Introduction
Petro I,
NYA TSƆƆMI Petro ngma e kekleekle womi ɔ ya ha Kristo se nyɛɛli nɛ gbɛ fĩa Asia Mainɔ omleyi je ɔ. Biɛ nɛ a kɛ tsɛɛ mɛ ji, “Nihi nɛ Mawu hla.” Petro ngma womi nɛ ɔ kɛ ya wo ni ɔmɛ a mumi mi he wami, ejakaa kɛ je be nɛ a ba he Kristo ye ɔ, yi mi sɔuu a ngɛ mɛ wae, nɛ a ngɛ nɔ́ nae. Petro kai mɛ Yesu Kristo he sane kpakpa a, kaa Kristo gbenɔ, e si temi, kɛ si nɛ e wo kaa e maa ba ekohu ɔ ji nɔ́ nɛ haa mɛ hɛ kɛ nɔ fɔmi. Enɛ ɔ he je ɔ, e hia kaa a to a tsui si ngɛ amanehlu nɛ a ngɛ nae ɔ mi, nɛ a le kaa a kɛ lɔ ɔ ngɛ mɛ kae kaa a he Kristo ɔ ye niinɛ lo. Á na nɛ a le hu kaa “Ligbi ɔ nɛ Yesu Kristo maa ba a, a nine maa su a hiɔwo nɔ.” Kɛ piɛ he wami nɛ e wo mɛ ngɛ amanehlu nɛ a ngɛ nae ɔ he ɔ, Petro wo mɛ ga hu kaa a bɔ mɔde nɛ a hi si kaa Kristo we bi. Bɔ nɛ a dla womi ɔ mi ha • Sisije 1.1-2
• A kai ni ɔmɛ kaa Mawu ma he a yi wami 1.3-12
• A slɔ mɛ kaa a pee a he klɔuklɔu 1.13—2.10
• Nɔ́ nɛ sa Kristo se nyɛɛlɔ peemi ngɛ amanehlu be mi 2.11—4.19
• Kristo se nyɛɛlɔ nɛ ba e he si, nɛ e tsu ní 5.1-11
• Nyagbe munyuhi 5.12-14
• A kai ni ɔmɛ kaa Mawu ma he a yi wami 1.3-12
• A slɔ mɛ kaa a pee a he klɔuklɔu 1.13—2.10
• Nɔ́ nɛ sa Kristo se nyɛɛlɔ peemi ngɛ amanehlu be mi 2.11—4.19
• Kristo se nyɛɛlɔ nɛ ba e he si, nɛ e tsu ní 5.1-11
• Nyagbe munyuhi 5.12-14