Introduction
Timoteo I,
NYA TSƆƆMI Paulo ngma womi nɛ ɔ ya ha niheyo Kristo se nyɛɛlɔ ko nɛ a tsɛɛ lɛ Timoteo. E je Asia Mainɔ; e nyɛ ɔ Yuda no, se e tsɛ lɛɛ Hela no ji lɛ. Timoteo ba piɛ Paulo he kɛ tsu ní, nɛ e nyɛɛ e se kɛ kpa si kɛ fiɛ Mawu munyu ɔ. Paulo Kekleekle Womi nɛ e ngma ya ha Timoteo ɔ tuɔ nɔ́ etɛ pɔtɛɛ komɛ a he munyu. Kekleekle nɔ́ ji, lakpa tsɔɔmi ba te si ngɛ asafo ɔ mi; nɛ e hia kaa Pualo nɛ ngma womi nɛ ɔ ya ha Timoteo nɛ e kɛ tsɛ e juɛmi se ngɛ he. Yuda bi, kɛ ni kpa komɛ nɛ pi Yuda bi ji mɛ a juɛmi nya a, a heɔ yeɔ kaa yayami hyi je ɔ mi tsuo. Nɛ loko a ma he nɔ ko yi wami ɔ, e hia kaa nɔ ɔ kó ye ní komɛ, nɛ e kó ngɔ yo hulɔ. Enyɔne ɔ, womi nɛ ɔ tsɔɔ bɔ nɛ sa kaa a to blɔ nya kɛ ha Mawu jami, asafo nɔ hyɛmi, kɛ jehanɛ, bɔ nɛ sa nɛ asafo nya dali, kɛ nihi nɛ yeɔ buaa mɛ ɔ nɛ ba a je mi ha. Nyagbe ɔ, ga nɛ Paulo ngɛ Timoteo woe ngɛ womi nɛ ɔ mi ji bɔ nɛ e ba e je mi ha kaa Yesu Kristo sɔmɔlɔ kpakpa, nɛ kuu slɔɔtohi nɛ ngɛ asafo ɔ mi ɔ, e hyɛ a nɔ bɔ nɛ sa. Bɔ nɛ a dla womi ɔ mi ha • Sisije 1.1-2
• Ga womi nɛ kɔɔ asafo ɔ, kɛ e nɔ hyɛli a he 1.3—3.16
• Ga womi nɛ kɔɔ Timoteo ní tsumi he 4.1—6.21
• Ga womi nɛ kɔɔ asafo ɔ, kɛ e nɔ hyɛli a he 1.3—3.16
• Ga womi nɛ kɔɔ Timoteo ní tsumi he 4.1—6.21