Korinto Bi I, 5

Ajuama bɔmi ngɛ asafo ɔ mi

1 ⓢ A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

2 Nɛ nyɛ ngɛ nyɛ he nɔ woe ngɔ piɛ he! Niinɛ, e sa kaa nyɛɛ ye kɔmɔ mohu. Nyumu nɛ tsu nɔ́ nɛ ɔ, nyɛɛ fie lɛ kɛ je nyɛ kpɛti.

3 E ngɛ mi kaa i be nyɛ ngɔ ngɛ nɔmlɔ tso mi mohu, se mumi mi lɛɛ i kɛ nyɛ lɛ ngɛ. Nɔmlɔ nɛ tsu kikɛmɛ a ahlua ní nɛ ɔ ɔ, i bu lɛ fɔ momo ngɛ Nyɔmtsɛ Yesu Kristo biɛ mi kaa nɔ́ nɛ i ngɛ nyɛ kpɛti. Ke nyɛ kpe nɛ ye mumi piɛ nyɛ he ngɛ Yesu Kristo he wami nya a,

4

5 nyɛɛ tu nɔmlɔ nɛ ɔ kɛ wo Satan dɛ mi, nɛ e kpata e nɔmlɔ tso ɔ hɛ mi, konɛ kojomi ligbi ɔ, Kristo nɛ he e susuma yi wami.

6 ⓣ E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

7 ⓤ Nyɛ je yayami nɛ ngɛ kaa masa a kɛ je nyɛ kpɛti, konɛ nyɛɛ pee kaa ma kplolo nɛ masa be mi kaa bɔ nɛ i le nɛ nyɛ ngɛ anɔkuale mi ɔ. Ejakaa a ngɔ Kristo ngɔ sã bɔ ha wɔ kaa to bi nɛ a gbeɔ Hetsɔmi nyami be.

8 ⓥ Lɔ ɔ he ɔ, ke wa ngɛ wa Hetsɔmi nyami be ɔ yee ɔ, nyɛ ko ha nɛ waa ngɔ ma momo kɛ ye. Ma momo nɛ ɔ ji yayami, kɛ yi wu tso níhi. Nyɛ ha waa ye lɛ ngɛ anɔkuale yemi mi.

9 I de ngɛ womi nɛ i ngma nyɛ ɔ mi ke nyɛɛ kɛ nihi nɛ fiɛɔ nyumu kɛ yo yakayaka fiɛmi kó bɔ.

10 Pi je mi bi yaholi, loo hɛ tsuli, loo juli, loo wɔ jali a he munyu nɛ i ngɛ tue kulaa; kaa mɛ ɔ, jinɛ e ko hia kaa nyɛɛ je je ɔ mi.

11 Nɔ́ nɛ i ngɛ tsɔɔe mohu ji, ke nɔ ko tsɛɔ e he Kristo se nyɛɛlɔ, nɛ e fiɛɔ nyumu kɛ yo yakayaka fiɛmi, loo e hɛ tsuɔ, loo e jaa wɔ, loo e jɛɔ nɔ, loo e tɔɔ dã, loo e juɔ ɔ, nyɛɛ kɛ lɛ ko bɔ. Nyɛɛ kɛ lɛ ko ye ní tete po.

12 ⓦ Pi ye ní tsumi ji kaa ma kojo nihi nɛ be asafo ɔ mi; Mawu lɛ maa kojo mɛ. Se ni nɛmɛ nɛ ngɛ asafo ɔ mi ɔ, anɛ e sɛ kaa nyɛ kojoɔ mɛɛ lɛɛ lo? Kaa bɔ nɛ ngmami ɔ deɔ ɔ, “Nyɛ je nɔmlɔ yayami ɔ kɛ je nyɛ kpɛti.”