Introduction
Kolose Bi
NYA TSƆƆMI Paulo ngma womi nɛ ɔ mane asafo ɔ nɛ ngɛ Kolose ɔ. Kolose ji ma wayoo ko nɛ ngɛ Asia Mainɔ, ngɛ Efeso beleku je. Pi Paulo nɛ to Kolose asafo ɔ sisi. Se he nɛ asafo ɔ ngɛ ɔ, lɛ nɛ hyɛɔ lejɛ ɔ nɔ. Enɛ ɔ he ɔ, e tsɔ nihi kɛ je Roma kpokpa a nɛ a tsɛɛ Asia a matsɛ ma Efeso ɔ kɛ ya lejɛ ɔ. Paulo nu kaa lakpa tsɔɔli komɛ ngɛ asafo ɔ mi ngɛ Kolose. Nimli nɛ ɔmɛ a tsɔɔmi ji, loko nɔ ko maa le Mawu, nɛ a ma he e yi wami kɛ pi si ɔ, ja nɔ ɔ ja “mumi mi nɔ yeli, kɛ blɔ nya hɛɛli komɛ.” Ní komɛ hu nɛ jamɛ a tsɔɔli ɔmɛ de kɛ piɛ he hu ji kaa e sa nɛ nɔ ɔ nɛ pee kusumi pɔtɛɛ komɛ kaa nɔ pomi kikɛ nɛ ɔ; nɛ́ kusumihi nɛ kɔɔ niye ní, kɛ ní kpa komɛ a he ɔ, e ye nɔ sisiisi. Paulo ngma anɔkuale sɛ gbi ɔ nɛ kɔɔ Kristo he ɔ kɛ si tsɔɔmi nɛ ɔmɛ. Nɔ́ pɔtɛɛ nɛ ngɛ womi nɛ ɔ mi ji kaa Yesu Kristo ma nyɛ he nɔ yi wami kɛ pi si. Hemi kɛ yemi kpa amɛ, kɛ kusumi peemi ɔmɛ lɛɛ a tsɛ̃ɔ nɔ kɛ jeɔ Kristo he mohu. Kristo nɔ Mawu gu kɛ bɔ je ɔ, nɛ e ngɛ Kristo nɔuu nɔ gue kɛ kpale je ɔ kɛ ba e ngɔ ekohu. Ja je ɔ kɛ Kristo pee kake loko a ma he je ɔ yi wami. Paulo ya nɔ tsɔɔ nya fitsofitso bɔ nɛ kikɛmɛ a tsɔɔmi nguaa nɛ ɔ ma tsu ní ngɛ níhi nɛ heɔ yeɔ a wami si himi mi. E hia kaa waa le kaa nɔmlɔ nɛ Paulo tsɔ kɛ womi nɛ ɔ kɛ ya Kolose ji Tihiko; nɛ Onesimo, nyɔguɛ ɔ nɛ Paulo ngma womi nɛ a tsɛɔ Filemon ɔ kɛ ya kpa pɛɛ ha lɛ ɔ piɛ e he kɛ ho. Bɔ nɛ a dla womi ɔ mi ha • Sisije 1.1-8
• Kristo kɛ e ní tsumi 1.9—2.19
• Wami he ngɛ Kristo mi 2.20—4.6
• Nyagbe 4.7-18
• Kristo kɛ e ní tsumi 1.9—2.19
• Wami he ngɛ Kristo mi 2.20—4.6
• Nyagbe 4.7-18