Introduction
Yohane I
NYA TSƆƆMI Kekleekle womi nɛ Yohane ngma a kɔɔ nɔ́ enyɔ pɔtɛɛ komɛ a he. E ngma, konɛ e kɛ wo nihi he wami, nɛ a kɛ Mawu, kɛ e Bi Yesu Kristo ɔ nɛ bɔ huɛ. Jehanɛ se hu, Yohane kɛ womi nɛ ɔ ngɛ nihi kɔkɔ bɔe, nɛ́ a ko ya nyɛɛ lakpa tsɔɔmi se, nɛ huɛ bɔmi nɛ ɔ ko ba puɛ. Nɔ́ nɛ kɛ tsɔɔmi nɛ ɔ ba ji: ni komɛ he ye kaa ke a fɔ nɔ ko kɛ ba je nɛ ɔ mi pɛ kɛkɛ e ba nɔ yayami mi. A tsɔɔ nya kaa ke ja ji sane ɔ, lɛɛ Yesu nɛ ji Mawu Bi ɔ, e be nyɛe nɛ e pee adesa mɔ. Nimli nɛ ɔmɛ tsɔɔ kaa ke a he nɔ ko yi wami ɔ, e sɛ kaa je nɛ ɔ mi sane ko peeɔ lɛ kɔmɔ ko kulaa. A tsɔɔ hulɔ kaa, ní komɛ kaa je mi bami kpakpa kikɛ nɛ ɔ, aloo kaa o suɔ o nyɛmi ɔ, ní nɛ ɔmɛ kɔ we yi wami hemi he. Yohane ngma womi nɛ ɔ kɛ si lakpa tsɔɔmi nɛ ɔ. E ke Yesu Kristo ɔ, adesa ji lɛ. E tsɔɔ nya kaa nihi tsuo nɛ heɔ Yesu yeɔ, nɛ a suɔ Mawu hulɔ ɔ, e sa kaa a suɔ a sibi. Bɔ nɛ a dla womi ɔ mi ha • Sisije 1.1-4
• La kɛ diblii 1.5—2.29
• Mawu bimɛ, kɛ Abosiami bimɛ 3.1-24
• Anɔkuale mumi, kɛ lakpa mumi 4.1-6
• Suɔmi ní tsumi 4.7-21
• Wa ye je ɔ nɔ kunimi 5.1-21
• La kɛ diblii 1.5—2.29
• Mawu bimɛ, kɛ Abosiami bimɛ 3.1-24
• Anɔkuale mumi, kɛ lakpa mumi 4.1-6
• Suɔmi ní tsumi 4.7-21
• Wa ye je ɔ nɔ kunimi 5.1-21