɛ mi, nɛ a naa amanehlu babauu. Ke Israel na a he yayami, nɛ a pia a he, nɛ a fa kue ha Mawu ɔ, Mawu hu naa mɛ mɔbɔ, nɛ e jeɔ mɛ kɛ jeɔ a haomi slɔɔto ɔmɛ a mi.

Bɔ nɛ a dla womi ɔ mi ha

• Sanehi nɛ ba loko Yoshua gbo 1.1—2.10
• Israel manyadali ɔmɛ 2.11—16.31
• Sane kpa komɛ 17.1—21.25